دوسرا ٹیسٹ: جنوبی افریقا کے خلاف زمبابوے فالو آن کا شکار، 405 رنز کا خسارہ باقی
اشاعت کی تاریخ: 7th, July 2025 GMT
جنوبی افریقا اور زمبابوے کے درمیان جاری دوسرے ٹیسٹ میں زمبابوے کی ٹیم فالو آن کا شکار ہوگئی۔کھیل کے دوسرے روز 626 رنز کے خسارے کے جواب میں میزبان ٹیم پہلی اننگز 170 رنز پر ڈھیر ہوگئی۔ فالو آن کے بعد دوسرے دن کے اختتام پر زمبابوے کی ٹیم نے 1 وکٹ کے نقصان پر 51 رنز بنا لیے۔
بلاوایو میں میں جاری سیریز کے دوسرے ٹیسٹ میں پروٹیز بولرز کے سامنے زمبابوے کی بیٹنگ لائن ریت کی دیوار ثابت ہوئی۔ شان ویلیمز 55گیندوں پر 83رنز کی ناٹ آؤٹ اننگز کھیل کر نمایاں رہے۔ ویزلے مدھیویر 25 اور کریگ اروائن 17 رنز کے ساتھ نمایاں رہے۔
جنوبی افریقا کے پرینیلن سبراین نے تباہ کن بولنگ کرتے ہوئے صرف 42رنز کے عوض چار کھلاڑیوں کو پولین کی راہ دکھائی۔ کوڈی یوسف اور ویان ملڈر نے دو، دو شکار کیے اور زمبابوے کو فالو آن پر مجبور کردیا۔
اس سے قبل جنوبی افریقا نے پہلے بیٹنگ کرتے ہوئے 5 کھلاڑیوں کے نقصان پر 626 رنز بنائے اور اننگز ڈیکلئر کر دی۔ پروٹیز کے کپتان ویان ملڈر نے زمبابوے کی بولنگ لائن کے پرخچے اڑا دیے۔ انہوں نے انچاس چوکے اور چار چھکوں کی مدد سے 367 رنز کی ناقابل شکست اننگز کھیلی۔
ویان ملڈر ویسٹ انڈیز کے لیجنڈ برائن لارا کے ایک اننگز میں سب سےزیادہ 400 رنز ناؤٹ آؤٹ کا ریکارڈ توڑنے سے تھوڑا ہی دور تھے۔ ایک اننگز میں سب سے زیادہ انفرادی اسکور بنانے والے ملڈر پانچویں کھلاڑی بن گئے۔
جے وردھرنے 374، برائن لارا 375 اور میتھو ہیڈن 380 رنز کی اننگزکھیل کر ویان ملڈر سے آگے ہیں لیکن ایک اننگز میں تین سو سے زائد رنز بنانے والے وہ جنوبی افریقا کے دوسرے بلے باز ہیں۔ اس سے قبل ہاشم آملہ نے 311 رنز بنائے تھے۔
.
ذریعہ
ذریعہ: Express News
کلیدی لفظ: جنوبی افریقا زمبابوے کی
پڑھیں:
دوسرا ون ڈے: آسٹریلیا کا پاکستان کو جیت کیلئے 232 رنز کا ہدف
ایک روزہ سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔
لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ