برطانیہ؛ فلسطین ایکشن گروپ کے 20 سے زائد کارکن گرفتار
اشاعت کی تاریخ: 6th, July 2025 GMT
data-id="863a0a8" data-element_type="widget" data-widget_type="theme-post-content.default">
برطانوی حکومت کی جانب سے فلسطین ایکشن گروپ پر پابندی کے بعد مظاہروں میں شریک 20 سے زائد افراد کو گرفتار کر لیا گیا۔
غیر ملکی خبر ایجنسی کے مطابق، برطانوی پولیس نے دہشت گردی کے شبہے میں ان افراد کو اس بنیاد پر حراست میں لیا کہ وہ فلسطین ایکشن گروپ کی حمایت کر رہے تھے، جس پر حال ہی میں پابندی عائد کی گئی ہے۔
رپورٹ میں بتایا گیا کہ گزشتہ ماہ رائل ایئرفورس بیس پر احتجاج اور املاک کو نقصان پہنچانے کے واقعے کے بعد حکومت نے انسدادِ دہشت گردی قانون کے تحت اس گروپ کے خلاف کارروائی شروع کی تھی۔
برطانیہ اس سے قبل حماس سمیت 81 تنظیموں پر پابندی عائد کر چکا ہے۔ موجودہ قانون کے مطابق کسی کالعدم تنظیم کی حمایت یا اس کا نشان اُٹھانے پر فرد کو 14 سال قید یا جرمانے کی سزا ہو سکتی ہے۔
حکومتی اقدام کے خلاف پارلیمنٹ اسکوائر پر شہریوں کی بڑی تعداد جمع ہوئی، جن میں سے کچھ افراد نے ایسے پلے کارڈ اٹھا رکھے تھے جن پر لکھا تھا: “میں نسل کشی کے خلاف ہوں، میں فلسطین ایکشن کی حمایت کرتا ہوں۔”
رپورٹ کے مطابق، اسی دوران پولیس نے وہاں سے کئی مظاہرین کو گرفتار کیا جو فلسطین ایکشن کے حق میں نعرے لگا رہے تھے۔
واضح رہے کہ اقوام متحدہ کے ماہرین پہلے ہی اسرائیل کو غزہ میں فلسطینیوں کے خلاف نسل کشی کا مرتکب قرار دے چکے ہیں، جہاں 7 اکتوبر 2023 سے جاری اسرائیلی جارحیت تاحال جاری ہے۔
.ذریعہ: Jasarat News
کلیدی لفظ: فلسطین ایکشن کے خلاف
پڑھیں:
پنجاب: غیرقانونی جانور پالنے والوں کے خلاف کریک ڈاؤن، 13 شیر برآمد، 5 افراد گرفتار
پنجاب میں بغیر لائسنس شیر رکھنے والوں کے خلاف محکمہ جنگلی حیات نے بھرپور کارروائی کرتے ہوئے 24 گھنٹوں کے دوران 13 شیر برآمد کر لیے، جبکہ 5 افراد کو گرفتار کر لیا گیا۔
ترجمان کے مطابق صوبے بھر میں 22 مختلف مقامات پر چھاپے مارے گئے۔ لاہور سے 4 شیر بازیاب کرکے 4 افراد کو گرفتار کیا گیا، ایک احاطہ سیل اور 3 مقدمات درج کیے گئے۔ گوجرانوالا سے 4 اور فیصل آباد سے 2 شیر تحویل میں لیے گئے، جبکہ ملتان میں 3 شیر برآمد کرکے ایک شخص کو گرفتار کیا گیا اور 2 مقدمات درج ہوئے۔
مزید پڑھیں: کیپٹن کرنل شیر خان کو ان کی 26ویں برسی پر عسکری قیادت اور افواج سلام پیش کرتی ہیں، آئی ایس پی آر
سینئر وزیر پنجاب مریم اورنگزیب نے کارروائی پر بیان دیتے ہوئے کہا کہ غیر قانونی طور پر شیر پالنا نہ صرف جرم بلکہ معاشرتی خطرہ بھی ہے۔ ان کا کہنا تھا کہ جنگلی حیات کے قوانین پر سختی سے عمل درآمد ہوگا، اور قانون سے کوئی بالاتر نہیں۔ زیرو ٹالرنس پالیسی کے تحت بلا امتیاز کارروائیاں جاری رہیں گی۔
انہوں نے واضح کیا کہ جنگلی حیات کا غیر قانونی کاروبار ناقابلِ برداشت ہے اور عوامی سلامتی پر کوئی سمجھوتا نہیں ہوگا۔ عوام سے اپیل کی گئی ہے کہ ایسے عناصر کی اطلاع ہیلپ لائن 1107 پر دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب شیر، چیتا غیرقانونی مریم اورنگزیب وائڈ لائف
سپریم کورٹ نے ویڈیو لنک کی سہولت میں دور دراز علاقوں تک توسیع دے دی