عراق:غاروں کے اندر میتھین گیس سے مزید 3 ترک فوجی جاں بحق
اشاعت کی تاریخ: 7th, July 2025 GMT
انقرہ(اردوپوائنٹ اخبارتازہ ترین-انٹرنیشنل پریس ایجنسی۔07 جولائی ۔2025 )ترکی نے اعلان کیا ہے کہ شمالی عراق میں غاروں کے اندر تلاش کے دوران میتھین گیس کے اثر سے مزید 3 ترک فوجی جاں بحق ہو گئے ہیں جس کے بعد جاں بحق فوجی جوانوں کی مجموعی تعداد 8 ہو گئی ہے. برطانوی نشریاتی ادارے کے مطابق یہ واقعہ ایک ایسے وقت میں پیش آیا ہے جب ترکی کردوں کے ساتھ تنازع ختم کرنے کے لیے مذاکرات میں مصروف ہے، خاص طور پر اس پس منظر میں کہ پی کے کے (کالعدم کردستان ورکرز پارٹی) نے اپنی دہائیوں پر محیط مسلح جدوجہد ختم کرنے پر آمادگی ظاہر کی ہے یہ تنازع 1984 میں شروع ہوا تھا اور اب تک 40 ہزار سے زائد جانیں لے چکا ہے.
(جاری ہے)
ترکی کی وزارت دفاع کے مطابق یہ اموات اس وقت ہوئیں جب ترک فوجی مئی 2022 میں کرد جنگجوﺅں کے ہاتھوں مارے گئے ایک ترک فوجی کی باقیات تلاش کر رہے تھے، جس کی لاش اس وقت بازیاب نہیں ہو سکی تھی وزارت دفاع نے ایک بیان میں کہا کہ میتھین گیس سے متاثر ہونے والے ہمارے 3 اور جانباز ساتھی بھی جامِ شہادت نوش کر گئے ہیں یوں شہدا کی تعداد 8 ہو گئی ہے. ترک وزارت دفاع نے غاروں میں میتھین گیس کی موجودگی کی وجہ نہیں بتائی قبل ازیں بیان میں وزارت نے کہاتھاکہ ایک غار میں تلاش کے دوران جو ماضی میں بطور ہسپتال استعمال ہونے کے لیے جانا جاتا تھا ہمارے 19 اہلکار میتھین گیس کا شکار ہوئے جس فوجی کی باقیات تلاش کی جا رہی تھیں وہ 2022 میں اس وقت مارا گیا تھا جب ترکی”آپریشن کلا لاک“ کے تحت سرحدی غاروں میں چھپے ”پی کے کے‘ ‘کے جنگجوﺅں کا صفایا کرنے کی کوشش کر رہا تھا. فوجیوں کی ہلاکت کی خبر اس وقت سامنے آئی جب پروکرد ڈی ای ایم پارٹی کے ایک وفد نے جیل میں قید ”پی کے کے‘ ‘کے بانی عبداللہ اوجالان سے ملاقات کی جو ترک حکومت کے ساتھ جاری مذاکرات کا حصہ ہیں رپورٹ کے مطابق ترکی کی وزارت دفاع نے بتایا ہے کہ غار میں گیس کے اثرات سے 11 فوجی متاثر بھی ہوئے جنہیں علاج کے لیے ہسپتال منتقل کر دیا گیا ہے.
ذریعہ: UrduPoint
کلیدی لفظ: تلاش کیجئے میتھین گیس وزارت دفاع ترک فوجی
پڑھیں:
وزیراعلیٰ پنجاب کا 2 روز کے اندر اسپتالوں میں ریڈ اور بلیو کوڈ ایمرجنسی سسٹم نافذ کرنے کا حکم
فائل فوٹو۔وزیراعلیٰ پنجاب مریم نواز کی زیرصدارت لاہور میں اجلاس ہوا، اس موقع پر وزیراعلیٰ نے 2 روز کے اندر اسپتالوں میں ریڈ اور بلیو کوڈ ایمرجنسی سسٹم نافذ کرنے کا حکم دیا۔
اجلاس میں سی ایم ہیلتھ ویجیلنس اسکواڈ کے قیام کا اصولی فیصلہ کیا گیا جبکہ دوران ڈیوٹی نرسز اور پیرامیڈیکل اسٹاف کے موبائل فون استعمال پر پابندی کا فیصلہ بھی کیا گیا۔
اجلاس نے اسپتالوں میں موبائل فون کی بجائے رابطے کےلیے پیجر سسٹم نافذ کرنے کا حکم دیا۔
وزیراعلیٰ مریم نواز نے ہر ٹیچنگ اور ڈسٹرکٹ اسپتال میں وینٹیلیٹر مہیا کرنے کی ہدایت کی اور کہا کہ ہارٹ کنسلٹنٹ اور سرجنز ہفتے میں 2 مرتبہ ڈسٹرکٹ اسپتالوں میں ڈیوٹی دیں گے۔
انھوں نے کہا کہ میں نہیں چاہتی کہ کوئی مریض دل کے علاج کی سہولت نہ ہونے سے جان سے جائے۔
وزیر اعلیٰ نے کہا مریضوں کو علاج کےلیے دوسرے شہر جانے کا کہنا ظلم ہے، اب ایسے نہیں ہوگا۔ انھوں نے اسپتالوں کے ایکوپمنٹ آڈٹ، ڈیتھ آڈٹ، لیب آڈٹ، نرسنگ آڈٹ اور ریکارڈ آڈٹ کی ہدایت کی۔
مزید برآں انھوں نے سی ای او، ایم ایس کی تعیناتی کیلئے سیکریٹری پرائمری اینڈ سکینڈری ہیلتھ کو خود انٹرویو لینے کی ہدایت کی۔
پاکستان نے اقوام متحدہ کی سلامتی کونسل کی صدارت سنبھال لی