عاشورہ ہمیں حق و باطل، عدل اور ظلم کے درمیان ابدی جنگ کی یاد دلاتا ہے، صدر، وزیر اعظم
اشاعت کی تاریخ: 6th, July 2025 GMT
یوم عاشورہ 1447ھ کے موقع پر پاکستان کے صدر اور وزیرِ اعظم نے نواسہ رسول حضرت امام حسینؓ اور شہدائے کربلا کی عظیم قربانیوں کی یاد میں قوم کے نام خصوصی پیغامات جاری کیے۔
صدر مملکت آصف علی زرداری کا پیغام:
صدر مملکت نے اپنے پیغام میں یوم عاشورہ کو قربانی، حق گوئی اور عزمِ صمیم کا پیغام قرار دیا۔ انہوں نے کہا کہ یہ دن حضرت امام حسینؓ اور ان کے جانثار رفقاء کی عظیم شہادت کی یاد دلاتا ہے، جو باطل کے خلاف ایک ابدی جدوجہد کی علامت بن چکا ہے۔امام حسینؓ کی شہادت نے ہمیں سچائی، وفا اور قربانی کی بے مثال داستان عطا کی، جو ہر دور میں انسانوں کے لیے ایک رہنما اصول بنی رہی ہے۔صدر مملکت نے مزید کہا کہ کربلا کا واقعہ ایک روشن چراغ کی طرح ہے، جو ہر دور کے اندھیروں میں حق اور سچائی کا راستہ دکھاتا ہے۔امام حسینؓ کا پیغام آج بھی زندہ ہے اور یہ ہمیں سکھاتا ہے کہ ظلم و جبر کے سامنے نہ جھکنے اور اصولوں پر ڈٹے رہنے کا عزم کس قدر ضروری ہے۔انہوں نے ملک کو درپیش چیلنجز کے تناظر میں کہا کہ ہمیں بطور قوم امام حسینؓ کے پیغامِ حریت اور عدل کو اپنانا ہے، اور بھائی چارے، محبت، رواداری اور قومی یکجہتی کو فروغ دینا ہے۔ صدر نے دعا کی کہ اللہ تعالیٰ پاکستان کو استحکام، خوشحالی اور باہمی محبت کا گہوارہ بنائے۔
وزیرِ اعظم محمد شہباز شریف کا پیغام:
وزیرِ اعظم نے یوم عاشورہ کو تاریخ اسلام کا ایک اہم اور سبق آموز دن قرار دیا۔ انہوں نے کہا کہ دس محرم الحرام کو میدانِ کربلا میں جو معرکہ ہوا، وہ صرف ایک جنگ نہیں بلکہ ایک دائمی پیغام ہے، جو انسانیت کے ضمیر کو ہمیشہ روشن کرتا رہے گا۔حضرت امام حسینؓ نے اپنے خاندان اور جانثاروں کے ہمراہ سچائی، عدل اور دین کی سربلندی کے لیے اپنی جانوں کا نذرانہ پیش کیا اور باطل کے سامنے سر نہیں جھکایا۔وزیرِ اعظم نے کہا کہ امام حسینؓ کی شہادت ہمیں یہ سبق دیتی ہے کہ دین اسلام کی اصل روح انسانی وقار، عدل، رحم، اصول پسندی اور حریت میں پنہاں ہے۔انہوں نے کہا کہ کربلا کا واقعہ ہمیں یہ سکھاتا ہے کہ حق کا راستہ کٹھن ضرور ہے، لیکن یہی وہ راستہ ہے جو اللہ کی رضا، دلوں کے اطمینان اور دائمی فلاح کا سبب بنتا ہے۔انہوں نے کہا کہ آج جب پاکستان کو متعدد چیلنجز کا سامنا ہے، جیسے کہ معیشت، معاشرت اور قومی اتحاد، ہمیں امام حسینؓ کی سیرت سے رہنمائی حاصل کرنی چاہیے۔ہمیں دیانت، برداشت، صبر، قربانی اور اصول پسندی کو اپنی زندگیوں میں اپنانا ہوگا تاکہ پاکستان ایک فلاحی اور خود دار ریاست بن سکے۔
.ذریعہ: Nawaiwaqt
کلیدی لفظ: انہوں نے کہا کہ کا پیغام
پڑھیں:
محرم اور حق و باطل کا معرکہ
دین و دنیا پروگرام اسلام ٹائمز کی ویب سائٹ پر ہر جمعہ نشر کیا جاتا ہے، اس پروگرام میں مختلف دینی و مذہبی موضوعات کو خصوصاً امام و رہبر کی نگاہ سے، مختلف ماہرین کے ساتھ گفتگو کی صورت میں پیش کیا جاتا ہے۔ ناظرین کی قیمتی آراء اور مفید مشوروں کا انتظار رہتا ہے۔ متعلقہ فائیلیںپروگرام دین و دنیا
موضوع: محرم اور حق و باطل کا معرکہ
میزبان: محمد سبطین علوی
مہمان: حجہ الاسلام والمسلمین عون علوی
موضوعات گفتگو:
محرم؛ ظلم ستیزی، عزت اور حریت
عصر حاضر میں عاشورہ کا احیاء
خلاصہ گفتگو:
کربلا محض ایک تاریخی واقعہ نہیں بلکہ ایک *عظیم، کثیر جہتی تحریک* ہے جو ہر دور میں نیا پیغام دیتی ہے۔ اس کا بنیادی پیغام *ظلم، باطل اور طاغوت کے خلاف کھڑے ہو جانا* ہے۔ امام حسینؑ نے ذلت کی بجائے شہادت کو ترجیح دے کر توحید اور حریت کا علم بلند کیا، اور طاغوت کے سامنے سر تسلیم خم نہ کیا۔ اسلام کبھی بھی کمزور ہو کر ظلم قبول کرنے کی اجازت نہیں دیتا۔
آج کے دور میں بھی *کربلا کا پیغام آزادی اور عزت کا سرچشمہ* ہے۔ غز-ہ کے مظلومین نے اسی جذبے کے ساتھ استعمار کی منافقت کو بے نقاب کیا، جو آزادی کے دعوؤں کے پیچھے تسلط چھپاتے ہیں۔ رہبر معظم جیسے رہنماؤں نے امام علیؑ و امام حسینؑ کے نقش قدم پر چلتے ہوئے امر-یکہ اور اسرا-ئیل کے سامنے ڈٹ کر یہ ثابت کیا کہ *حریت پسند آج بھی استکبا-ر کے خلاف کھڑے ہو سکتے ہیں*۔ کربلا ہی وہ درسگاہ ہے جو ہمیں حقیقی آزادی اور خدا کی بندگی سکھاتی ہے، اور عالم اسلام کو متحد کرتی ہے۔
کے الیکٹرک کی بجلی 4 روپے سستی کرنے کی استدعا، پاور ڈیژن کا سماعت پھر سے موخر کرنے کا مطالبہ