سوات میں 5 سے 10 جولائی تک شدید بارشوں کا امکان، الرٹ جاری
اشاعت کی تاریخ: 5th, July 2025 GMT
سوات(نیوز ڈیسک)سوات میں پانچ سے دس جولائی تک شدید بارشوں کے دوران سیلابی صورتحال کے پیش نظر پی ڈی ایم اے نے ہائی الرٹ جاری کردیا۔
محکمہ موسمیات کےمطابق سوات میں 5 سے 10 جولائی تک شدید بارشوں کا امکان ہے،جس کے پیش نظر پی ڈی ایم اے کی جانب سے ہائی الرٹ جاری کردیا گیا۔
پی ڈی ایم اےکاکہنا ہےکہ بارشوں کے دوران لینڈنگ سلائیڈنگ اورسیلابی صورتحال کا خدشہ ہے،انتظامیہ نےپیشیگی اقدامات کے لئے اداروں کو ہدایات جاری کردیں۔
دریا میں نہانے پر پابندی کے باوجود بعض مقامات پر خلاف ورزی ہورہی ہے،شہریوں نے مطالبہ کیا ہے کہ 27 جون کی سانحہ جیسے حادثات روکنے کے لئے اقدامات کئے جائیں۔
مزیدپڑھیں:’بابر اعظم جیسے کپتان سرفراز کی جیب میں رہتے تھے‘
ذریعہ: Daily Ausaf
پڑھیں:
پنجاب میں اسموگ الرٹ، ٹریفک حکام کو سخت ایکشن کا حکم
ویب ڈیسک: لاہور اور پنجاب بھر میں بڑھتی ہوئی دھند اور اسموگ کے پیش نظر صوبائی حکومت نے ٹریفک حکام کو خصوصی ہدایات جاری کر دی ہیں۔
ڈی آئی جی ٹریفک پنجاب وقاص نذیر نے تمام چیف ٹریفک آفیسرز (CTOs) اور ڈسٹرکٹ ٹریفک آفیسرز (DTOs) کو مراسلہ بھیجا ہے، جس میں موسمِ سرما کے دوران محفوظ سفر یقینی بنانے کے لیے جامع اقدامات کی ہدایت کی گئی ہے۔مراسلے کے مطابق دھواں چھوڑنے والی گاڑیوں کے خلاف سخت کارروائی کی جائے گی، جبکہ اسموگ پیدا کرنے والی گاڑیوں کی نشاندہی اور چیکنگ کے لیے ٹریفک پولیس، ماحولیاتی تحفظ ایجنسی (EPA) اور ٹرانسپورٹ ڈیپارٹمنٹ پر مشتمل مشترکہ ٹیمیں تشکیل دی جائیں گی۔
فضائی آلودگی کا وبال، لاہور دنیا کے آلودہ شہروں میں پھر سرفہرست
ریت اور مٹی سے بھری گاڑیوں کو بغیر ترپال سڑکوں پر چلنے سے روکا جائے گا، اور شوگر کین ٹرالیز، ٹرکوں اور مزدا گاڑیوں پر ریفلیکٹر اسٹیکرز لگانے کی ہدایت دی گئی ہے تاکہ رات کے وقت حادثات سے بچاؤ ممکن ہو سکے۔
ڈی آئی جی ٹریفک پنجاب نے کہا کہ تمام گاڑیوں اور موٹرسائیکلوں کے بیک لائٹس، اشارے اور شیشے درست حالت میں رکھنا لازمی ہے، شہری سفر کے دوران رفتار کم کریں اور احتیاطی تدابیر پر عمل کریں۔ان کا کہنا تھا کہ شہریوں کو محفوظ سفر فراہم کرنا ٹریفک پولیس کی بنیادی ذمہ داری ہے اور اسموگ کے سیزن میں حادثات کی روک تھام کے لیے صوبہ بھر میں بہترین حفاظتی اقدامات کیے جا رہے ہیں۔
حافظ آباد: بچوں کی لڑائی میں بڑے کود پڑے، مرد و خواتین گتھم گتھا
دوسری جانب باغوں کا شہر لاہور فضائی آلودگی کے شدید نرغے میں آ گیا ہے۔ دنیا کے آلودہ ترین شہروں میں لاہور نے پہلے نمبر کا مقام حاصل کر لیا ہے اور شہر میں ایئر کوالٹی انڈیکس کی مجموعی شرح 483 ریکارڈ کی گئی ہے۔آلودگی کے باعث شہر میں صبح سویرے حدِ نگاہ میں کمی محسوس کی گئی، جبکہ مختلف علاقوں میں فضائی آلودگی کی شرح 750 سے بھی تجاوز کر گئی۔ سی ای آر پی آفس کے اطراف 764، اقبال ٹاؤن 692، پاور زون ہیڈ آفس 626، ماڈل ٹاؤن 607، شادمان 597 اور سول سیکرٹریٹ 596 ریکارڈ کی گئی۔
امریکی ریاست الاسکا میں زلزلہ، شدت 5.7 ریکارڈ
کیریبین جزائر میں رواں سال کا طاقتور ترین طوفان داخل، 3 افراد ہلاک