مخصوص نشستوں کا نوٹی فکیشن جاری،حکومتی اتحاد کو دو تہائی اکثریت مل گئی
اشاعت کی تاریخ: 2nd, July 2025 GMT
اسلام آباد(نیوز ڈیسک)قومی اسمبلی میں حکومتی اتحاد کو دو تہائی اکثریت، الیکشن کمیشن نے مخصوص نشستوں کی بحالی کا نوٹیفکیشن جاری کر دیا۔الیکشن کمیشن آف پاکستان نے سپریم کورٹ کے 27 جون 2025 کے فیصلے کی روشنی میں مخصوص نشستوں کی بحالی کا نوٹیفکیشن جاری کر دیا، جس کے بعد قومی اسمبلی میں حکومت اتحاد کو دو تہائی اکثریت حاصل ہو گئی ہے۔
نوٹیفکیشن کے مطابق الیکشن کمیشن نے 24 اور 29 جولائی 2024 کو جاری کیے گئے پرانے نوٹیفکیشنز واپس لے لیے، جن کے تحت مخصوص نشستوں پر بعض ارکان کی معطلی عمل میں لائی گئی تھی۔
بحال کی گئی مخصوص نشستوں کی تفصیلات
خیبرپختونخوا سے خواتین کی 5 مخصوص نشستیں بحال
پنجاب سے خواتین کی 11 مخصوص نشستیں بحال
خیبرپختونخوا کی ایک نشست جمعیت علمائے اسلام (ف) کو الاٹ
دو نشستیں مسلم لیگ (ن) کو، دو نشستیں پاکستان پیپلز پارٹی کو دے دی گئیں
الیکشن کمیشن کے مطابق، مخصوص نشستوں کی یہ بحالی سپریم کورٹ کی طرف سے مخصوص نشستوں کی الاٹمنٹ سے متعلق نظر ثانی اپیلوں پر سنائے گئے فیصلے کے تحت عمل میں لائی گئی ہے۔ اس کے ساتھ ہی قومی اور تین صوبائی اسمبلیوں کی جنرل نشستوں پر پی ٹی آئی کے بعض ارکان کو کالعدم قرار دیا گیا ہے۔
تازہ فیصلے کے بعد حکومت اتحاد کو نہ صرف ایوان میں فیصلہ کن برتری حاصل ہو گئی ہے بلکہ آئندہ قانون سازی میں بھی اسے واضح سبقت حاصل ہو گی۔
مزیدپڑھیں:ثاقب سمیر نے اپنی زندگی کا سب سے خوفناک واقعہ شیئر کردیا
ذریعہ: Daily Ausaf
کلیدی لفظ: مخصوص نشستوں کی الیکشن کمیشن اتحاد کو
پڑھیں:
برطانیہ میں اعلیٰ تعلیم حاصل کرنے کے خواہشمند پاکستانیوں کیلئے بڑی خبر آگئی
برٹش کونسل پاکستان نے برطانیہ میں اعلیٰ تعلیم کے خواہشمند پاکستانیوں کو جلد از جلد درخواست جمع کرانے کی ہدایت کی ہے۔ برٹش کونسل پاکستان کی جانب سے سوشل میڈیا پلیٹ فارم ایکس پر جاری کردہ ایک بیان میں کہا گیا کہ اگر پاکستانی طلباء نے حال ہی میں اپنے تعلیمی امتحانات کے نتائج حاصل کیے ہیں اور وہ برطانیہ میں اعلیٰ تعلیم حاصل کرنے کا ارادہ رکھتے ہیں تو فوری طور پر یو کے اسٹوڈنٹ ویزا کے لیے درخواست دیں۔ سرکاری خبر رساں ادارے اے پی پی کے مطابق برطانوی حکومت کی جانب سے جاری کردہ بیان کے مطابق طلباء کو ویزا کے لیے درخواست دینے میں تاخیر نہ کرنے کا مشورہ دیا گیا ہے۔ درخواست دینے کے لیے، پاکستانی طلباء کے پاس یونیورسٹی کی طرف سے جاری کردہ CAS حوالہ نمبر ہونا چاہیے اور تمام ضروری دستاویزی ثبوت تیار ہوں۔ طلباء طالب علم ویزا کے لیے آن لائن gov.uk/student-visa پر درخواست دے سکتے ہیں۔ وقت پر درخواست دینے سے ویزا کے عمل میں تاخیر سے بچا جا سکتا ہے اور طلباء کو وقت پر اپنی پڑھائی شروع کرنے کی اجازت مل سکتی ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام