مون سون کی یلغار، بارشوں کا یہ سلسلہ 6 جولائی تک جاری رہے گا
اشاعت کی تاریخ: 2nd, July 2025 GMT
وفاقی دارالحکومت سمیت ملک کے بالائی علاقوں میں مون سون کی بارشوں نے موسم کو خوشگوار کردیا۔ گہرے بادل، ٹھنڈی ہوائیں اور بارش نے اسلام آباد اور اس کے نواحی علاقوں کو نکھار دیا۔ مارگلہ کی پہاڑیاں دھلی دھلی نظر آنے لگیں جبکہ شہریوں نے موسم سے خوب لطف اٹھایا۔
اسلام آباد میں صبح سے بارش کا سلسلہ وقفے وقفے سے جاری ہے۔ مری، گلیات، راولپنڈی، کلر سیداں، گوجر خان، روات اور اٹک میں بھی موسلادھار بارش ہوئی، جس کے باعث موسم نہ صرف خوشگوار ہوا بلکہ کئی علاقوں میں پانی جمع ہونے کی اطلاعات بھی سامنے آئیں۔
مزید پڑھیں: مون سون بارشیں: راولپنڈی کے کن علاقوں میں سیلابی صورتحال کا خطرہ ہے؟
محکمہ موسمیات کے مطابق بارشوں کا یہ سلسلہ 6 جولائی تک جاری رہے گا۔ آئندہ 2 روز کشمیر، بالائی پنجاب، خیبر پختونخوا اور اسلام آباد میں تیز ہواؤں اور گرج چمک کے ساتھ مزید بارش کا امکان ہے۔ جنوبی پنجاب، جنوبی سندھ اور بلوچستان کے بعض علاقوں میں بھی بارش ہوسکتی ہے، جبکہ دیگر علاقوں میں موسم گرم اور مرطوب رہے گا۔
گزشتہ 24 گھنٹوں کے دوران مری میں سب سے زیادہ 48 ملی میٹر بارش ریکارڈ کی گئی، اسلام آباد ایئرپورٹ پر 29، چکلالہ راولپنڈی میں 18، جبکہ تخت بائی (خیبر پختونخوا) میں 38 ملی میٹر بارش ہوئی۔
مزید پڑھیں: مون سون خطرناک، آبی گزرگاہوں سے دور رہیں: این ڈی ایم اے کا ملک گیر ہائی الرٹ
قومی آفات مینجمنٹ اتھارٹی (NDMA) نے خبردار کیا ہے کہ بارشوں کے دوران پہاڑی علاقوں کا غیر ضروری سفر نہ کیا جائے، خصوصاً سیاحوں کو احتیاط برتنے اور موسمی الرٹس پر نظر رکھنے کی ہدایت کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارشوں کا سلسلہ محکمہ موسمیات مون سون وفاقی دارالحکومت.ذریعہ: WE News
کلیدی لفظ: بارشوں کا سلسلہ محکمہ موسمیات وفاقی دارالحکومت علاقوں میں اسلام آباد
پڑھیں:
کراچی میں صبح سویرے بوندا باندی سے موسم خوشگوار
data-id="863a0a8" data-element_type="widget" data-widget_type="theme-post-content.default">
کراچی میں صبح کے وقت مختلف علاقوں میں ہلکی بوندا باندی ہوئی، جس سے موسم خوشگوار ہوگیا۔
محکمہ موسمیات کا کہنا ہے کہ آئندہ 24 گھنٹوں کے دوران شہر کا موسم مرطوب اور مطلع جزوی طور پر ابر آلود رہے گا، جبکہ بعض مقامات پر ہلکی بوندا باندی کا بھی امکان ہے۔
محکمہ موسمیات کے مطابق شہر کا زیادہ سے زیادہ درجہ حرارت 33 سے 35 ڈگری سینٹی گریڈ تک رہنے کی توقع ہے، جبکہ کم سے کم درجہ حرارت 29 ڈگری سینٹی گریڈ ریکارڈ کیا گیا۔ اس وقت ہوا میں نمی کا تناسب 82 فیصد ہے اور سمندری ہوائیں چل رہی
ہیں۔
محکمہ موسمیات کے مطابق 5 جولائی سے مون سون سسٹم کا ایک اور سسٹم سندھ پر اثرانداز ہوسکتا ہے۔
دوسری جانب اسلام آباد اور راولپنڈی میں رات کو گرج چمک کے ساتھ موسلادھار بارش ہوئی۔
ایم ڈی واسا محمد سلیم اشرف کا کہنا ہے کہ واسا راولپنڈی ہائی الرٹ ہے اور رین ایمرجنسی نافذ کردی گئی ہے، عملہ ہیوی مشینری کے ساتھ فیلڈ میں موجودہے۔
اسلام آباد میں بارش کے باعث فلائٹ آپریشن متاثر رہا، اسلام آباد ائیرپورٹ کی 5 پروازوں کی آمد اور روانگی میں تاخیرہوئی۔
کیا فیشن ڈیزائنر دیپک پروانی پاکستان کے امیر ترین ہندو ہیں؟