گردوں کے امراض سے بچاؤ کیلئے بہترین 11 قدرتی غذائیں
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
گردے انسانی جسم کے نہایت اہم اعضا میں شمار ہوتے ہیں جو ہمارے خون کو فلٹر کر کے زہریلے مواد اور اضافی سیال کو جسم سے خارج کرتے ہیں۔
یہ بالکل ایسے ہی کام کرتے ہیں جیسے واٹر فلٹر پانی کو صاف کرتا ہے۔ گردے نہ صرف پوٹاشیم، سوڈیم اور دیگر معدنیات کی سطح کو متوازن رکھتے ہیں بلکہ ایسے ہارمونز بھی پیدا کرتے ہیں جو بلڈ پریشر کو قابو میں رکھنے اور ہڈیوں کو مضبوط بنانے میں مدد دیتے ہیں۔
طبی ماہرین کے مطابق دنیا بھر میں ہر دس میں سے ایک فرد گردوں کے دائمی مرض میں مبتلا ہوتا ہے، جس کی بڑی وجہ ناقص غذائی عادات اور غیر صحت مند طرز زندگی ہے۔ تاہم اگر ہم اپنی خوراک میں کچھ خاص غذاؤں کو شامل کریں تو گردوں کی صحت کو بہتر رکھا جا سکتا ہے۔ مچھلی جیسے کھانے جسم کو پروٹین کے ساتھ ساتھ اومیگا 3 فیٹی ایسڈز فراہم کرتے ہیں جو نقصان دہ چکنائی کو کم کرنے اور بلڈ پریشر کو متوازن رکھنے میں مددگار ہوتے ہیں۔ بند گوبھی اور شملہ مرچ وہ سبزیاں ہیں جن میں پوٹاشیم کی مقدار کم اور فائبر، وٹامن سی اور وٹامن کے جیسے مفید اجزا کی مقدار زیادہ ہوتی ہے، جو گردوں کے لیے مفید سمجھی جاتی ہیں۔
بلیو بیری ایک ایسا پھل ہے جو نہ صرف گردوں کو صحت مند بناتا ہے بلکہ ان کی مرمت میں بھی مدد دیتا ہے۔ اس میں موجود اینٹی آکسیڈنٹس اور فائبر جسم میں ورم کو کم کرتے ہیں اور ہڈیوں کی مضبوطی میں بھی کردار ادا کرتے ہیں۔ سبز پتوں والی سبزیاں جیسے پالک میں بھی وہ تمام اجزا پائے جاتے ہیں جو گردوں کی کارکردگی کو بہتر بنانے کے ساتھ ساتھ مدافعتی نظام کو بھی مضبوط کرتے ہیں، تاہم گردے کے مریضوں کو انہیں ڈاکٹر کے مشورے سے ہی استعمال کرنا چاہیے کیونکہ ان میں پوٹاشیم کی مقدار زیادہ ہوتی ہے۔
زیتون کا تیل اینٹی آکسیڈنٹس اور صحت بخش فیٹی ایسڈز سے بھرپور ہوتا ہے جو نہ صرف گردوں بلکہ دل، دماغ اور کینسر جیسے امراض کے خلاف بھی تحفظ فراہم کرتا ہے۔ لہسن اور پیاز میں ایسے قدرتی مرکبات موجود ہوتے ہیں جو گردوں کی صحت بہتر بنانے اور مختلف بیماریوں کا خطرہ کم کرنے میں مدد فراہم کرتے ہیں۔ اسی طرح گوبھی میں بھی وہ اجزا شامل ہوتے ہیں جو جسم میں موجود زہریلے مواد کو ختم کر کے گردوں کو بہتر طریقے سے کام کرنے میں مدد دیتے ہیں۔
انڈوں کی سفیدی پروٹین کا بہترین ذریعہ ہے اور گردوں کے مریضوں کے لیے خاص طور پر مفید ہوتی ہے کیونکہ یہ پروٹین گردوں کو اضافی دباؤ ڈالے بغیر فراہم کیا جا سکتا ہے۔ سیب ایک اور مفید غذا ہے جس میں موجود فائبر، اینٹی آکسیڈنٹس اور دیگر مفید اجزا نہ صرف گردوں کو صحت مند رکھتے ہیں بلکہ کولیسٹرول اور بلڈ شوگر کو متوازن رکھنے میں بھی مددگار ثابت ہوتے ہیں۔
یاد رکھیں کہ یہ تمام معلومات طبی تحقیقات پر مبنی ہیں، تاہم کسی بھی قسم کی تبدیلی یا علاج سے پہلے اپنے معالج سے ضرور مشورہ کریں۔
.ذریعہ: Jasarat News
کلیدی لفظ: گردوں کے گردوں کو ہوتے ہیں کرتے ہیں میں بھی ہیں جو
پڑھیں:
ایشیا کی دوسری بہترین ٹیم کہہ کر مذاق اڑایا جاتا ہے، افغان کپتان کا شکوہ
data-id="863a0a8" data-element_type="widget" data-widget_type="theme-post-content.default">
افغانستان کرکٹ ٹیم کے کپتان راشد خان نے ایشیا کپ میں ناکامی کے بعد میڈیا اور شائقین کی طرف سے ایشیا کی دوسری بہترین ٹیم کے لقب پر طنز اور مذاق پر سخت ردعمل ظاہر کیا ہے۔
ان کا کہنا ہے کہ یہ ٹیگ افغان ٹیم نے کبھی اپنے لیے نہیں اپنایا، بلکہ پچھلے کچھ عرصے میں بڑی ٹیموں کے خلاف شاندار فتوحات کے بعد عوامی تاثر کے طور پر سامنے آیا۔
نجی ٹی وی کے مطابق راشد خان نے کہا کہ ایشیا کپ میں ٹیم کی کارکردگی تسلی بخش نہیں رہی۔ بنگلا دیش کے خلاف سنسنی خیز مقابلے کے باوجود شکست اور سری لنکا کے ہاتھوں بڑی ناکامی نے سپر فور مرحلے تک پہنچنے کے امکانات ختم کر دیے، تاہم ان کا کہنا تھا کہ ٹیم نے حالیہ برسوں میں ورلڈ کپ، چیمپیئنز ٹرافی اور دیگر اہم ایونٹس میں بڑی ٹیموں کو شکست دی، جس کی بنیاد پر یہ شناخت ملی۔ مثال کے طور پر افغانستان نے انگلینڈ جیسے مضبوط حریف کو مات دی، جبکہ کئی مواقع پر ورلڈ کپ اور دیگر مقابلوں میں مضبوط ٹیموں کو چیلنج کیا۔
انہوں نے افسوس کا اظہار کرتے ہوئے کہا کہ آج کل سوشل میڈیا پر جتنا کسی کا مذاق اڑایا جاتا ہے، اتنا ہی زیادہ توجہ ملتی ہے لیکن یہ رویہ کھلاڑیوں کے لیے مناسب نہیں۔ کبھی ٹیم بہترین کھیلتی ہے اور کبھی نہیں، یہ کھیل کا فطری حصہ ہے لیکن اس کے باوجود محنت اور مثبت سوچ برقرار رکھنا ضروری ہے۔
راشد خان نے یہ بھی اعتراف کیا کہ ایشیا کپ سے قبل افغان ٹیم نے زیادہ ٹی ٹوئنٹی میچز نہیں کھیلے، جس کی وجہ سے کھلاڑیوں کے درمیان ہم آہنگی کا فقدان رہا۔ بیٹنگ اور بولنگ دونوں شعبوں میں کارکردگی معیار کے مطابق نہیں تھی اور حالات کے تقاضوں کو پورا نہ کیا جا سکا۔
افغان کپتان نے کہا کہ اب ان کی ٹیم کی تمام توجہ اگلے سال ہونے والے ٹی ٹوئنٹی ورلڈ کپ کی تیاری پر ہے۔ ان کا مقصد ہے کہ وہاں بھرپور تیاری اور متحدہ حکمت عملی کے ساتھ شرکت کریں تاکہ ایک بار پھر دنیا کو یہ دکھایا جا سکے کہ افغانستان کرکٹ کی دنیا میں کسی سے کم نہیں۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری