ایشین جونیئر اسکواش چیمپئن شپ میں 3 پاکستانی کھلاڑیوں نے فائنل میں جگہ بنالی
اشاعت کی تاریخ: 4th, July 2025 GMT
کراچی:
32 ویں ایشین جونیئر اسکواش چیمپئن شپ میں 3 پاکستانی کھلاڑیوں نے فائنل میں جگہ بنالی۔
کوریا سے موصولہ اطلاعات کے مطابق جاری ایشین جونیئر اسکواش چیمپین شپ کے مختلف ایونٹس میں شریک 5 میں سے 3 قومی جونیئر کھلاڑی سیمی فائنل میں کامیابی سے ہمکنار ہوگئے، ان فتوحات کے ساتھ چیمپئن شپ میں پاکستان کا ایک گولڈ اور 2 سلور سمیت 5 میڈلز یقینی ہوگئے۔
بوائز انڈر 19 ایونٹ میں سیڈ 3 عبداللہ نواز کوریا کے ٹاپ سیڈ جوئے یونگ نا کے ہاتھوں 3-1 سے مات کھا بیٹھے، عبداللہ نواز نے پہلا گیم 7-12 سے جیتا لیکن ان کے حریف نے دوسرا گیم 10-12 سے جیت کر مقابلہ 1-1 سے برابر کردیا اور پھر تیسرا گیم 2-11 اور چوتھا گیم 4-11 سے اپنے نام کرکے فائنل میں جگہ بنالی، عبداللہ نواز کو برانز میڈل پر اکتفا کرنا پڑا۔
بوائز انڈر 15 ایونٹ کا فائنل دونوں پاکستانیوں کے درمیان کھیلا جائے گا، ٹاپ سیڈ نعمان خان نے بھارتی کھلاڑی آریان کو اسان مقابلے کے بعد 0-3 سے مات دے دی، نعمان خان نے پہلا گیم 5-11،دوسرا گیم 1-11 اور تیسرا گیم 5-11 سے جیتا۔
اسی ایونٹ کے دوسرے سیمی فائنل میں دوسرے پاکستانی کھلاڑی احمد ریحان خلیل نے ہانگ کانگ کے یوم ٹی ایل کو آ کسی دقت کے بغیر 0-3 سے زیر کر لیا، احمد ریان خلیل نے پہلا گیم 8-11، دوسرا گیم 1-11 اور تیسرا گیم 1-11 سے جیت کر فائنل میں قدم رکھا، اس طرح ایونٹ میں پاکستان کا گولڈ اور سلور میڈل یقینی ہو گیا۔
بوائز انڈر 13 ایونٹ کے ٹاپ سیڈ سہیل عرفان نے بھارت کے اماریہ کو کوئی گیم ہارنے بغیر 0-3 سے زیر کرلیا، سہیل عرفان نے پہلا گیم 5-11، دوسرا گیم 1-11 اور تیسرا گیم 2-11 سے جیتا، فائنل میں سہیل عدنان کا مقابلہ بھارت کے ایان دھانو سے ہوگا۔
گرلز انڈر 13 کی سیڈ 9 ماہ نور علی کا سیمی فائنل مقابلہ ہونا باقی ہے، قبل ازیں کوارٹر فائنل میں سحرش علی، پری کوارٹر فائنل بوائز انڈر 19 ایونٹ میں انس علی شاہ، بوائز انڈر 17 میں محمد عمیر عارف اورگرلز انڈر17 میں مہوش علی ناکام رہی تھیں، پہلے راؤنڈ میں 11 میں سے 9 پاکستانی کھلاڑی فاتح رہے، یحییٰ خان بوائز انڈر 17 اور محمد مصطفی خان بوائز انڈر 13 کے پہلے راؤنڈ میں ہی ناکامی سے دوچار ہوگئے تھے۔
.ذریعہ: Express News
کلیدی لفظ: نے پہلا گیم بوائز انڈر دوسرا گیم فائنل میں تیسرا گیم
پڑھیں:
کراچی انٹرنیشنل بک اینڈ ایڈٹیک فیئر ایکسپو میں ہو گی، علی کے چشتی
data-id="863a0a8" data-element_type="widget" data-widget_type="theme-post-content.default">
251118-02-7
کراچی (مانیٹرنگ ڈیسک)کراچی میں تاریخ کی بے مثال و منفرد تین روزہ کراچی انٹرنیشنل بک اینڈ ایڈٹیک فیئر 2026 کراچی ایکسپو سینٹر میں مئی 2026 میں ہو گی۔ اس تاریخ ساز ایونٹ میں ملک بھر سے 50 اساتذہ اور 2 لاکھ طلباء شرکت کرینگے۔ یہ اعلان سی ای او ایم ٹیک سسٹمز علی کے چشتی، اور بٹ ایڈورٹائزنگ اینڈ ایونٹ منیجمنٹ کے اویس صدیقی، اردو اکیڈمی سندھ کے ڈاکٹر سعد بن عزیز اور سی او او اوربٹ ایڈورٹائزنگ اینڈ ایونٹ منیجمنٹ ایس ایم سجاد نے کراچی پریس کلب میں مشترکہ پریس بریفنگ میں کیا۔ ایونٹ کی تفصیلات سے آگاہ کرتے ہوئے انہوں نے کہا کہ مئی 2026میں تین روزہ کراچی انٹرنیشنل بک اینڈ ایڈٹیک فیئر 2026 محض ایک نمائش نہیں بلکہ ایک تحریک ہے جس کا مقصد خواندگی میں اضافہ، تحقیق و تخلیق کی حوصلہ افزائی، پاکستان کے تعلیمی نظام کو مضبوط بنانا اور دنیا بھر کے علمی نیٹ ورکس سے ملک کو جوڑنا ہے۔ علی کے چشتی، اویس صدیقی، ڈاکٹر سعد بن عزیز، ایس ایم سجاد اور دیگر نے میڈیا کو مزید بتایا کہ مئی 2026 میں کراچی ایکسپو سینٹر میں سجنے والا تین روزہ کراچی انٹر نیشنل بک اینڈ ایڈٹیک فیئر 2026 ایونٹ کتاب، تعلیم اور ٹیکنالوجی کا ہمہ جہت میلہ ہے۔ یہ ایونٹ طلبہ، اساتذہ، منصفین، پبلیشرز، ماہرین ِ تعلیم، ایڈٹیک اداروں اور جدت پسندوں کو ایک ہی پلیٹ فارم پر جمع کرے گا۔ ایونٹ میں 250 سے زائد بک اور ایڈ ٹیک اسٹالز ہونگے۔
پنجاب بھر کی عدالتوں میں سیکیورٹی انتظامات مزید سخت