آسان اقساط پر سولر پینل لگوانے کے خواہشمند افراد کے لیے بڑی خوشخبری
اشاعت کی تاریخ: 7th, July 2025 GMT
میزان بینک نے اپنے ’میزان سولر پروگرام’ کے تحت ایک نیا سولر پینل فنانسنگ حل متعارف کرایا ہے، جس کا مقصد صارفین کو صاف اور قابل تجدید توانائی کی طرف منتقل ہونے میں معاونت فراہم کرنا ہے۔
میڈیا رپورٹس کے مطابق یہ اسکیم اسلامی مالیاتی اصولوں کے تحت تیار کی گئی ہے، جو صارفین کو بغیر کسی ابتدائی رقم کے سولر پینلز نصب کروانے کی سہولت دیتی ہے، اور طویل مدتی بچت کا موقع فراہم کرتی ہے۔
یہ بھی پڑھیں: سولر پینلز پر 10 فیصد ٹیکس، اب فی واٹ سولر پینل کی قیمت کیا ہوگی؟
سولر فنانسنگ کا طریقہ کار
میزان بینک نے اپنے منظور شدہ وینڈرز کے نیٹ ورک کے ذریعے صارفین کو سولر فنانسنگ حاصل کرنے میں مدد کے لیے 8 مراحل پر مشتمل طریقہ کار ترتیب دیا ہے۔
’درخواست کی تیاری‘
پہلے مرحلے میں صارف میزان بینک کی ویب سائٹ یا برانچ سے معلومات حاصل کرنے کے بعد سولر پینل لگوانے کے لیے درخواست جمع کرائے گا۔
’سائٹ کا جائزہ‘
منظور شدہ وینڈر صارف کے گھر کا معائنہ کرتا ہے تاکہ اندازہ لگایا جا سکے کہ کتنی بجلی درکار ہے اور کون سا سولر سسٹم مناسب ہوگا۔
’تکنیکی تجزیہ‘
اس کے بعد وینڈر سسٹم کی تفصیلات اور تخمینہ جات کے ساتھ تجزیہ مکمل کرتا ہے۔
’بینک کی منظوری‘
یہ تمام مراحل مکمل ہونے کے بعد بینک کی جانب سے فنانسنگ کی منظوری دی جاتی ہے۔
معاہدہ
اس کے بعد صارف اور بینک کے درمیان اسلامی مالیاتی اصولوں کے مطابق معاہدہ طے پاتا ہے۔ اور منظور شدہ وینڈر سولر سسٹم نصب کرتا ہے۔
’معائنہ اور تصدیق‘
سولر سسٹم کی تنصیب کے بعد ذمہ داران کی جانب سے اس کا جائزہ لیا جاتا ہے تاکہ یہ یقینی بنایا جا سکے کہ سب کچھ معیار کے مطابق ہے۔
’قسطوں کی ادائیگی‘
سولر پینل کی تنصیب کے بعد صارف مقررہ مدت میں آسان اقساط کے ذریعے ادائیگی کرتا ہے۔
یہ بھی پڑھیں: حکومت نے عوام کا بڑا مطالبہ مان لیا، سولر پینلز پر سیلز ٹیکس میں کمی کا اعلان
یہ پروگرام خاص طور پر ان افراد اور گھرانوں کے لیے موزوں ہے جو بڑھتے ہوئے بجلی کے نرخوں سے پریشان ہیں اور ماحول دوست توانائی کی جانب قدم بڑھانا چاہتے ہیں، لیکن ابتدائی لاگت ان کے لیے رکاوٹ بنتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسان اقساط سولر پینل فنانسنگ سولر سسٹم میزان بینک میزان سولر پروگرام وی نیوز.ذریعہ: WE News
کلیدی لفظ: سولر پینل فنانسنگ سولر سسٹم میزان سولر پروگرام وی نیوز سولر پینل سولر سسٹم کرتا ہے کے لیے کے بعد
پڑھیں:
آئی فون 17 اب پاکستان میں بھی قسطوں میں ملنا شروع، قیمت کیا ہوگی؟
جے ایس بینک نے پاکستان میں ایپل کے تازہ ترین آئی فون 17 ماڈلز کے لیے آسان اقساط پر خریداری کی سہولت متعارف کرادی ہے۔
اس پیشکش کے تحت صارفین اب 0 فیصد مارک اپ کے ساتھ 12 ماہ تک کی قسطوں میں نیا آئی فون خرید سکتے ہیں، جبکہ قسطوں کی مدت 36 ماہ تک بڑھائی جا سکتی ہے۔
میڈیا رپورٹس کے مطابق اس اقدام کا مقصد ایپل کے جدید ترین اسمارٹ فونز کو زیادہ سے زیادہ صارفین کے لیے قابلِ رسائی بنانا ہے۔
یہ بھی پڑھیں: وہ 7 ممالک جہاں آئی فون 17 کی قیمت پوری دنیا سے کم ہے
یہ اسکیم آئی فون 17 کی مکمل لائن اپ پر لاگو ہے، جس میں آئی فون 17، آئی فون 17 پرو، آئی فون 17 پرو میکس، اور آئی فون ایئر شامل ہیں۔
تمام ماڈلز مختلف اسٹوریج آپشنز میں دستیاب ہیں تاکہ صارف اپنی ضرورت اور بجٹ کے مطابق انتخاب کر سکے۔
جے ایس بینک کی جانب سے واضح کیا گیا ہے کہ یہ سہولت صرف اہل کریڈٹ کارڈ ہولڈرز کے لیے دستیاب ہے، جو بینک کی مقررہ شرائط پر پورا اترتے ہوں۔
مزید پڑھیں:آئی فون 17 پرو میکس سے لی گئی پہلی تصویر جاری
بینک کے اعلامیے کے مطابق آئی فون 17 کی بکنگ صرف بینک کے کال سینٹر کے ذریعے کی جا سکتی ہے۔
’اگر کوئی صارف آئی فون 17 پرو میکس حاصل کرنا چاہتا ہے لیکن مکمل رقم فوری طور پر ادا نہیں کرنا چاہتا، تو یہ 0 فیصد مارک اپ پر قسطوں کا پلان ایک موزوں متبادل فراہم کرتا ہے۔‘
تاہم ماہرین کی تجویز ہے کہ صارفین اس سہولت سے فائدہ اٹھانے سے پہلے پی ٹی اے کی منظوری، ممکنہ خفیہ چارجز اور کریڈٹ کارڈ کی شرائط ضرور چیک کرلیں۔
بینک کا 12 ماہ کا پلان سہولت اور لاگت کے لحاظ سے بہترین متوازن آپشن سمجھا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون پی ٹی اے جے ایس بینک کال سینٹر کریڈٹ کارڈ ماڈلز مارک اپ
عالمی بینک نے پاکستان ڈیولپمنٹ اپ ڈیٹ رپورٹ 2025 جاری کردی