اب آپ تھریڈز میں ایک دوسرے سے چیٹ بھی کرسکیں گے
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
میٹا نے جولائی 2023 میں ایکس (ٹوئٹر) کے مقابلے میں اپنی ایپ “تھریڈز” متعارف کرائی تھی، اور اب تقریباً دو سال بعد اس میں ڈائریکٹ میسجز (ڈی ایم) کا فیچر تمام صارفین کے لیے متعارف کرا دیا گیا ہے، جس کے ذریعے لوگ ایک دوسرے سے براہِ راست چیٹ کرسکیں گے۔
اس فیچر کا عندیہ جون 2025 میں میٹا کے سی ای او مارک زکربرگ نے دیا تھا، جنہوں نے بتایا تھا کہ اسے بیٹا ورژن میں آزمائشی بنیادوں پر جاری کیا جا رہا ہے۔ انہوں نے صارفین کو مشورہ دیا تھا کہ اگر انہیں یہ فیچر دستیاب ہے تو اسے آزما کر دیکھیں۔
اب میٹا نے اعلان کیا ہے کہ یہ ڈی ایم فیچر دنیا بھر میں 18 سال یا اس سے زائد عمر کے صارفین کے لیے متعارف کرایا جا رہا ہے۔ اگر یہ فیچر آپ کو تاحال دستیاب نہیں ہوا تو جلد ہی آپ اسے استعمال کر سکیں گے۔
تھریڈز صارفین اس نئے ڈی ایم فیچر کو ایپ میں نیچے لفافے جیسے آئیکون کی صورت میں دیکھ سکیں گے۔ فی الحال وہاں سرچ آئیکون موجود ہے، تاہم جلد ہی اسے ڈی ایم آئیکون سے تبدیل کر دیا جائے گا، جبکہ سرچ آئیکون کو ایپ کی اوپری حصے پر منتقل کر دیا جائے گا۔
اس کے علاوہ صارفین یہ کنٹرول بھی رکھ سکیں گے کہ کون انہیں میسج کر سکتا ہے۔ میٹا تھریڈز میں “ہائی لائٹس” کے نام سے ایک نیا فیچر بھی متعارف کرا رہا ہے، جس کے ذریعے صارفین جان سکیں گے کہ اس وقت کون سے موضوعات ٹرینڈ کر
رہے ہیں۔
.ذریعہ: Jasarat News
پڑھیں:
14اگست اور دوسرے قومی دنوں پر پی ٹی آئی کا پر تشدد احتجاج معمول بن گیا: خواجہ آصف
اسلام آباد (نیوز ڈیسک) وزیر دفا خواجہ آصف نے کہا کہ 14 اگست اور دوسرے قومی ایام پر پی ٹی آئی کا پر تشدد احتجاج معمول بن گیا ہے۔
تفصیلات کے مطابق وزیر دفاع خواجہ آصف نے ایکس پر جاری پیغام میں کہا کہ ایک شخص قومی ایام اور تہواروں پر تحریک انصاف کو فوقیت دیتا ہے، پی ٹی آئی نے کبھی دھشت گردی کی مذمت نہیں کی، بلکہ اسد قیصر صاحب نے کہا کے پی میں دہشتگردوں کیخلاف آپریشن نہیں کرنے دینگے۔
انہوں نے کہا کہ پاک بھارت جنگ کے دوران علیمہ خان حکومت پر مودی کے ساتھ ساز باز کا الزام لگاتی رہیں، اس سال فوج کے 700 شہداء نے وطن پر جان قربان کی۔
خواجہ آصف کا کہنا تھا کہ تحریک انصاف کے کسی لیڈر نے کوئی تعزیتی بیان نہیں دیا اور نہ ہی کسی کے گھر جا کر تعزیت کی بلکہ مخالفانہ بیانات دیے۔
وزیردفاع کا مزید کہنا تھا کہ یہ لوگ پاکستانی ہیں یا کسی کلٹ کا حصہ ہیں جو نازک وقت پر ملکی سلامتی پر حملہ کرتے ہیں،کوئی شخص یا لیڈر وطن سے بلند نہیں، اول اور آخر پاکستان ہے، پاکستان ہمیشہ زندہ باد۔
Post Views: 3
سندھ حکومت اپنی بدعنوانیوں پر وقتاً فوقتاً عالمی اسناد بٹورتی رہتی ہے، ایم کیو ایم پاکستان