بھارت: کیمیکل پلانٹ دھماکے میں ہلاکتوں کی تعداد میں اضافہ
اشاعت کی تاریخ: 1st, July 2025 GMT
اسلام آباد (اُردو پوائنٹ ۔ DW اردو۔ 01 جولائی 2025ء) پیر کو دھماکے کے بعد مقامی حکام نے ہلاک ہونے والوں کی تعداد ابتدا میں 12 بتائی تھی، تاہم آج منگل کو جائے حادثہ پر تلاشی کارروائی کے دوران مزید لاشیں ملنے کے بعد مرنے والوں کی تعداد 34 بتائی گئی۔
بھارتی میڈیا کی رپورٹوں کے مطابق ہلاکتوں کی تعداد میں مسلسل اضافہ ہو رہا ہے اور یہ تعداد اب 44 تک پہنچ گئی ہے۔
ریاستی وزیر اعلیٰ ریونت ریڈی نے کم از کم 36 افراد کی ہلاکت کی تصدیق کی ہے۔ انہوں نے آج جائے حادثہ کا دورہ کیا۔بھارت: کیمکل پلانٹ میں گیس لیک ہونے سے 8 ہلاک اورسینکڑوں متاثر
مرنے والوں کی تعداد میں مزید اضافے کا خدشہ ہے کیونکہ بہت سے زخمیوں کی حالت نازک بتائی جا رہی ہے۔ واقعہ کے وقت فیکٹری میں تقریباً 90 ملازمین موجود تھے۔
(جاری ہے)
ضلع کے سپرینٹنڈنٹ آف پولیس پرتوش پنکج نے میڈیا کو بتایا،''ملبے کے نیچے سے کئی لاشیں ملی ہیں … ریسکیو آپریشن کا آخری مرحلہ ابھی بھی جاری ہے۔‘‘
بھارت: کیمیکل پلانٹ میں دھماکہ، تقریباﹰ بیس افراد ہلاک
مقامی میڈیا اداروں کے ذریعے نشر کی جانے والی فوٹیج میں دکھایا گیا ہے کہ تلنگانہ کے سنگاریڈی ضلع میں سیگاچی انڈسٹریز کا کارخانہ ملبے کا ڈھیر بن گیا ہے۔
ہم اس واقعے کے بارے میں کیا جانتے ہیں؟فائر ڈپارٹمنٹ کے ایک ترجمان نے کہا کہ ''یہ دھماکہ فیکٹری کے اسپرے ڈرائر یونٹ میں ہوا تھا، جو کہ خام مال کو باریک پاؤڈر بنانے کے لیے استعمال کیا جاتا ہے۔‘‘
بھوپال جیسے سانحے روکنے کے لیے سخت قوانین کی اشد ضرورت
ریاست کے وزیر صحت دامودر راجناراسیمہا نے کہا کہ واقعہ کے وقت فیکٹری میں تقریباً 90 ملازمین موجود تھے۔
انہوں نے مزید کہا کہ ''دھماکے سے صنعتی شیڈ مکمل طور پر اُڑ گیا۔ دھماکہ اتنا شدید تھا کہ کچھ مزدور ہوا میں اُچھل گئے اور تقریباً 100 میٹر دور جا کر گرے۔‘‘
دھماکے کے بعد پلانٹ میں ریسکیو اور آگ بجھانے کی کارروائیاں کی گئیں جس کے دوران کم از کم 10 لاشیں نکالی گئیں۔
دھماکے کی وجہ کا ابھی تک پتہ نہیں چل سکا ہے تاہم شبہ ہے کہ یہ کیمیکل ری ایکشن کی وجہ سے ہوا ہے۔
تلنگانہ کے گورنر جشنو دیو ورما نے بھی اس المناک حادثے پر افسوس کا اظہار کیا۔ اس واقعے میں ہلاک ہونے والوں کے اہل خانہ سے تعزیت کرتے ہوئے ریاستی گورنر نے زخمیوں کی جلد صحت یابی کی خواہش کی۔
گورنر نے متعلقہ ریاستی اعلیٰ حکام سے بھی بات کی اور انہیں ہدایت دی کہ وہ دھماکے کے تمام متاثرین کی ہر ممکن مدد کریں۔
بھارت میں صنعتی حادثات عام ہیںبھارت میں دنیا کی کچھ سرفہرست دوا ساز کمپنیوں کے کارخانے ہیں، جو عام ادویات اور ویکسین کی عالمی فراہمی میں اہم کردار ادا کرتی ہیں۔
لیکن صنعتی حادثات، خاص طور پر کیمیکل ری ایکٹر کے حادثات، عام ہیں۔
سیگاچی انڈسٹریز نے یہ نہیں بتایا کہ دھماکہ کس وجہ سے ہوا یا آگ کیوں لگی، لیکن کہا کہ پلانٹ کے بنیادی مینوفیکچرنگ انفراسٹرکچر کو نقصان پہنچا ہے اور کارخانے کی سرگرمیاں 90 دنوں کے لیے روک دی جائیں گی۔
کمپنی نے کہا کہ اس پلانٹ میں مائکرو کرسٹل لائن سیلولوز تیار کیا جاتا ہے، جو ایک کیمیائی مرکب ہے۔ جس کا عام طور پر ادویات بنانے میں استعمال ہوتا ہے۔
دریں اثنا وزیر اعظم نریندر مودی نے واقعے میں جانوں کے ضیاع پر اپنے غم وغصے کا اظہار کیا اور ہلاک ہونے والے ہر ایک شخص کے قریبی رشتہ دار کو دو لاکھ روپے کی مالی امداد کا وعدہ کیا۔
ادارت: صلاح الدین زین
.
ذریعہ
ذریعہ: UrduPoint
کلیدی لفظ: تلاش کیجئے پلانٹ میں کی تعداد کہا کہ
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ