1000 روپے کا نیا نوٹ، سوشل میڈیا پر زیر گردش دعوؤں کی حقیقت کیا ہے؟
اشاعت کی تاریخ: 3rd, July 2025 GMT
مختلف سوشل میڈیا پلیٹ فارمز پر ویڈیوز اور تصاویر وائرل ہو رہی ہیں جس میں دعویٰ کیا جا رہا ہے کہ اسٹیٹ بینک آف پاکستان (ایس بی پی) نے 1000 روپے کے نئے ڈیزائن کے کرنسی نوٹ جارہی کیے ہیں۔
گزشتہ ماہ 22 جون کو، سماجی رابطے کی ویب سائٹ فیس بک پر ایک صارف نے 1000 روپے کے نئے ڈیزائن کے کرنسی نوٹ کی تصویر شیئر کی۔
فیس بک پوسٹ میں دعویٰ کیا گیا تھا کہ اسٹیٹ بینک آف پاکستان نے 1000 روپے کے نئے کرنسی نوٹ جاری کیے ہیں، جو جدید ڈیزائن اور جدید ترین سیکیورٹی اور پرنٹنگ ٹیکنالوجی سے لیس ہیں۔
اسی طرح کے دعوے ٹک ٹاک اور انسٹاگرام پر بھی شیئر کیے گئے۔
حقیقت
پاکستان کے مرکزی بینک کی جانب سے 1000 روپے کا نیا کرنسی نوٹ جاری نہیں کیا گیا۔
اسٹیٹ بینک کے چیف ترجمان نور احمد نے جیو فیکٹ چیک کو بتایا کہ زیرِ گردش آن لائن دعوے جھوٹے ہیں۔
علاوہ ازیں اپنا نام ظاہر نہ کرنے کی درخواست کرتے ہوئے کراچی میں ایک نجی بینک کے ترجمان نے تصدیق کی کہ مرکزی بینک کی جانب سے نئے ڈیزائن کیے گئے نوٹ کے اجراء کے حوالے سے فی الحال کوئی باضابطہ رابطہ نہیں ہوا۔
جیو فیکٹ چیک نے اسٹیٹ بینک آف پاکستان کی آفیشل ویب سائٹ کا بھی جائزہ لیا اور اسے کسی نئے کرنسی ڈیزائن سے متعلق کوئی اعلان یا اطلاعات نہیں ملی۔
فیصلہ: اسٹیٹ بینک آف پاکستان نے 1000 روپے کا نیا ڈیزائن کردہ کرنسی نوٹ جاری نہیں کیا۔
Post Views: 2.ذریعہ: Daily Mumtaz
کلیدی لفظ: اسٹیٹ بینک آف پاکستان نے 1000 روپے کرنسی نوٹ
پڑھیں:
نیویارک میئر کی تنخواہ کتنی؟ ظہران ممدانی کی آمدنی نے سوشل میڈیا پر نئی بحث چھیڑ دی
نیویارک سٹی کے نومنتخب میئر ظہران ممدانی کی سالانہ تنخواہ نے سوشل میڈیا پر نئی بحث چھیڑ دی ہے، صارفین نے اسے ’حیرت انگیز طور پر کم‘ قرار دیا ہے۔
سرکاری اعداد و شمار کے مطابق نیویارک سٹی کے میئر کے طور پر ظہران ممدانی سالانہ 258,750 ڈالر تنخواہ حاصل کریں گے۔ انہیں یہ خصوصی سہولت بھی میسر ہوگی کہ وہ شہر کے میئر کی سرکاری رہائش گاہ گریسی مینشن میں بغیر کرایہ ادا کیے رہائش اختیار کرسکیں گے۔
یہ بھی پڑھیں: نیویارک میئر شپ کے امیدوار زہران ممدانی کی پرتعیش شادی تقریب، نظریات پر سوال اٹھنے لگے
شہری حکومت کو جمع کرائی گئی مالیاتی دستاویزات کے مطابق ممدانی کی مجموعی ذاتی دولت کا تخمینہ تقریباً 200,000 ڈالر لگایا جاتا ہے۔
Unpopular opinion: the NYC mayor should make more than an entry level employee in big law/tech. $260k is surprisingly low. https://t.co/hCaj5U0aTm
— Colin (@Colin_d_m) November 16, 2025
ممدانی کی تنخواہ نے سوشل میڈیا پر بحث چھڑ دی ہے، جہاں متعدد صارفین نے کہا کہ نیویارک جیسے بڑے اور معاشی اعتبار سے اہم شہر کے میئر کو اس سے زیادہ تنخواہ ملنی چاہیے۔
ایک صارف نے لکھا کہ ’نیویارک سٹی کے میئر کی تنخواہ بڑی ٹیک یا لا فرم کے انٹری لیول ملازم سے زیادہ ہونی چاہیے۔ 260 ہزار ڈالر واقعی کم ہیں‘۔ ایک اور سوشل میڈیا صارف نے رائے دیتے ہوئے کہا کہ ’اتنے بڑے شہر کو چلانے کے لیے درکار مہارت کے مقابلے میں یہ تنخواہ کم ہے‘۔
یہ بھی پڑھیں: صدر ٹرمپ نے نیویارک کے ممکنہ میئر زہران ممدانی کو دھمکی کیوں دی؟
دیگر صارفین نے بھی اس خیال کا اظہار کیا کہ نیویارک سٹی کی ٹریلین ڈالر معیشت کو دیکھتے ہوئے میئر کی تنخواہ کئی گنا زیادہ ہونی چاہیے، جبکہ ٹیک کاروباری شخصیت وکاس ریڈی نے تجویز دی کہ ’میئر کو کم از کم پانچ ملین ڈالر سالانہ ملنے چاہئیں‘۔
واضح رہے کہ ظہران ممدانی اس ماہ کے اوائل میں ہونے والے میئر کے انتخابات میں کامیاب ہوئے تھے اور جنوری میں عہدہ سنبھالیں گے۔ 34 سالہ ممدانی شہر کے پہلے مسلمان اور گزشتہ ایک صدی کے سب سے کم عمر میئر ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
زہران ممدانی نیو یارک میئر
نارووال: پولیس تشدد سے خاتون جاں بحق، 6 اہلکاروں کے خلاف مقدمہ درج