مائیکروسافٹ کمپنی پاکستان سے بوریا بسترسمیٹنے لگی
اشاعت کی تاریخ: 4th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: مائیکرو سافٹ کمپنی پاکستان سے بوریا بستر سمیٹنے لگی،پاکستان میں 25 سال سے موجود معروف آئی ٹی کمپنی مائیکروسافٹ کی جانب سے اپنے کاروبار بند کرنے کی اطلاعات سامنے آئی ہیں۔ پروپاکستانی کے مطابق مائیکروسافٹ نے مبینہ طور پر پاکستان میں اپنا آپریشن بند کر دیا ہے، جس سے ملک میں عالمی ٹیک کمپنی کے 25 سالہ باب کا خاتمہ ہو گیا۔
اس حوالے سے چند ملازمین کو ابھی حال ہی میں باضابطہ طور پر مطلع کیا گیا تھا کہ کمپنی پاکستان میں اپنے بزنس کو مکمل طور پر ختم کر رہی ہے۔مائیکروسافٹ کے بانی کنٹری منیجر جواد رحمان نے کمپنی کے پاکستان کے جانے سے متعلق “ایک دور کا خاتمہ” کے طور پر تبصرہ کیا، انہوں نے سات سال تک کمپنی کے مقامی کاروبار کی قیادت کی، جواد رحمان کا ملک میں مائیکروسافٹ ٹیم بنانے، صارفین کی خدمت کرنے اور پورے پاکستان میں ڈیجیٹل انفراسٹرکچر کو وسعت دینے میں نمایاں کردار رہا۔
انہوں نے مزید کہا کہ یہ صرف ایک کام نہیں تھا بلکہ مائیکرو سافٹ کے پاکستان میں گزرے سال لوگوں کو ترقی دینے، شراکت داری قائم کرنے، اعتماد حاصل کرنے اور پاکستانی نوجوان نسل کے لیے مواقع پیدا کرنے کے بارے میں تھے، پاکستان میں اپنے دور میں مائیکروسافٹ نے دور دراز کے علاقوں میں سینکڑوں کمپیوٹر لیبز بنائیں۔
مائیکروسافٹ نے ملک میں سیاسی افراتفری کے بعد ویتنام میں اپنے منصوبوں کو منتقل کرنے سے پہلے 2022ءمیں پاکستان میں اپنے بزنس کو توسیع دینے پر غور کیا تھا، تاہم مائیکروسافٹ کی جانب سے اس خبر کی اشاعت تک پاکستان میں اپنے کاروبار کی بندش سے متعلق باضابطہ طور پر کوئی اعلان سامنے نہیں آیا۔
.ذریعہ: Jasarat News
کلیدی لفظ: پاکستان میں اپنے
پڑھیں:
سام سنگ کی اپنے اسمارٹ فونز کیلئے اہم اپ ڈیٹ جاری
ٹیکنالوجی کمپنی سام سنگ نے اپنے اسمارٹ فونز کے لیے اینڈرائیڈ 16 پر مبنی ون یو آئی 8 بیٹا جاری کر دیا۔ تاہم، کمپنی کی جانب سے اینڈرائیڈ 15 پر مبنی ون یو آئی 7 کو مکمل طور پر ریلیز کیا جانا ابھی باقی ہے۔
کورین کمپنی اپنی گلیکسی ڈیوائسز کے لیے ون یو آئی 7 کے اجراء کو بڑھا رہی ہے۔ یہ اپ ڈیٹ حاصل کرنے والی تازہ ترین ڈیوائس سام سنگ گلیکسی اے 06 فور جی ہے۔
گلیکسی اے 06 فور جی کے لیے ون یو آئی 7 اسٹیبل اپ ڈیٹ فرم ویئر کے A065FXXU4BYF6 ورژن کے ساتھ پیش کیا گیا ہے اور اس کے لیے تین جی بی کے قریب ڈاؤن لوڈ کی ضرورت ہوتی ہے۔
یو آئی کی تشکیلِ نو اور نئے فیچرز کو شامل کرنے کے لیے ون یو آئی 7 سے متعلق سام سنگ اے 06 فور جی میں مئی 2025 میں اینڈرائیڈ سیکیورٹی پیچ جاری کیا گیا۔
بلاول بھٹو کا سندھ طاس معاہدے پر عالمی ثالثی عدالت کے فیصلے کا خیر مقدم