زڑگئی ڈیم میں ڈوبنے والی 2 خواتین کو بچانے والے نوجوان کے لیے سرفراز بگٹی کی جانب سے انعام اور نوکری کا اعلان
اشاعت کی تاریخ: 1st, July 2025 GMT
وزیراعلیٰ بلوچستان میر سرفراز بگٹی نے ضلع زیارت میں زڑگئی ڈیم میں ڈوبنے والی 3 خواتین میں سے 2 کو اپنی جان پر کھیل کر زندہ بچانے والے بہادر نوجوان شمائل خان ملاخیل کو خراجِ تحسین پیش کیا ہے، وزیراعلیٰ نے نوجوان کے لیے تعریفی سرٹیفیکیٹ، نقد انعام اور پی ڈی ایم اے بلوچستان کی ریسکیو فورس میں ملازمت دینے کا اعلان کردیا ہے۔
یہ بھی پڑھیں: سوات کا دلخراش واقعہ، کیا صرف حکومت ذمہ دار ہے؟
واقعہ اتوار کے روز زیارت کے علاقے منہ کے زڑگئی ڈیم میں اس وقت پیش آیا جب مقامی افراد لکڑیاں جمع کر رہے تھے۔ حکام کے مطابق 3 خواتین، 16 سالہ روبینہ، ان کی کزن 17 سالہ بی بی عقیدہ اور رشتہ دار خاتون بی بی نجمہ لکڑیاں اکٹھی کر رہی تھیں کہ اچانک روبینہ کا پاؤں پھسل گیا اور وہ پانی میں جا گری۔ انہیں بچانے کی کوشش میں باقی دونوں خواتین نے بھی ڈیم میں چھلانگ لگا دی۔
مقامی افراد کے مطابق اس وقت جائے وقوعہ پر کوئی ریسکیو ٹیم موجود نہیں تھی۔ اسی دوران قریب پہاڑ پر موجود ایک خانہ بدوش نوجوان شمائل خان ملاخیل نے یہ منظر دیکھا تو دوڑتا ہوا آیا اور بغیر کسی حفاظتی جیکٹ یا سامان کے پانی میں چھلانگ لگا دی۔ اپنی جان کی پروا نہ کرتے ہوئے اس نے بی بی عقیدہ اور بی بی نجمہ کو زندہ باہر نکال لیا، تاہم بدقسمتی سے روبینہ کو بچایا نہ جا سکا۔
بعد ازاں لیویز، ضلعی انتظامیہ اور مقامی افراد کی کئی گھنٹے کی کوششوں کے بعد روبینہ کی لاش ڈیم سے نکالی گئی۔
یہ بھی پڑھیں: چین: سیلابی ریلے میں بہتے شخص کو لمحوں میں بچانے کی ویڈیو وائرل
وزیراعلیٰ میر سرفراز بگٹی نے شمائل خان کی بہادری کو سراہتے ہوئے کہا کہ جس نے ایک انسان کی جان بچائی، اس نے پوری انسانیت کی جان بچائی۔ بلوچستان کا اصل چہرہ ایسے ہی لوگ ہیں جو اپنی جان کی پروا کیے بغیر دوسروں کی مدد کرتے ہیں۔ بلوچستان وہ سرزمین ہے جہاں کے لوگ مجبور اور دکھی انسانوں کے لیے اپنی جان پر کھیل کر یہ احساس دلاتے ہیں کہ یہ عظیم لوگوں کی سرزمین ہے۔
وزیراعلیٰ نے کہا کہ صوبہ بلوچستان جغرافیائی لحاظ سے آدھا پاکستان ہے، جہاں ریسکیو ٹیموں کو دور دراز علاقوں میں پہنچنے میں وقت لگتا ہے۔ ایسے میں سول سوسائٹی کے شمائل خان جیسے نوجوان صفِ اوّل میں رہ کر انسانیت کی خدمت کر رہے ہیں۔
وزیراعلیٰ بلوچستان نے اعلان کیا کہ نوجوان کی اس خدمت کے عوض کچھ بھی دیا جائے کم ہے، مگر ایک ذمہ دار حکومت ہونے کی وجہ سے ہم شمائل خان کو نقد انعام، تعریفی سرٹیفیکیٹ اور پی ڈی ایم اے بلوچستان کی ریسکیو فورس میں نوکری دیں گے۔
یہ بھی پڑھیں: ژوب اور ہرنائی میں طوفانی بارشیں اور سیلاب، 4 افراد بہہ گئے، 3 خواتین بھی شامل
بلوچستان حکومت کے ترجمان کے مطابق، مقامی افراد اور سوشل میڈیا پر شمائل خان کی بہادری کی خبریں سامنے آنے کے بعد وزیراعلیٰ بلوچستان نے یہ فیصلہ کیا۔ ڈائریکٹر پی ڈی ایم اے نے بھی اس اعلان کی تصدیق کرتے ہوئے کہا کہ شمائل خان کو محکمے میں ملازمت دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انعام بلوچستان پاکستان خواتین زڑگئی ڈیم سرفراز بگٹی نوجوان.ذریعہ: WE News
کلیدی لفظ: بلوچستان پاکستان خواتین سرفراز بگٹی نوجوان مقامی افراد سرفراز بگٹی اپنی جان ڈیم میں کے لیے
پڑھیں:
بدترین اسرائیلی جارحیت کے باوجود غزہ کی جانب بڑھنے والی واحد کشتی کی کہانی
اسرائیل کی بحریہ نے غزہ کی طرف جانے والی انسانی امدادی فلوٹیلا کے زیادہ تر جہاز روک دیے اور سیکڑوں کارکنان کو حراست میں لے لیا، مگر پولینڈ کی پرچم بردار کشتی ’ Marinette‘ اب بھی غزہ کی طرف رواں دواں ہے۔
ابتدائی طور پر 44 جہازوں پر مشتمل یہ فلوٹیلا اب صرف ایک فعال جہاز تک محدود ہے۔
Marinette, our prayers and hopes are with you. Sail strong, stay safe, and may you reach Gaza in victory. Break the siege, open the humanitarian corridor, and let this be the beginning of the end of the occupation. Free Palestine ???????? pic.twitter.com/HqtVvyhx6U
— |˶˙ᵕ˙ )ﾉ༄???????? (@kazeverbloom) October 3, 2025
کشتی کے آسٹریلوی کیپٹن ’کیمیرون‘ نے ویڈیو کال میں بتایا کہ ابتدائی انجینئرنگ مسئلے کی وجہ سے وہ باقی فلوٹیلا سے پیچھے رہ گئے، لیکن اب جہاز مکمل طور پر غزہ کی سمت روانہ ہے۔ یات میں ترک شہریوں کی ایک ٹیم، عمان سے ایک خاتون، اور کیپٹن خود شامل ہیں۔
یہ بھی پڑھیں:گلوبل صمود فلوٹیلا میں شامل سابق سینیٹر مشتاق احمد خان کی گرفتاری پر اہلیہ کا اہم بیان
لائیو ویڈیو فیڈ کے مطابق یات بحیرہ روم میں غزہ کی حدود سے تقریباً 80 کلومیٹر دور ہے۔
اسرائیل کی وزارت خارجہ نے پہلے خبردار کیا تھا کہ جہاز کو بلاک کے اندر داخل ہونے سے روکا جائے گا، لیکن ’ Marinette ‘نے ہمت نہیں ہاری۔
اسرائیل کی کارروائی میں 42 جہاز روک لیے گئے اور ان کے مسافر حراست میں لیے گئے، جن میں معروف سرگرم کارکن ’گریٹا تھنبرگ، سابق بارسلونا کی میئر آدا کولاؤ، اور یورپی پارلیمنٹ کی رما حسن‘ بھی شامل ہیں۔
İsrail donanmasının baskınları sonrası Küresel Sumud Filosu’ndan yalnızca Polonya bandıralı Marinette teknesi Gazze kıyılarına ilerleyişini sürdürüyorhttps://t.co/a3HNyEQvq7 pic.twitter.com/xhBI0HyFuv
— İlke TV (@ilketvcomtr) October 3, 2025
بین الاقوامی ردعمل شدید ہے۔ کئی عالمی رہنماؤں نے اسرائیل کی کارروائی کو غیر قانونی قرار دیا ہے، جبکہ عالمی احتجاج بھی جاری ہے۔ اقوام متحدہ کی خصوصی رپورٹر ’فرانسیسکا البانیز‘ نے اسے غیر قانونی اغوا قرار دیا اور غزہ کے عوام کے ساتھ ہمدردی کا اظہار کیا ہے۔
یہ فلوٹیلا انسانی امداد پہنچانے کی سب سے بڑی بحری مہم ہے اور ’ Marinette ‘ کا آگے بڑھنا انسانی ہمدردی اور عالمی توجہ کا مرکز بنا ہوا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ