وقت کے یزیدوں کیخلاف ڈٹ جانے کا نام حسینیت ہے‘کاشف شیخ
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈومحمد خان(نمائندہ جسارت)جماعت اسلامی سندھ کے امیر کاشف سعید شیخ نے کہا ہے کہ غلبہ حق، ظلم اور وقت کے یزیدوں کے خلاف ڈٹ جانے کا نام حسینیت ہے، واقعہ کربلا پوری امت کو یہ درس ملتا ہے کہ دعوت دین کے راستے میں ا ٓنے والی تمام مشکلات کا صبر واستقامت کے ساتھ مقابلا کرنا چاہیے،یومِ عاشور دراصل تذکیر کا دن ہے کہ پوری قوم ایک بار پھر سے عدل وانصاف اور غلبہ دین کے لیے اسوہ حسینؓپر عمل پیرا ہونے کا عہد کرے۔ نواسہ رسولؓ کی شہادت سے ہمیں یہ پیغام ملتا ہے کہ باطل قوتوں کے مقابلے کے لیے جان کا نذرانہ پیش کرنے سے بھی دریغ نہیں کرنا چاہیے جس طرح سے آج غزہ کے مسلمان اپنی جانوں اور مال کے ساتھ بے مثال قربانی پیش کررہے ہیں۔ قوم آج یزیدی نظام کے خلاف اٹھنے کا عہد کرے، اس سے ملکی استحکام اور خوشحالی دونوں نصیب ہوں گی۔ امام حسین ابن علیؓ کی عظیم قربانی انسانیت کے دلوں پر ہے جو ظلم و جبر اور آمریت کے خلاف اٹھنے کا شعور دیتی ہے۔ کربلا کے ریگزاروں سے حسینیت کے شعور کا جو پودا پھوٹا وہ قیامت تک پوری انسانیت کو دائمی امن، سلامتی، جمہوریت اور انصاف کی چھاؤں دیتا رہے گا۔ان خیالات کا اظہار انہوں نے نوری آباد بلال مسجد میں شہادت امام حسینؓ کانفرنس سے خطاب کرتے ہوئے کیا۔ اس موقع صوبائی نائب امیر حافظ نصراللہ عزیز،جماعت اسلامی سندھ کے جنرل سیکرٹری محمد یوسف،ڈپٹی جنرل سیکرٹری الطاف احمد ملاح اور ضلعی امیر حافظ لعل محمد سولنگی نے بھی خطاب کیا۔ کاشف سعید شیخ نے مزید کہا کہ حق کے غلبے اوربدی کے خلاف جدوجہدپیغام شہادت حسین ؓ ہے، جنہوں نے اپناسب کچھ قربان کرکے ملوکیت کے خلاف اورخلافت کے نظام نبی مہربانؐ کے مشن کو جاری رکھنے کے لیے میدان کربلامیں ڈٹ کریزیدیت کا مقابلا کیا۔جماعت اسلامی بھی روز اول سے پاکستان میں خلافت کا نظام لانے کے لیے کوشاں ہے۔ پاکستان میں جمہوریت کے نام پر عوام کے حقوق پرڈاکا اوراسلام کا مذاق اڑایا جارہا ہے،دستور پاکستان میں واضح طورپر لکھاہوا ہے کہ ملک میں قرآن وسنت کے خلاف کوئی بھی قانون سازی نہیں ہوگی مگرسودی نظام سے لیکربے حیائی تک ہمارے معاشرے و ملک میں سب کچھ اسلا م کے روح کے خلاف ہورہا ہے۔جمہوریت کے نام پر قوم سے مذاق کیا جارہا ہے، ملک میں ہائبرڈ نظام کے نام پر مارشل لا نافذ ہے اور تمام اداروں پر قبضہ کرکے ملت فروش،دین فروش آئی ایم ایف اور امریکی سامراج کے غلام حکمرانوں کو قوم پر مسلط کردیا گیا۔پاکستان میں قرآن وسنت کانظام خلاف کا نظام اوردین کابول بالا ہونا چاہیے، جماعت اسلامی حسینی مشن کو آگے لے کرمیدان عمل میں جدوجہد کر رہی ہے۔محرم الحرام صبروتحمل ایثارقربانی اورامت کے اتحاد کا مہینہ ہے۔ وطن عزیز میں آئی ایم ایف کے اشاروں پر غریب کا لہو نچوڑ کراپنی لیے عیاشیوں کا سامان اور محلات کے چراغ جلا ئے جاتے ہیں، امام حسین ؓکا پیغام ظلم کے خلاف لڑائی ہے،اس ملک میں جتنے حکمران بھی آئے وہ ووٹ سے نہیں بلکہ سلیکشن سے آئے۔ امام عالی مقام کا امت کے نام پر یہ پیغام ہے ظلم اور جبر کا مقابلہ کرو۔ کاشف سعید شیخ نے مزید کہا کہ اس وقت کے فیصلے پارلیمنٹ کے بجائے بند کمروں میں ہوتے ہیں، کربلا کا درس یہ ہے کہ اصل زندگی خدا کی راہ میں اپنا سب کچھ قربان کردینا ہے، میدان کربلا میں امام حسین ؓاور خانوادہ رسول ؐ کی قربانیوں کا اصل حقیقی پیغام ہے۔
امیر جماعت اسلامی سندھ کاشف سعید شیخ نوری آباد میں جامع مسجد بلال میںایک روزہ تربیت گاہ اور ٹنڈو محمد خان میں مسجد جنت الفردوس باقر نظامانی میں شہادت امام حسینؓ کانفرنس سے خطاب کررہے ہیں
.ذریعہ: Jasarat News
کلیدی لفظ: کاشف سعید شیخ جماعت اسلامی پاکستان میں کے نام پر کے خلاف ملک میں کے لیے
پڑھیں:
6دنوں میں ٹریفک قوانین کیخلاف ورزی پر 26ہزار ای چالان
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) کراچی میں ٹریفک قوانین کی خلاف ورزی پر 6 روز میں 26 ہزار 155 سے زائد ای چالان کردیے گئے۔ کراچی ٹریفک پولیس نے ٹریفک قوانین کی خلاف ورزیوں پر 24 گھنٹوں کے دوران مزید 3283 الیکٹرونک چالان جاری کردیے جبکہ گزشتہ6 روزکے دوران جاری کیے جانے والے ای چالان کی تعداد26ہزار155 سے تجاوز کرگئی۔ تفصیلات کے مطابق ٹریفک پولیس کراچی نے جدید و خود کارفیس لیس ای ٹکٹنگ نظام کے تحت ٹریفک قوانین کی خلاف ورزیوں پر 24 گھنٹوں میں مزید 3283 الیکٹرونک چالان جاری کیے۔ ٹریفک پولیس کے مطابق جمعے کی شب 12 بجے سے ہفتے کی شب 12 بجے تک سیٹ بیلٹ نہ باندھنے پر 1992 ای چالان، بغیرہیلمٹ موٹر سائیکل چلانے پر 761، ریڈ لائٹ کی خلاف ورزی پر 119، موبائل فون کے استعمال پر 87، اوور اسپیڈنگ پر 104 ای چالان کیے گئے۔ ٹریفک پولیس کے مطابق کالے شیشوں پر 71 ای چالان، نوپارکنگ پر 26، رانگ وے پر 14، اوور لوڈنگ پر 2 اوربیجا لوڈ پر 10ای چالان جاری کیے گئے ہیں۔ ترجمان ٹریفک پولیس کے مطابق یہ نظام شہریوں میں ٹریفک قوانین کی پاسداری کو یقینی بنانے اور مؤثر نگرانی کے لیے ایک اہم سنگ میل ہے اورعوامی تعاون سے یہ نظام مزید بہتر بنایا جا رہا ہے۔ ترجمان ٹریفک پولیس نے کہا کہ شہریوں سے اپیل ہے کہ ٹریفک قوانین کی مکمل پاسداری کریں تاکہ شہر میں ٹریفک کا نظام بہتر ہو اور حادثات میں کمی لائی جا سکے۔
جنگ بندی معاہدے کی خلاف ورزی، اسرائیل کے غزہ پر حملے، 8 فلسطینی شہید