ومبلڈن ٹینس کے ابتدائی دن گرمی کا 147 سالہ ریکارڈ ٹوٹ گیا
اشاعت کی تاریخ: 1st, July 2025 GMT
لندن:
ومبلڈن ٹینس کے ابتدائی دن گرمی کا 147 سالہ ریکارڈ ٹوٹ گیا۔
درجہ حرارت 36 ڈگری تک گرنے کے باعث آل انگلینڈ کلب نے 10 منٹ کا وقفہ متعارف کرادیا جس کا مقصد پلیئرز کو گرمی سے بے حال ہونے سے بچانا تھا۔
سیزن کے تیسرے گرینڈ سلم میں ابتدائی دن 2 بار کی رنر اپ تیونس کی اونس جیبور ابتدا ہی میں ریٹائر ہوگئیں، انہوں نے جسمانی مشکلات کے سبب وکٹوریہ ٹومووا کیخلاف میچ ادھورا چھوڑنے کا مشکل فیصلہ کیا۔
بلغاریہ سے تعلق رکھنے والی ٹومووا نے ابتدائی سیٹ ٹائی بریکر پر جیت کر برتری لی تھی، دوسرے سیٹ میں بھی ابتدائی دونوں گیمز انہوں نے ہی جیتے جس پر 2022 اور 2023 کی فائنلسٹ نے میچ جاری نہ رکھنے کا فیصلہ کرلیا۔
اونس جیبور موسم کی شدت سے بے حال دکھائی دے رہی تھیں، انہوں نے پہلے سیٹ میں طویل میڈیکل ٹائم آئوٹ بھی لیا۔
مینز سنگلز میں روسی پلیئر ڈینئیل میڈویڈوف پہلے رائونڈ کے مہمان بن گئے، 2 بار کے سیمی فائنلسٹ کو پہلی آزمائش میں فرنچ حریف بینجمن بونزی نے ہرا دیا، ناکامی پر دلبرداشتہ ہوکر انہوں نے ریکٹ اپنے ہی سامان کی جانب پھینک دیا۔
بونزی نے کیریئر میں پہلی بار ٹاپ 10 میں شریک کسی پلیئر کیخلاف کامیابی پائی، برطانوی کوالیفائر اولیور ٹریوٹ نے سوئس حریف لیانڈرو رائیڈی کو مات دے کر ڈیبیو پر دوسرے رائونڈ میں جگہ بنالی۔
21 سالہ ٹریوٹ سردست عالمی درجہ بندی میں 733 ویں نمبر پر ہیں، وہ کوالیفائنگ کے تینوں رائونڈ جیت کر مین ڈرا میں 2017 کے بعد پہلے شریک ہونے والے انگلش پلیئر بنے، انہیں اب دوسرے مرحلے میں دفاعی چیمپئن کارلوس ایلکاریز کا سامنا کرنا ہوگا۔
.ذریعہ: Express News
پڑھیں:
ایشیا کپ، 3 ملکی سیریز: اسکواڈ کے انتخاب کیلئے ابتدائی مشاورت
ایشیا کپ اور تین ملکی ٹی20 سیریز کےلیے پاکستانی اسکواڈ کے انتخاب کےلیے قومی سلیکشن کمیٹی نے ابتدائی مشاورت کرلی۔
ذرائع کے مطابق پاکستانی دونوں ایونٹس کےلیے قومی سلیکشن کمیٹی ٹی20 کپتان سلمان علی آغا اور ہیڈ کوچ مائیک ہیسن سے مشاورت کرے گی۔
ذرائع کے مطابق کپتان سلمان علی آغا اور ہیڈ کوچ مائیک ہیسن ویسٹ ایڈیز سے وطن کےلیے روانہ ہوچکے ہیں۔
قومی ٹیم کی سلیکشن پر مشاورت کے بعد حتمی اعلان چیئرمین پی سی بی سینیٹر محسن نقوی کی منظوری کے بعد کیا جائے گا۔
ذرائع کے مطابق پاکستان ٹی20 اسکواڈ کا اعلان اگلے 2 سے 3 دن میں کیا جاسکتا ہے، قومی اسکواڈ 18 کھلاڑیوں پر مشتمل ہوسکتا ہے۔
ذرائع کے مطابق فاسٹ بولر سلمان مرزا اور احمد دانیال کے بھی قومی اسکواڈ میں شامل ہونے کا امکان ہے جبکہ بائیں ہاتھ کے اوپنر فخر زمان کا نیشنل کرکٹ اکیڈمی میں ری ہیب جاری ہے۔
ذرائع کے مطابق فخر زمان کے ضروری ٹیسٹ بھی کرائے جا رہے ہیں، ان کا سہ ملکی سیریز سے قبل فٹ ہونے کا امکان ہے۔
یاد رہے کہ فخر زمان ویسٹ انڈیز کے خلاف سیریز میں ہیمسٹرنگ انجری کا شکار ہوئے تھے۔
حکومت ماحولیاتی تبدیلی کے خطرات سے نمٹنے کے لئے فعال حکمت عملی پر گامزن ہے، احسن اقبال