پختونخوا میں موسلادھار بارشوں کی پیش گوئی، ندی نالوں اور دریاؤں میں سیلاب کا خدشہ
اشاعت کی تاریخ: 1st, July 2025 GMT
خیبر پختونخوا میں موسلادھار بارشوں کی پیش گوئی کی گئی ہے، جس کے نتیجے میں ندی نالوں اور دریاؤں میں سیلاب کا خدشہ ہے۔
محکمہ موسمیات نے خیبرپختونخوا کے مختلف اضلاع میں آئندہ دنوں کے دوران گرج چمک، تیز ہواؤں اور موسلا دھار بارشوں کی پیشگوئی جاری کی ہے، جس کے باعث دریاؤں میں طغیانی، ندی نالوں میں سیلاب اور پہاڑی علاقوں میں لینڈ سلائیڈنگ کا خدشہ ظاہر کیا گیا ہے۔
چترال، دیر بالا، دیر زیریں، سوات، بونیر، مالاکنڈ، باجوڑ، بٹگرام اور شانگلہ کے علاقوں میں بارش کے ساتھ ساتھ آندھی اور گرج چمک کا امکان ہے۔ اسی طرح کوہستان، تورغر، مانسہرہ، ایبٹ آباد، ہری پور، کرم اور مہمند میں بھی موسلادھار بارش متوقع ہے۔
اُدھر پشاور، مردان، صوابی، نوشہرہ، چارسدہ، کوہاٹ، ہنگو، خیبر اورکزئی، بنوں، کرک، لکی مروت، ڈیرہ اسماعیل خان، ٹانک اور شمالی و جنوبی وزیرستان کے اضلاع بھی بارشوں کی لپیٹ میں آ سکتے ہیں۔ ان علاقوں میں گرج چمک اور تیز ہواؤں کے ساتھ شدید بارش کی توقع کی جا رہی ہے۔
محکمہ موسمیات نے خبردار کیا ہے کہ سوات، پنجکوڑہ اور کابل کے دریاؤں میں موسلا دھار بارشوں کے باعث طغیانی آ سکتی ہے جب کہ صوابی، مردان، مانسہرہ، کوہستان، دیر، شانگلہ اور وزیرستان کے مقامی ندی نالوں میں سیلاب کی صورت حال پیدا ہونے کا خدشہ ہے۔
پشاور، نوشہرہ، ٹانک اور ڈیرہ اسماعیل خان کے نشیبی علاقوں میں بھی پانی جمع ہونے اور طغیانی کی صورتحال کا سامنا ہو سکتا ہے۔
مزید برآں خیبرپختونخوا کے پہاڑی علاقوں میں لینڈ سلائیڈنگ کے خطرات موجود ہیں، جو ٹریفک کی روانی اور سڑکوں کی بندش کا سبب بن سکتی ہیں۔
گزشتہ روز بھی کالام، سیدو شریف، مالم جبہ، بالاکوٹ، اور پشاور سمیت کئی علاقوں میں بارش ریکارڈ کی گئی۔ محکمہ موسمیات کے مطابق ڈیرہ اسماعیل خان میں درجہ حرارت 41 ڈگری سینٹی گریڈ، بنوں اور میرکھنی چترال میں 40، جبکہ پشاور، پٹن، کوہاٹ اور لوئر چترال میں 38 ڈگری ریکارڈ کیا گیا۔ اس کے علاوہ کالام میں درجہ حرارت 28، مالم جبہ 25، دیر 34 اور لوئر دیر میں 36 ڈگری سینٹی گریڈ رہا۔
محکمہ موسمیات نے شہریوں کو احتیاط برتنے اور متعلقہ اداروں کو ہنگامی صورتحال سے نمٹنے کے لیے تیار رہنے کی ہدایت کی ہے۔
.ذریعہ: Express News
کلیدی لفظ: محکمہ موسمیات دریاو ں میں ں میں سیلاب علاقوں میں بارشوں کی ندی نالوں کا خدشہ
پڑھیں:
ملک بھر میں بارشوں کا سلسلہ برقرار، سیلاب الرٹ جاری
ملک کے مختلف علاقوں میں جاری شدید بارشوں کے بعد نیشنل ڈیزاسٹر مینجمنٹ اتھارٹی (این ڈی ایم اے) نے ممکنہ سیلاب کے خطرے کے پیش نظر ریڈ الرٹ جاری کر دیا ہے، جبکہ متعلقہ ضلعی انتظامیہ اور امدادی اداروں کو چوکنا رہنے کی ہدایت دی گئی ہے۔
یہ بھی پڑھیں:ژوب اور ہرنائی میں طوفانی بارشیں اور سیلاب، 4 افراد بہہ گئے، 3 خواتین بھی شامل
دریاؤں کے بہاؤ میں خطرناک اضافہگزشتہ 2 روز سے خیبرپختونخوا، پنجاب، سندھ اور گلگت بلتستان سمیت ملک کے مختلف حصوں میں وقفے وقفے سے ہونے والی موسلادھار بارش کے باعث دریائے کابل اور دریائے سوات میں پانی کے بہاؤ میں غیر معمولی اضافہ دیکھنے میں آیا ہے۔
حکام کے مطابق، دریائے سوات کا سیلابی ریلا اب دریائے کابل میں شامل ہو چکا ہے، جس کے بعد پشاور، نوشہرہ اور دیگر نشیبی علاقوں میں سیلابی صورتحال کا خطرہ بڑھ گیا ہے۔
کراچی میں بارش کے 2 دن میں 8 امواتکراچی میں مون سون بارشوں نے شدید تباہی مچائی ہے۔ گزشتہ 2 روز میں بارش سے جڑے مختلف حادثات میں 8 افراد جاں بحق ہو چکے ہیں، جن میں کرنٹ لگنے، دیواریں گرنے اور سڑک حادثات شامل ہیں۔
یہ بھی پڑھیں:سندھ میں سیلاب سے متاثرہ سڑکوں کی بحالی کے لیے ڈیڑھ ارب روپے کی منظوری
شہری حکومت نے عوام سے غیر ضروری طور پر گھروں سے نہ نکلنے اور بجلی کے کھمبوں سے دور رہنے کی اپیل کی ہے۔
شمالی علاقہ جات میں گلیشیئر پگھلنے کا خدشہگلگت بلتستان میں درجہ حرارت میں اضافے کے باعث گلیشیئرز کے پگھلنے کا عمل تیز ہو چکا ہے، جس سے فلیش فلڈز (اچانک سیلاب) کا خطرہ پیدا ہو گیا ہے۔
این ڈی ایم اے نے مقامی انتظامیہ کو الرٹ رہنے اور عوام کو بروقت آگاہی دینے کی ہدایت کی ہے۔
پنجاب اور سندھ بھی خطرے کی زد میںپنجاب کے نشیبی اضلاع، خصوصاً راجن پور، مظفر گڑھ، بہاولپور اور ڈی جی خان میں بارشوں کے باعث ندی نالوں میں طغیانی کا امکان ظاہر کیا جا رہا ہے۔ جبکہ سندھ کے ساحلی اور جنوبی علاقوں میں بھی طوفانی بارشوں کا الرٹ جاری کر دیا گیا ہے۔
این ڈی ایم اے اور محکمہ موسمیات نے شہریوں سے اپیل کی ہے کہ وہ موسم کی تازہ ترین معلومات پر نظر رکھیں، نشیبی علاقوں سے دور رہیں، اور ہنگامی صورتِ حال میں Rescue 1122 یا متعلقہ ضلعی انتظامیہ سے فوری رابطہ کریں۔
حکومت نے تمام متعلقہ اداروں کو 24 گھنٹے الرٹ رہنے اور ممکنہ متاثرہ علاقوں میں امدادی سامان کی پیشگی فراہمی یقینی بنانے کی ہدایت بھی جاری کر دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
1122 این ڈی ایم اے بارش پاکستان دریائے سوات ریسکیو سیلاب محکمہ موسمیات مون سون
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی