6 ارب ڈالر کے ریفائنری منصوبوں کی بحالی کیلیے توانائی کے شعبے میں اہم پیشرفت
اشاعت کی تاریخ: 6th, July 2025 GMT
اسلام آباد:
ایس آئی ایف سی کے تحت توانائی کے شعبے میں اہم پیشرفت ہوئی ہے جس میں 6 ارب ڈالر کے ریفائنری منصوبوں کی بحالی ممکن بنائی جائے گی۔
توانائی کے شعبے میں استحکام کے لیے ایس آئی ایف سی کی براؤن فیلڈ ریفائنری پالیسی میں ترمیم کی ہدایت کی گئی ہے۔ سیلز ٹیکس میں اصلاحات، پیٹرولیم مصنوعات کی اسمگلنگ اور ڈیزل کی درآمدات پر قابو پانے کے لیے اقدامات پر غور کیا جا رہا ہے۔
پالیسی ترمیم کا مقصد براون فیلڈ ریفائنریز میں 6 ارب ڈالر کی سرمایہ کاری کے ذریعے منصوبوں کی بحالی ممکن بنانا ہے۔ ریفائنریز کو 7 سال کے لیے ٹیکس پالیسی میں استحکام کی ضمانت پر غور اور سرمایہ کاروں کے اعتماد میں نمایاں اضافہ متوقع ہے۔
ٹیکس پالیسی میں اصلاحات کی بدولت معیار ی ایندھن کی پیداوار کے لیے ریفائنریز کی اپ گریڈیشن کی راہ ہموار ہوگی۔ ایس آئی ایف سی کی کوششوں سے حکومت اور نجی شعبے کے درمیان مؤثر رابطہ قائم ہوگئے جس سے پالیسی پر عمل درآمد میں بہتری آ رہی ہے۔
حکومت توانائی کے شعبے میں مالی مراعات اور پالیسی اصلاحات کے ذریعے جدیدیت کے لیے پُرعزم ہے۔ ایس آئی ایف سی کی معاونت سے توانائی منصوبوں میں پیشرفت ملکی معیشت میں استحکام اور دیرپا ترقی کی بنیاد بنے گی۔
.ذریعہ: Express News
کلیدی لفظ: توانائی کے شعبے میں ایس ا ئی ایف سی کے لیے
پڑھیں:
پاکستان اور آذربائیجان کے درمیان اقتصادی تعاون میں اہم پیشرفت، 2 ارب ڈالر سرمایہ کاری کے معاہدے پر دستخط
پاکستان اور آذربائیجان کے درمیان اقتصادی تعاون میں اہم پیش رفت ہوئی ہے، آذربائیجان نے پاکستان میں 2 ارب ڈالر کی سرمایہ کاری کے معاہدے پر دستخط کر دیے ہیں۔
یہ بھی پڑھیں: وزیراعظم شہباز شریف 2 روزہ سرکاری دورے پر آذربائیجان پہنچ گئے
سرکاری اعلامیے کے مطابق (پی ٹی وی) کے مطابق پاکستان اور آذر بائیجان کے درمیان 2 ارب ڈالر کی سرمایہ کاری کے معاہدے پر دستخط ہوئے ہیں، معاہدے پر دستخط وزیرِ اعظم محمد شہباز شریف کی موجودگی میں نائب وزیرِ اعظم و وزیرِ خارجہ اسحاق ڈار اور آذربائیجان کے وزیرِ معیشت میکائل جباروف نے کیے۔ معاہدے کی تقریب میں پاکستانی وفد بھی شریک تھا۔
وزیر اعظم شہباز شریف اور آذری صدر الہام علیوف کی خانکندی میں خوشگوار اور نتیجہ خیز ملاقات کے بعد معاہدے پر دستخط کیے گئے۔ حتمی اور تفصیلی معاہدہ آذری صدر کے آئندہ دورہ پاکستان کے دوران مکمل کیا جائے گا۔
دونوں ممالک کے درمیان یہ معاہدہ معاشی روابط کے ایک نئے دور کا آغاز ہے، وزیراعظم
وزیراعظم نے میڈیا سے گفتگو میں کہا کہ آذربائیجان کی جانب سے پاکستان میں 2 ارب ڈالر کی سرمایہ کاری خوش آئند ہے، اور وہ اس اہم پیش رفت پر صدر الہام علیوف کے شکر گزار ہیں۔ انہوں نے کہا کہ دونوں ممالک کے درمیان یہ معاہدہ معاشی روابط کے ایک نئے دور کا آغاز ہے۔
یہ بھی پڑھیں: پاک آذربائیجان تعلقات مضبوط بنانے کے لیے مفید بات چیت کا منتظر ہوں، وزیراعظم شہباز شریف
اس موقع پر وزیراعظم نے آذربائیجان میں اقتصادی تعاون تنظیم (ECO) کے سربراہی اجلاس کے کامیاب انعقاد پر صدر الہام علیوف کو مبارکباد بھی پیش کی۔
حکام کے مطابق، اس معاہدے سے نہ صرف دونوں ممالک کے معاشی تعلقات میں نئی روح پھونکی جائے گی بلکہ توانائی، تجارت، اور دیگر شعبوں میں باہمی تعاون کو بھی تقویت ملے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آذربائیجان اسحاق ڈار پاکستان دورہ پاکستان سرمایہ کاری شہباز شریف صدر الہام علیوف معاہدہ وزیراعظم
سوات واقعہ کیوں پیش آیا، قصور وار کون ہے؟ تہلکہ خیز انکشاف