حیدرآباد:مئیر کے سیکورٹی کے حوالے سے مختلف مقامات پر دورے
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)یوم عاشور کے موقع میئر حیدرآباد کاشف علی شورو نے میونسپل کمشنرظہور احمد لکھن کے ہمراہ محرم الحرام کے سلسلے میں سیکورٹی کے اقدامات و میونسپل کارپوریشن حیدرآباد کے انتظامات کا جائزہ لینے کیلئے سٹی لطیف آباد اور قاسم آباد میں جلوسوں کی گزرگاہوں اور 10محرم الحرام کے جلوسوں کے مرکزی روٹ اسٹیشن روڈ پر قدم گاہ مولی علی تا کربلا دادن شاہ تمام تر انتظامات کا معائنہ کیا۔اس موقع پر میاں سرفراز ٹاؤن کے چیئرمین مصطفی بلال،حیدرآباد واٹر اینڈ سیوریج کارپوریشن کے چیف ایگزیکٹیو طفیل ابڑو اور بلدیہ اعلیٰ کے افسران بھی موجود تھے۔میئر حیدرآباد نے انتظامات کے جائزے کے سلسلے میں قدم گاہ مولیٰ علی کا بھی دورہ کیا اور جلوسوں کے منتظمین سے ملاقاتیں کیں اور انہیں اپنے ہرممکن تعاون کا یقین دلایا۔میئر حیدرآباد نے اسٹیشن روڈ پر بلدیہ اعلیٰ کی مرکزی عمارت کے قریب ریسکیو 1122،انجمن حیدری زینبیہ ویلفیئر آرگنائزیشن کی جانب سے لگائے جانے ولے طبی امدای کیمپس کا بھی دورہ کیا اور ان کے منتظمین سے ملاقات کیں اوران کی جانب سے انجام دیے جانے والے فلاحی کاموں کی تعریف کی۔میئر حیدرآباد کاشف علی شورواور میونسپل کمشنرظہور احمد لکھن نے یوم عاشورہ کے موقع پر بلدیہ اعلیٰ حیدرآباد کی جانب سے ہر سال کی طرح امسال بھی بلدیہ اعلیٰ کی مرکزی عمارت کے باہر انتظامی کیمپ کے ساتھ ساتھ عزادارن حسین کو طبی امداد کی فراہمی کے سلسلے میں بنائے جانے والے میڈیکل کیمپ اور سبیل کا بھی معائنہ کیا اور انتظامات سے متعلق معلومات لیں، میڈیکل کیمپ میں بلدیہ اعلیٰ حیدرآباد کے حافظ مبارک علی شاہ اسپتال کے ایم ایس ڈاکٹر شبیہ حیدر ڈاکٹرز اور پیرا میڈیکس مستعدی کے ساتھ عزادارن حسین کو طبی امداد دے رہے تھے،میڈیکل کیمپ میں میئر حیدرآباد کاشف علی شورو و میونسپل کمشنر ظہور احمد لکھن نے اپنے فرائض انجام دینے والے بلدیہ اعلی حیدرآباد کے ڈاکٹر ز، پیرا میڈکس و دیگر اسٹاف کے کاموں کو سراہا، طبی امدادی کیمپ میں عزاداران حسین کو طبی امدا د فراہم کی گئی،بلدیہ اعلیٰ کے انتظامی کیمپ پرڈائریکٹر سینیٹیشن سراج شاہ،چیف فائر آفیسر شہاب اکرام،انفارمیشن آفیسر محمد شریف شیخ، سوشل ویلفیئرآفیسرمہر یار بیگ، وUT آفیسرز و دیگر اسٹاف بھی موجود تھے۔
.
ذریعہ
ذریعہ: Jasarat News
کلیدی لفظ: بلدیہ اعلی
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
پاکستان نے ورلڈ کپ 2028 کیلیے براہ راست کوالیفائی کر لیا