پٹرولیم مصنوعات کی قیمتوں میں اضافے کے اثرات
اشاعت کی تاریخ: 4th, July 2025 GMT
data-id="863a0a8" data-element_type="widget" data-widget_type="theme-post-content.default">
حکومت نے گزشتہ دنوں پٹرولیم مصنوعات کی قیمتوں میں جو اضافہ کیا تھا اس کے اثرات آنا شروع ہوگئے ہیں، اطلاع ہے کہ پٹرولیم مصنوعات کی قیمتوں میں حالیہ اضافے کے پیش ِنظر پاکستان ریلویز نے میل ایکسپریس اور مسافر ٹرینوں کے کرایوں میں 2 فی صد اضافہ کر دیا جس کا باقاعدہ نوٹیفکیشن بھی جاری کر دیا گیا۔ پاکستان ریلویز کی جانب سے جاری نوٹیفکیشن کے مطابق نئے کرایوں کا اطلاق 4 جولائی 2025 سے ہو گا، جس کے بعد ملک بھر میں چلنے والی مختلف مسافر اور میل ایکسپریس ٹرینوں کے سفر پر مسافروں کو بڑھا ہوا کرایہ ادا کرنا ہو گا۔ دو فی صد کرایہ بڑھنے کا اطلاق ایڈوانس بکنگ پر بھی عاید ہوگا۔ ریلوے حکام کے مطابق ڈیزل مہنگا ہونے سے ریلوے کو ماہانہ 10 کروڑ 90 لاکھ روپے کا نقصان ہورہا تھا۔ ہر بار جب حکومت عالمی منڈی میں قیمتوں میں اضافے کا بہانہ بنا کر پٹرولیم مصنوعات کی قیمتوں میں اضافہ کرتی ہے، ملک میں مہنگائی کا طوفان برپا ہوجاتا ہے، عوام سخت مشکلات سے دوچار ہوجاتے ہیں۔ اشیائے خور ونوش، ٹرانسپورٹ اور دیگر روز مرہ استعمال کی اشیاء کی قیمتوں میں اضافے کا براہ راست اثر عوام بالخصوص تنخواہ دار طبقے پر پڑتا ہے۔ طرفہ تماشا یہ کہ یکم جولائی سے گیس کے فکسڈ چارجز جو 400 روپے تھے کو بڑھا کر 600 روپے کردیا گیا ہے۔ المیہ یہ ہے کہ حکومت کے عہدیداران جب اپوزیشن میں ہوتے ہیں تو پٹرول کی قیمتوں میں اضافے کو عوام پر شب خون باور کراتے ہیں مگر جب وہ خود اقتدار میں آتے ہیں تو، قیمتوں میں اضافے کی توجیح پیش کرنے لگتے ہیں۔ ایک عام آدمی ماچس کی ڈبیا سے لے کر اشیائے صرف کی ہر جنس پر ٹیکس ادا کرتا ہے مگر اس ٹیکس کے تناسب سے وہ ریلیف اور رعایت جو عوام کو فراہم کی جانی چاہیے، وہ فراہم نہیں کی جاتی۔ حکومت اگر فی الواقع عوامی مسائل کے حل میں دلچسپی رکھتی ہے تو اسے چاہیے کہ وہ فوری طور پرکم از کم اشیائے صرف اور ٹرانسپورٹ میں سبسڈی فراہم کرے۔ چاہیے تو یہ تھا کہ حکومت یوٹیلٹی اسٹورز کو فعال کر کے سستی اشیاء کی فراہمی کو یقینی بناتی لیکن حکومت نے یوٹیلٹی اسٹور کو ختم کرنے کا فیصلہ کرلیا ہے ۔ پٹرولیم لیوی اور سیلز ٹیکس میں کمی کرے تاکہ عوام کی مشکلات کا ازالہ ہوسکے۔
.ذریعہ: Jasarat News
کلیدی لفظ: پٹرولیم مصنوعات کی قیمتوں میں قیمتوں میں اضافے
پڑھیں:
شرجیل میمن اور ناصر شاہ کی یوٹونگ بس کمپنی کو سندھ میں سرمایہ کاری کی دعوت
کراچی:سندھ کے سینئر وزیر شرجیل انعام میمن اور صوبائی وزیر سید ناصر حسین شاہ نے چین میں یوٹونگ بس کمپنی کے حکام سے ملاقات کرکے انہیں سندھ میں سرمایہ کاری کی دعوت دی۔
ملاقات میں سندھ میں ٹرانسپورٹ اور توانائی کے شعبوں میں سرمایہ کاری کے مواقع پر تفصیلی بات چیت ہوئی، ٹرانسپورٹ و متبادل توانائی کے شعبوں میں تعاون جاری رکھنے پر اتفاق کیا گیا۔
یوٹونگ کے حکام نے وزراء کو اپنی نئی اور جدید ماڈل بسوں کے بارے میں بریفنگ دی، یوٹونگ حکام نے پاکستان بالخصوص سندھ میں بسیں متعارف کرانے میں دلچسپی کا اظہار بھی کیا۔
شرجیل میمن نے کہا کہ سندھ حکومت شہریوں کو معیاری اور محفوظ ٹرانسپورٹ فراہم کرنے کے لیے پرعزم ہے، دھابیجی اسپشل اکنامک زون غیر ملکی سرمایہ کاروں کے لئے بہت بڑا موقع ہے، سرمایہ کاروں کو دس سالہ ٹیکس چھوٹ دی جارہی ہے۔
شرجیل انعام میمن کا کہنا تھا کہ دھابیجی انڈسٹریل زون میں حکومت سندھ کی جانب سے بین الاقوامی سرمایہ کاروں کو تمام ممکنہ سہولیات فراہم کی جائیں گی، سندھ میں ٹرانسپورٹ کے شعبے میں بڑے پیمانے پر اصلاحات کی ضرورت ہے۔
انہوں نے کہا کہ کراچی سمیت صوبے کے دیگر شہروں میں عوام کو معیاری بس سروس فراہم کرنا ہماری ترجیح ہے، ہم چاہتے ہیں کہ یوٹونگ جیسے بین الاقوامی ادارے پاکستان آئیں اور جدید بسیں تیار کر کے یہاں کی مارکیٹ کی ضروریات کو پورا کریں، سندھ حکومت سرمایہ کاروں کو مکمل سہولتیں اور تحفظ فراہم کرے گی۔
سید ناصر حسین شاہ نے کہا کہ ہم چاہتے ہیں کہ سندھ میں ماحول دوست اور توانائی کے متبادل ذرائع پر مبنی پبلک ٹرانسپورٹ متعارف کرائی جائے، یوٹونگ بسیں ماحول دوست اور توانائی کے متبادل ذرائع کے حوالے سے بہترین آپشن ثابت ہو سکتی ہیں۔
سید ناصر حسین شاہ نے کہا کہ سندھ حکومت شفاف سرمایہ کاری کے لیے ہر ممکن تعاون کرے گی، عوام کو بہتر سہولیات کی فراہمی اور سرمایہ کاروں کو پائیدار کاروباری ماحول کی فراہمی حکومت سندھ کا عزم ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام