یومِ آزادی اور معرکۂ حق کی تقریبات کے لیے اعلیٰ سطح کمیٹی قائم
اشاعت کی تاریخ: 4th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: حکومتِ پاکستان نے 14 اگست یومِ آزادی اور معرکۂ حق کی تقریبات کو قومی سطح پر بھرپور انداز میں منانے کے لیے اعلیٰ سطح کی کمیٹی تشکیل دے دی ہے جو تقریبات کی تیاری، نگرانی اور فکری و ثقافتی حکمتِ عملی کی تشکیل کی ذمہ دار ہوگی۔
میڈیا رپورٹس کےمطابق وزارت ثقافت کی نگرانی میں قائم کردہ اس کمیٹی میں وفاقی وزرا احسن اقبال، محسن نقوی، عطا تارڑ اور رانا ثناءاللہ کو شامل کیا گیا ہے جب کہ چاروں صوبوں کے نمائندے اور مختلف وزارتوں کے سیکریٹریز بھی اس کا حصہ ہوں گے، کمیٹی میں وزیراعظم کے معاون خصوصی حذیفہ رحمٰن کو بھی مرکزی کردار سونپا گیا ہے جو تقریبات کے لیے فکری و ثقافتی حکمتِ عملی مرتب کریں گے۔
سرکاری اعلامیے کے مطابق جشنِ آزادی کو نئے جذبے، رنگ اور قومی پیغام کے ساتھ منانے کا فیصلہ کیا گیا ہے، 13 اور 14 اگست کو ملک بھر میں خصوصی تقریبات منعقد کی جائیں گی جن میں حب الوطنی، اتحاد اور شہداء کی قربانیوں کو خراجِ عقیدت پیش کیا جائے گا، تقریبات کا دائرہ کار وفاقی، صوبائی، ضلعی اور تحصیل سطح تک پھیلایا جائے گا تاکہ ہر شہری اس قومی جذبے میں شامل ہو۔
وزارت ثقافت کی جانب سے یومِ آزادی کی تقریبات کو ایک نئے ثقافتی اور فکری رنگ میں ترتیب دینے کی ہدایات جاری کر دی گئی ہیں، حذیفہ رحمٰن کی زیرنگرانی ایک خصوصی ٹیم قومی تاریخ، جدوجہد آزادی، معرکہ حق اور عصری چیلنجز کو اجاگر کرنے کے لیے پروگرامز اور تقریبات کی منصوبہ بندی کرے گی۔
کمیٹی کے قیام کا مقصد نہ صرف یومِ آزادی کی تقریبات کو مؤثر انداز میں منعقد کرنا ہے بلکہ معرکۂ حق کے عنوان سے پاکستان کے دفاع، نظریاتی سرحدوں اور فلسطین و کشمیر جیسے عالمی مقدمات پر بھی قومی بیانیہ مضبوط بنانا ہے۔
ذرائع کے مطابق کمیٹی آئندہ چند روز میں اپنی پہلی اجلاس میں تقریبات کے لیے جامع ٹائم لائن، تھیمز، تقریری مقابلے، ثقافتی میلوں، میڈیا مہمات اور قومی ترانے و نظموں پر مشتمل حکمت عملی طے کرے گی، جب کہ سیکیورٹی، لوکل گورنمنٹ اور میڈیا ریگولیٹری اداروں کو بھی شامل کیا جائے گا۔
یاد رہے کہ اس سال 14 اگست کو ملک بھر میں “معرکۂ حق” کے عنوان سے بھی خصوصی سرگرمیاں رکھی جا رہی ہیں جن میں فلسطینی عوام کے ساتھ یکجہتی، کشمیریوں کی حمایت اور قومی خودمختاری کے تحفظ کو اجاگر کیا جائے گا۔
.
ذریعہ
ذریعہ: Jasarat News
کلیدی لفظ: کی تقریبات جائے گا کے لیے
پڑھیں:
کفایت شعاری اقدامات، حکومت نے مارکیٹوں اور ریسٹورنٹس کے اوقات کار میں توسیع کردی گئی
نائب وزیراعظم و وزیر خارجہ اسحاق ڈار کی زیر صدارت کفایت شعاری اقدامات پر اہم اجلاس ہوا جس میں مارکیٹوں اور ریسٹورنٹس کے اوقات کار میں توسیع کردی گئی۔
ایکسپریس نیوز کے مطابق نائب وزیراعظم و وزیر خارجہ سینیٹر محمد اسحاق ڈار کی زیر صدارت وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کا اجلاس منعقد ہوا۔
اجلاس میں ملک بھر میں توانائی کے مؤثر استعمال اور کاروباری سرگرمیوں کے اوقات کارجبکہ جاری کفایت شعاری اقدامات کا تفصیلی جائزہ لیا گیا۔
موسمِ گرما میں دن کے دورانیے میں اضافے اور بلند درجہ حرارت کے پیش نظر کمیٹی نے دکانوں، بازاروں، شاپنگ مالز اور جنرل ریٹیل کاروبار کے اوقات کار رات 9 بجے تک بڑھانے کی منظوری دے دی۔
مزید پڑھیںلاہور میں بھی اسمارٹ لاک ڈاؤن پھر سے نافذ، پرانے اوقات کار بحال
اجلاس کے فیصلوں کے مطابق ریسٹورنٹس، کیفے اور دیگر کھانے پینے کے مراکز رات 11 بجے تک کھلے رہ سکیں گے، تاہم ٹیک اوے اور ہوم ڈلیوری سروسز ان اوقات کی پابندی سے مستثنیٰ ہوں گی۔
شادی ہالز اور تقریبات کے مقامات کے اوقات کار رات 10 بجے تک برقرار رکھنے کا فیصلہ کیا گیا جبکہ فارمیسیز، ہسپتال، پٹرول پمپس، آئی ٹی اور ٹیلی کام سے متعلق خدمات سمیت ضروری سروسز کو ان پابندیوں سے استثنیٰ حاصل ہوگا۔
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ مکمل تعاون کرتے ہوئے ان فیصلوں پر مؤثر عملدرآمد یقینی بنائیں۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات اور آئی ٹی و ٹیلی کام، وزیر اعظم کے معاونینِ خصوصی برائے خزانہ اور نائب وزیراعظم، وفاقی سیکریٹریز تجارت، کابینہ، پیٹرولیم اور آئی ٹی و ٹیلی کمیونی کیشنز کے علاوہ صوبائی حکومتوں کے سینئر حکام نے بھی شرکت کی۔کمیٹی نے ایجنڈے میں شامل دیگر امور اور کیسز کی بھی منظوری دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ