غزہ میں فلسطینی مزاحمت کاروں کا کاری وار، اسرائیلی فوج کو بھاری نقصان، 5 فوجی ہلاک، 14 زخمی
اشاعت کی تاریخ: 8th, July 2025 GMT
غزہ میں فلسطینی مزاحمت کاروں کا کاری وار، اسرائیلی فوج کو بھاری نقصان، 5 فوجی ہلاک، 14 زخمی WhatsAppFacebookTwitter 0 8 July, 2025 سب نیوز
غزہ (آئی پی ایس) فلسطین کے علاقے شمالی غزہ میں بیت حانون کے مقام پر فلسطینی مجاہدین کی جانب سے اسرائیلی قابض فوج پر منظم حملے اور دھماکوں کے نتیجے میں کم از کم پانچ اسرائیلی فوجی ہلاک جبکہ 14 زخمی ہوگئے، جن میں دو کی حالت تشویشناک ہے۔ یہ حملہ پیر کی شب رات 10 بجے کے قریب اُس وقت کیا گیا جب اسرائیلی فوجی ایک زمینی کارروائی کے دوران پیدل پیش قدمی کر رہے تھے۔
اسرائیلی فوج کے ابتدائی اعترافی بیان کے مطابق، دھماکے اُس وقت ہوئے جب نیتسا یہودا بٹالین کے فوجی علاقے میں موجود ٹینکوں اور انجینئرنگ مشینری کے ساتھ پیش قدمی کر رہے تھے۔ پہلے دھماکے کے بعد جیسے ہی زخمیوں کو نکالنے کے لیے امدادی ٹیم پہنچی، فلسطینی مزاحمت کاروں نے ان پر گھات لگا کر فائرنگ کر دی۔
ہلاک ہونے والے فوجیوں میں سے چار کا تعلق نیتسا یہودا بٹالین (97ویں) سے تھا، جن کی شناخت درج ذیل ہے:
سارجنٹ فرسٹ کلاس (ریزرو) بنیامین اسولین، 28 سال، حیفہ
اسٹاف سارجنٹ نوام احرون موسگادیان، 20 سال، یروشلم
اسٹاف سارجنٹ میر شمعون عمار، 20 سال، یروشلم
اسٹاف سارجنٹ موشے شمعون نول، 21 سال، بیت شیمش
سارجنٹ موشے نسیم فریچ، 20 سال، یروشلم
قابض اسرائیلی فوج کا یہ یونٹ، جو ماضی میں ”حریدی نحال“ کے نام سے جانا جاتا تھا، اس جنگ میں اپنی بدترین ہلاکتوں کا سامنا کر رہا ہے۔ اسرائیلی فوج کے مطابق، اکتوبر 2023 سے شروع ہونے والی زمینی جارحیت کے بعد سے اب تک 446 فوجی مارے جا چکے ہیں، جبکہ مجموعی طور پر جنگ کے آغاز سے اسرائیلی فوجیوں کی ہلاکتوں کی تعداد 888 ہو چکی ہے۔
یہ دھماکہ غزہ میں جون کے بعد اسرائیلی فوج کے لیے سب سے ہلاکت خیز واقعہ قرار دیا جا رہا ہے۔ یاد رہے دو ہفتے قبل خان یونس میں ایک سڑک کنارے نصب بم نے سات اسرائیلی فوجیوں کی جان لی تھی۔
غزہ میں جاری اسرائیلی مظالم اور فوجی جارحیت کے باوجود فلسطینی مزاحمت کاروں کی جانب سے مسلسل مزاحمتی کارروائیاں اسرائیلی فوج کے لیے ایک کڑا چیلنج بنی ہوئی ہیں۔ قابض ریاست کی جدید ٹیکنالوجی، ڈرونز اور فضائی طاقت کے باوجود غزہ کی زمین ان کے لیے مسلسل خطرناک ثابت ہو رہی ہے۔
عالمی مبصرین کا کہنا ہے کہ یہ واقعہ اسرائیلی فوج کے مورال کے لیے ایک زبردست دھچکا ہے اور ثابت کرتا ہے کہ فلسطینی مزاحمت نہ صرف زندہ ہے بلکہ اب پہلے سے زیادہ منظم، پُرعزم اور موثر ہو چکی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرایلون مسک کو نئی امریکی سیاسی جماعت بنانے کا اعلان مہنگا پڑ گیا ایلون مسک کو نئی امریکی سیاسی جماعت بنانے کا اعلان مہنگا پڑ گیا برطانیہ نے ایران میں اپنا سفارتخانہ دوبارہ کھول دیا عمران خان اور بشریٰ بی بی کی سزا معطلی کی درخواستیں جلد سماعت کرنے کی استدعا مناسب وقت پر ایران پر سے پابندیاں اٹھالوں گا، امریکی صدر اسرائیل غزہ کے 75 فی صد زیر قبضہ علاقے کو خالی کرنے کے لیے آمادہ روسی وزیرِ ٹرانسپورٹ نے برطرفی کے چند گھنٹوں بعد خودکشی کرلیCopyright © 2025, All Rights Reserved
رابطہ کریں ہمارے بارے ہماری ٹیم.
ذریعہ
ذریعہ: Daily Sub News
کلیدی لفظ: فلسطینی مزاحمت کاروں اسرائیلی فوج
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ