امریکی امیگریشن ادارے نے گرین کارڈ منسوخ کرنے کی وارننگ جاری کردی
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
امریکا آنے والوں کے لیے ویزا اور گرین کارڈ منسوخی کے نئے قانون سے متعلق وارننگ جاری کردی گئی۔
غیرملکی خبر ایجنسی کے مطابق امریکی امیگریشن ادارے USCIS نے خبردار کیا ہے کہ اگر کوئی غیر ملکی تشدد، دہشت گردی، یا افراتفری جیسی سرگرمیوں میں ملوث پایا گیا تو اس کا ویزا یا گرین کارڈ فوری منسوخ کر دیا جائے گا۔
صدر ڈونلڈ ٹرمپ کی نئی پالیسی کے تحت قانونی و غیر قانونی دونوں اقسام کے امیگرنٹس پر سختی بڑھا دی گئی ہے۔ ٹرمپ نے کہا ہے کہ امریکا میں رہنا کوئی حق نہیں بلکہ ایک اعزاز ہے۔
یہ وارننگ ان طلبا کو بھی متاثر کر سکتی ہے جو کیمپس میں مظاہروں یا سیاسی سرگرمیوں میں حصہ لیتے ہیں۔ USCIS کے مطابق اگر کوئی طالب علم امریکا صرف مظاہروں میں شرکت یا بدامنی پھیلانے کے لیے آتا ہے، تو اسے ویزا نہیں دیا جائے گا۔
حکام کا کہنا ہے کہ 1 جولائی 2025 سے USCIS کے نئے SMS نمبر 872466 (USAIMM) سے تمام نوٹیفکیشن موصول ہوں گے، جب کہ پرانا نمبر اب قابل استعمال نہیں ہوگا۔ ساتھ ہی، گرین کارڈ کے لیے نئی درخواستوں کے ساتھ تازہ میڈیکل فارم جمع کروانا لازمی ہوگا۔
.ذریعہ: Jasarat News
کلیدی لفظ: گرین کارڈ
پڑھیں:
ملک بھر میں شدید بارشوں کا امکان، پی ڈی ایم اے نے وارننگ الرٹ جاری کر دیا
لاہور: پنجاب کے بالائی علاقوں میں مغربی ہواؤں کے داخل ہونے کے بعد صوبے بھر میں بارشوں کا سلسلہ شروع ہونے کا امکان ہے۔ پی ڈی ایم اے پنجاب نے بارشوں کے پیش نظر الرٹ جاری کرتے ہوئے متعلقہ اداروں کو ہدایت دی ہے کہ وہ حفاظتی اقدامات کو یقینی بنائیں۔
پی ڈی ایم اے کے مطابق آج رات سے 7 اکتوبر تک پنجاب کے بیشتر اضلاع میں بارشیں متوقع ہیں، جبکہ بالائی علاقوں میں پانی کے بہاؤ میں اضافے کا خدشہ ہے۔ راولپنڈی، مری، گلیات، اٹک، چکوال، جہلم، گجرات، گوجرانوالہ، حافظ آباد اور وزیر آباد میں بارش کا امکان ہے، جب کہ لاہور، قصور، شیخوپورہ، سیالکوٹ، نارووال، سرگودھا، جھنگ، ننکانہ اور ٹوبہ ٹیک سنگھ میں بھی بارشوں کی پیشگوئی کی گئی ہے۔
مزید برآں 6 اکتوبر تک ڈیرہ غازی خان، بھکر، لیہ، ملتان، بہاولپور، بہاولنگر، راجن پور اور رحیم یار خان میں گرج چمک کے ساتھ بارش متوقع ہے۔ پی ڈی ایم اے نے خبردار کیا ہے کہ مری، گلیات اور راولپنڈی میں بارشوں کے نتیجے میں ندی نالوں میں طغیانی آسکتی ہے۔
صوبائی ڈیزاسٹر مینجمنٹ اتھارٹی نے تمام کمشنرز اور ڈپٹی کمشنرز سمیت لوکل گورنمنٹ، محکمہ زراعت، آبپاشی، صحت، جنگلات، لائیو اسٹاک اور ٹرانسپورٹ کو الرٹ جاری کردیا ہے۔ شہریوں سے اپیل کی گئی ہے کہ وہ غیر ضروری سفر سے گریز کریں، ریسکیو اداروں سے تعاون کریں اور ہنگامی صورتحال میں پی ڈی ایم اے ہیلپ لائن 1129 پر رابطہ کریں۔
ادھر محکمہ موسمیات کے مطابق اسلام آباد، گلگت بلتستان اور کشمیر میں بھی بارش کا امکان ہے۔ سندھ کے اضلاع دادو، بدین، مٹھی، میرپورخاص، حیدرآباد، سجاول، کراچی اور ٹھٹھہ میں بھی بارشیں متوقع ہیں۔
خیبرپختونخوا کے میدانی علاقوں میں موسم گرم اور خشک رہے گا تاہم پشاور، نوشہرہ، صوابی، دیر، چترال، سوات، کوہستان، شانگلہ، بٹگرام، مانسہرہ اور ایبٹ آباد میں بارش ہوسکتی ہے۔ پنجاب اور بلوچستان کے بیشتر علاقے گرم اور خشک موسم کی لپیٹ میں رہیں گے۔
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت