انسداد پولیو مہم کو مزید تیز کریں تاکہ پاکستان کو پولیو فری ملک قرار دیا جاسکے، وزیراعظم
اشاعت کی تاریخ: 3rd, July 2025 GMT
وزیراعظم محمد شہباز شریف کے زیر صدارت انسداد پولیو کی قومی ٹاسک فورس کا اہم اجلاس وزیراعظم آفس اسلام آباد میں منعقد ہوا، جس میں ملک بھر سے اعلیٰ حکام اور عالمی شراکت دار اداروں کے نمائندوں نے شرکت کی۔
وزیراعظم شہباز شریف نے اجلاس سے خطاب کرتے ہوئے کہا کہ ہم پاکستان کے ہر بچے کو پولیو جیسے موذی مرض سے محفوظ رکھنے کے لیے پرعزم ہیں۔ حکومت تمام تر چیلنجز کے باوجود، قومی اور بین الاقوامی شراکت داروں کے تعاون سے انسداد پولیو کے ہدف کے قریب پہنچ چکی ہے۔
وزیراعظم نے پولیو کے خلاف فرنٹ لائن ورکرز کی قربانیوں، وفاقی و صوبائی حکومتوں، قانون نافذ کرنے والے اداروں اور شراکت دار تنظیموں کی کوششوں کو سراہا۔ اُنہوں نے کہا کہ پولیو ورکرز کی حفاظت ہماری اولین ترجیح ہے، اور ہمیں اس بات کو یقینی بنانا ہوگا کہ ہر بچے تک ویکسین کی خوراک باقاعدگی سے پہنچے۔
وزیراعظم نے خاص طور پر سعودی ولی عہد و وزیراعظم شہزادہ محمد بن سلمان کا شکریہ ادا کیا جنہوں نے انسداد پولیو کی مہم میں پاکستان کی ہر ممکن مدد کی۔ انہوں نے بل گیٹس فاؤنڈیشن اور دیگر اداروں کے کردار کو بھی انتہائی اہم اور قابلِ تحسین قرار دیا۔
مزید پڑھیں: اب 15 سال تک کے بچوں کو پولیو ویکسین دی جائےگی، حکومت نے بڑا فیصلہ کرلیا
اجلاس کے دوران حکام نے بتایا کہ جنوبی خیبر پختونخوا کے اضلاع میں پولیو وائرس کے خاتمے کے لیے ہر ضلع کی مخصوص ضروریات کے مطابق ٹارگٹڈ مہمات تشکیل دی جا رہی ہیں۔ مہم کا دائرہ صرف بچوں میں پولیو وائرس کے خاتمے تک محدود نہیں بلکہ ماحولیاتی سطح پر وائرس کی موجودگی کے خاتمے کو بھی یقینی بنایا جا رہا ہے۔
وزیراعظم نے ہدایت دی کہ صوبائی حکومتیں، گلگت بلتستان اور آزاد کشمیر سمیت تمام اسٹیک ہولڈرز انسداد پولیو کی مہم میں یکجہتی اور رفتار کو مزید تیز کریں تاکہ جلد از جلد پاکستان کو پولیو فری ملک قرار دیا جا سکے۔
اجلاس میں گیٹس فاؤنڈیشن کے صدر برائے گلوبل ڈویلپمنٹ اور پولیو اوور سائیٹ بورڈ کے صدر ڈاکٹر کرسٹوفر ایلیاس نے وفد کے ہمراہ شرکت کی۔ وفد میں عالمی ادارہ صحت کے ریجنل ڈائریکٹر ڈاکٹر حنان بلخی، یونیسیف کے ریجنل ڈائریکٹر سنجے وجیسکیرا، KS Relief سعودی عرب کے ڈاکٹر زیاد میمیش، روٹری انٹرنیشنل کے مائیک میکگورن اور روٹری پاکستان کے ٹرسٹی عزیز میمن شامل تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسداد پولیو مہم وزیراعظم محمد شہباز شریف.ذریعہ: WE News
کلیدی لفظ: انسداد پولیو مہم وزیراعظم محمد شہباز شریف انسداد پولیو کو پولیو
پڑھیں:
پاکستان افغانستان کے ساتھ مزید کشیدگی نہیں چاہتا، ترجمان دفتر خارجہ
پاکستان افغانستان کے ساتھ مزید کشیدگی نہیں چاہتا، ترجمان دفتر خارجہ WhatsAppFacebookTwitter 0 31 October, 2025 سب نیوز
اسلام آباد(آئی پی ایس) ترجمان دفتر خارجہ نے کہا ہے کہ پاکستان افغانستان کے ساتھ مزید کشیدگی نہیں چاہتا۔
دفتر خارجہ کے ترجمان طاہر اندرانی نے نیوز بریفنگ دیتے ہوئے بتایا کہ وزیراعظم شہباز شریف نے اعلیٰ سطح وفد کے ہمراہ سعودی عرب کا دورہ کیا، جہاں انہوں نے دارالحکومت ریاض میں فیوچر انویسٹمنٹ انیشیٹیو کانفرنس میں شرکت کی۔
انہوں نے کہا کہ وزیراعظم شہباز شریف نے سعودی ولی عہد شہزادہ محمد بن سلمان سے بھی ملاقات کی۔ اسی دوران نائب وزیراعظم اسحاق ڈار نے سعودی وزیر دفاع سے اہم ملاقات کی۔ انہوں نے مختلف مماملک کے وزرائے خارجہ کے ساتھ ٹیلی فونک رابطہ کیا اور مختلف ممالک کےساتھ دو طرفہ امور اور سرمایہ کاری پر گفتگو کی۔
ترجمان نے پاک افغان تنازع کے حوالے سے بات کرتے ہوئے کہا کہ پاکستان افغانستان کے ساتھ مزید کشیدگی نہیں چاہتا۔ توقع ہے کہ پاکستان اپنی سرزمین پاکستان کے خلاف استعمال نہیں ہونے دے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعمران، بشریٰ کو سزا سنانے والے جج کی تعیناتی کیخلاف درخواست سماعت کیلئے مقرر عمران، بشریٰ کو سزا سنانے والے جج کی تعیناتی کیخلاف درخواست سماعت کیلئے مقرر امریکا نے بھارت کے ساتھ 10 سالہ دفاعی معاہدے پر دستخط کردیے ڈپٹی ڈائریکٹر این سی سی آئی اے لاپتا کیس نیا رُخ اختیار کرگیا، سماعت میں حیران کن انکشافات صحافی مطیع اللہ جان کیخلاف منشیات اور دہشتگردی کے مقدمے میں پولیس کو نوٹس وزیراعظم آزاد کشمیر کے خلاف عدم اعتماد کا فیصلہ کن مرحلہ، پیپلزپارٹی کی بڑی بیٹھک آج ہوگی جہاں پارا چنار حملہ ہوا وہ راستہ دوسرے ملک سے آتا ہے، اپنا دشمن پہچانیں، جسٹس مسرت ہلالیCopyright © 2025, All Rights Reserved
رابطہ کریں ہماری ٹیم
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند