معروف میکسیکن باکسر امریکی امیگریشن حکام کے ہاتھوں گرفتار، ملک بدری کا فیصلہ
اشاعت کی تاریخ: 4th, July 2025 GMT
LOS ANGELES:
امریکی امیگریشن حکام نے مشہور میکسیکن باکسر جولیو سیزر شاویز جونیئر کو لاس اینجلس کے علاقے اسٹوڈیو سٹی سے گرفتار کر لیا ہے۔
محکمہ ہوم لینڈ سیکیورٹی (DHS) کے مطابق، شاویز جونیئر کو میکسیکو میں منظم جرائم میں ملوث ہونے اور غیر قانونی اسلحہ، گولہ بارود اور دھماکہ خیز مواد کی اسمگلنگ کے الزامات پر ایک فعال وارنٹ گرفتاری کا سامنا ہے۔
ڈی ایچ ایس کے جاری کردہ بیان میں کہا گیا ہے کہ شاویز جونیئر کو فوری ملک بدری کے تحت میکسیکو واپس بھیجا جائے گا۔
گرفتاری سے چند روز قبل ہی، شاویز جونیئر کو کیلیفورنیا کے شہر اناہیم میں یوٹیوبر سے باکسر بننے والے جیک پال کے ہاتھوں شکست کا سامنا کرنا پڑا تھا۔
39 سالہ سابق مڈل ویٹ عالمی چیمپئن، مایہ ناز باکسر جولیو سیزر شاویز سینئر کے صاحبزادے ہیں، جنہیں میکسیکو کی باکسنگ تاریخ کا عظیم ترین فائٹر مانا جاتا ہے۔
امریکی حکام کا دعویٰ ہے کہ شاویز جونیئر کا تعلق میکسیکو کے بدنام زمانہ سینالوا کارٹیل سے ہے، جسے صدر نے اپنے پہلے دن ہی دہشت گرد تنظیم قرار دیا تھا۔
ڈی ایچ ایس کے ترجمان کے مطابق صدر ٹرمپ کی قیادت میں قانون سب کے لیے برابر ہے چاہے وہ دنیا کے مشہور ترین کھلاڑی ہی کیوں نہ ہوں۔
بیان میں مزید کہا گیا کہ جولیو سیزر شاویز جونیئر نے گزشتہ سال امریکی شہریت حاصل کرنے کے لیے درخواست دی تھی، جس کی بنیاد ایک امریکی شہری سے شادی تھی۔
حکام کا کہنا ہے کہ ان کی اہلیہ کا ایک سابقہ تعلق سینالوا کارٹیل کے مرحوم رہنما جواکن ال چاپو گزمین کے بیٹے سے تھا۔
امریکی حکام کے مطابق شاویز جونیئر پر امریکہ میں بھی متعدد بار مقدمات قائم ہو چکے ہیں،2024 میں ان پر حملہ آور خودکار ہتھیار رکھنے کا الزام ثابت ہوا۔2023 میں ایک مقامی جج نے ان کے خلاف مجرمانہ تنظیم کے لیے اسلحہ کی اسمگلنگ کے الزام میں وارنٹ جاری کیا۔
انہوں نے امیگریشن حکام کو مبینہ طور پر جھوٹے بیانات دیے اور ان کا سیاحتی ویزا گزشتہ سال فروری میں ختم ہونے کے باوجود قیام جاری رکھا۔
شاویز جونیئر کے وکیل نے ان الزامات کی سختی سے تردید کی اور ان کی گرفتاری کو لاطینی برادری میں خوف پیدا کرنے کی ایک اور سرخی قرار دیا۔
فی الحال جولیو سیزر شاویز جونیئر امیگریشن حراست میں ہیں اور قانونی کارروائی کے بعد انہیں جلد ہی میکسیکو ڈی پورٹ کیے جانے کا امکان ہے۔
.
ذریعہ
ذریعہ: Express News
کلیدی لفظ: شاویز جونیئر کو
پڑھیں:
اٹلی ، دو پاکستانی شہریوں کو چار تارکین وطن کارکنوں کے مبینہ قتل کے الزام میں گرفتار کر لیا گیا
اٹلی(نیوز ڈیسک)اطالوی میڈیا رپورٹس کے مطابق، اٹلی میں پولیس نے دو پاکستانی شہریوں کو چار تارکین وطن کارکنوں کے مبینہ قتل کے الزام میں گرفتار کر لیا ہے جو ایک جلی ہوئی منی وین میں مردہ پائے گئے تھے۔
گاڑی جنوبی کلابریا کے علاقے میں ایک وسیع کھیتی کے علاقے میں ایک گاؤں کے قریب ایک پٹرول اسٹیشن سے ملی۔
سی سی ٹی وی امیجز میں دیکھا گیا کہ دو افراد وین کے دروازے باہر سے روک رہے ہیں اور آگ لگانے کے لیے اندر مائع پھینک رہے ہیں۔
رپورٹس میں کہا گیا ہے کہ اس علاقے میں حالیہ مہینوں میں پاکستانیوں کو لے جانے والی کاروں اور منی وینز کو نذر آتش کرنے کے 14 واقعات ہوئے ہیں، جہاں فارم کے کام اور رہائش کی تقسیم پر تارکین وطن کے درمیان تناؤ پایا جاتا ہے۔
فائر فائٹرز کو منگل کو مقامی وقت کے مطابق تقریباً 13:00 بجے (11:00 GMT) جلتی ہوئی وین کے مقام پر بلایا گیا۔
شعلوں کو بجھانے کے بعد انہوں نے اندر سے چار جلی ہوئی لاشوں کی بھیانک دریافت کی۔
دونوں مشتبہ افراد کو بعد میں سی سی ٹی وی فوٹیج کے شواہد کی بنیاد پر گرفتار کر لیا گیا۔
اطالوی میڈیا کا کہنا ہے کہ افغانستان سے تعلق رکھنے والا پانچواں شخص حملے میں بچ گیا ہے۔ ان کے حوالے سے بتایا گیا کہ ہلاک ہونے والوں میں تین افغان اور ایک پاکستانی شامل ہے، جو تمام زراعت کا کام کرتے تھے۔
زندہ بچ جانے والے شخص نے اطالوی میڈیا کو بتایا کہ وہ ایک کھڑکی توڑ کر جلتی ہوئی کار سے بچ نکلا تھا۔
ان کا کہنا تھا کہ دونوں گرفتار افراد کی جانب سے گاڑی میں سوار افراد سے ٹرانسپورٹیشن کی رقم کا مطالبہ کرنے کے بعد تنازعہ پیدا ہوا تھا، جسے انہوں نے دینے سے انکار کر دیا تھا۔ انہوں نے یہ بھی الزام لگایا کہ مزدوروں کو علاقے کے اسٹرابیری کے کھیتوں میں ان کے کام کی ادائیگی نہیں کی گئی، حالانکہ انہیں کھانا اور رہائش فراہم کی گئی تھی۔
ان ہلاکتوں نے اٹلی کو ہلا کر رکھ دیا ہے۔ کلابریا کے علاقائی صدر، روبرٹو اوچیوٹو نے کہا کہ حملے کی خبر “انسانیت پر یقین کو متزلزل کرتی ہے”، اور مزید کہا کہ یہ “غیر انسانی” ہے۔
اس دوران CGIL یونین کے حوالے سے اٹلی کی انسا نیوز ایجنسی نے “ہمارے دیہی علاقوں میں مزدوروں، اکثر تارکین وطن کی طرف سے برداشت کی جانے والی روزمرہ کی زندگی کی گھناؤنی حرکتوں کا مقابلہ کرنے” کے لیے کارروائی کا مطالبہ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ