مون سون بارشیں: راولپنڈی کے کن علاقوں میں سیلابی صورتحال کا خطرہ ہے؟
اشاعت کی تاریخ: 1st, July 2025 GMT
ملک بھر میں جاری مون سون بارشوں کے پیشِ نظر نیشنل ڈیزاسٹر مینجمنٹ اتھارٹی (این ڈی ایم اے) اور محکمہ موسمیات نے 5 جولائی 2025 تک شدید بارشوں اور ممکنہ سیلاب کے خدشے کے پیش نظر الرٹ جاری کر دیا ہے۔ خاص طور پر راولپنڈی اور اسلام آباد کے نشیبی علاقوں میں شہری سیلاب کا خطرہ لاحق ہے۔
واسا (واٹر اینڈ سینیٹیشن ایجنسی) راولپنڈی کے مطابق گزشتہ روز کی بارشوں میں نالہ لئی میں پانی کی سطح خطرناک حد تک بلند ہوئی۔ کٹاریاں کے مقام پر پانی کی سطح 15 فٹ اور گوالمنڈی کے مقام پر 15.
واسا کے اسسٹنٹ ڈائریکٹر انفارمیشن عمر فاروق نے وی نیوز کو بتایا کہ بارش کا زیادہ اثر گوالمنڈی کے اطراف علاقوں پر ہے، کیونکہ یہ نالہ لئی کا سب سے نچلا حصہ ہے۔ اگر شدید بارشوں کا سلسلہ جاری رہا تو آریا محلہ، جاوید کالونی، ملت کالونی، صادق آباد، ڈھوک کھبہ، اور ندیم کالونی کے زیرِ آب آنے کا خدشہ ہے۔
انہوں نے مزید بتایا کہ نالہ لئی کی مکمل صفائی 30 جون تک مکمل کر لی گئی ہے، اور کٹاریاں کے مقام پر چونکہ نالہ کافی بلند ہے، اس لیے وہاں فی الحال سیلاب کا کوئی خطرہ نہیں۔
مزید پڑھیں: آج سے 5 جولائی تک شدید بارشیں متوقع، این ڈی ایم اے نے سیلابی خطرات سے خبردار کردیا
محکمہ موسمیات کے مطابق آئندہ دنوں میں اسلام آباد، راولپنڈی، لاہور، فیصل آباد، پشاور، مظفرآباد، کوئٹہ اور کراچی سمیت متعدد شہروں میں تیز بارشوں کا امکان ہے۔ پہاڑی علاقوں (مری، گلیات، آزاد کشمیر، خیبر پختونخوا) میں لینڈ سلائیڈنگ کا بھی خدشہ ظاہر کیا گیا ہے۔
مزید برآں، ڈپٹی کمشنر راولپنڈی حسن وقار چیمہ کی ہدایت پر مون سون سیزن کے دوران دفعہ 144 نافذ کر دی گئی ہے، جس کی خلاف ورزی پر قانونی کارروائی کی جائے گی۔
ادھر این ڈی ایم اے نے عوام سے اپیل کی ہے کہ:
* غیر ضروری سفر سے گریز کریں
* ندی نالوں کے قریب نہ جائیں
* نکاسی آب کے نظام کو صاف رکھیں
* مقامی انتظامیہ سے رابطے میں رہیں
* برقی آلات اور کرنٹ کے خطرے سے احتیاط کریں
اداروں نے خبردار کیا ہے کہ بارشوں کے دوران سڑکوں پر پانی بھرنے، کرنٹ لگنے اور مواصلاتی نظام متاثر ہونے جیسے واقعات رونما ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد این ڈی ایم اے راولپنڈی مون سون واسا
ذریعہ
ذریعہ: WE News
کلیدی لفظ: اسلام اباد این ڈی ایم اے راولپنڈی واسا ڈی ایم اے نالہ لئی
پڑھیں:
لاہور: گھر کے بیسمنٹ میں جمع بارش کے پانی میں ڈوب کر 1 شخص جاں بحق
—فائل فوٹولاہور کے علاقے ڈیفنس میں گھر کے بیسمنٹ میں جمع ہونے والے بارش کے پانی میں ڈوب کر ایک شخص جاں بحق ہو گیا۔
پولیس کے مطابق لاش کو پوسٹ مارٹم کے لیے بھجوا دیا گیا ہے۔
دوسری جانب پنجاب میں مون سون بارشوں کے باعث جاں بحق ہونے والے شہریوں کی تعداد 21 ہو گئی۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
پنجاب ڈیزاسٹر مینجمنٹ اتھارٹی (پی ڈی ایم اے) نے صوبے میں مون سون بارشوں سے ہونے والے نقصانات کی رپورٹ جاری کردی ہے جس کےمطابق رواں سال مون سون بارشوں سے اب تک 21 شہری جاں بحق اور 154 زخمی ہو گئے۔
ترجمان نے شہریوں سے اپیل کی ہے کہ موسمِ برسات میں احتیاطی تدابیر اختیار کریں اور خستہ حال مکانات میں رہائش نہ رکھیں۔
بھارت سے جنگ اور افغانستان میں کارروائی خارج ازامکان نہیں، وزیردفاع