کامران ٹیسوری کا سانحہ لیاری کے متاثرین کیلئے بڑا اعلان، 80 گز کے پلاٹ دینے کا وعدہ
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی کے علاقے لیاری میں عمارت گرنے کے دلخراش واقعے کے بعد گورنر سندھ کامران ٹیسوری نے متاثرہ خاندانوں کے لیے اہم اعلان کرتے ہوئے کہا ہے کہ سانحہ لیاری کے متاثرین کو 80، 80 گز کے پلاٹ فراہم کیے جائیں گے، ساتھ ہی سندھ حکومت سے مطالبہ کیا کہ وہ متاثرین کو چھ ماہ کے مساوی کرایہ بھی ادا کرے۔
نجی ٹی وی کی رپورٹ کے مطابق گورنر سندھ کامران ٹیسوری نے میڈیا سے گفتگو کرتے ہوئے کہا کہ متاثرہ خاندان گورنر ہاؤس آکر اپنی رجسٹریشن کرائیں تاکہ انہیں جلد از جلد پلاٹ الاٹ کیے جا سکیں، متاثرین کے لیے ہیلپ لائن قائم کی جا رہی ہے اور گورنر ہاؤس کے دروازے ان کے لیے 24 گھنٹے کھلے رہیں گے۔
کامران ٹیسوری کا کہنا تھا کہ سندھ حکومت کی جانب سے سانحے کی تحقیقات کیلئے قائم کی گئی کمیٹی کا خیر مقدم کرتے ہیں، لیکن صرف چہرے بدلنے سے کچھ نہیں ہوگا، نظام میں اصلاحات ضروری ہیں۔
گورنر سندھ نے مزید کہا کہ لیاری کا سانحہ انتہائی افسوسناک ہے، لوگ سو بھی نہ پائے تھے کہ عمارت ان پر آ گری۔ ڈی جی سندھ بلڈنگ کنٹرول اتھارٹی کی برطرفی خوش آئند ہے لیکن یہ کافی نہیں، پورا سسٹم درست کرنا ہوگا۔
ان کا کہنا تھا کہ متاثرین کی فوری بحالی کے لیے ہر ممکن اقدام کیا جائے گا، متاثرہ خاندانوں کو یقین دلاتا ہوں کہ انہیں تنہا نہیں چھوڑوں گا۔ سرکاری رہائشی منصوبوں میں تاخیر کی وجہ سے لوگ غیر معیاری عمارتوں میں رہنے پر مجبور ہیں، یہ رویہ بدلنا ہوگا۔
انہوں نے کہا کہ بے گھر ہونے والے خاندانوں کو راشن بھی فراہم کیا جائے گا اور نئے ڈی جی ایس بی سی اے کو ہدایت کی کہ وہ 24 گھنٹے کام کریں تاکہ شہر میں اس طرح کے واقعات دوبارہ نہ ہوں۔
.ذریعہ: Jasarat News
کلیدی لفظ: کامران ٹیسوری کے لیے
پڑھیں:
خیرپور:فنکشنل لیگ کے تحت سانحہ درزا شریف کی 10ویں برسی کا انعقاد
data-id="863a0a8" data-element_type="widget" data-widget_type="theme-post-content.default">
خیرپور (جسارت نیوز ) فنکشنل مسلم لیگ خیرپور کی جانب سے سانحہ درزا شریف کی 10 ویں برسی کا انعقاد فنکشنل مسلم لیگ ہاوس خیرپور میں کیا گیا جسمیں فنکشنل مسلم لیگ کے صوبائی رہنما سید غلام مرتضی شاہ راشدی ، ضلعی جنرل سیکرٹری شاہد رسول چیمہ ، لبیر ونگ کے صوبائی پیارو خان پھلپوٹو ، علی ڈنو منگی ، حاجی عبدالغنی پھلپوٹو ، صابر مہیسر، فرح ناز چانڈیو، عبیداللہ ابڑو ، صوفی باقر علی ستاری، عبدلغنی مری ، احسان شاہ، سمیت فنکشنل مسلم لیگ کے بڑی تعداد میں کارکنوں نے شرکت کی تقریب سے خطاب کرتے ہوئے فنکشنل مسلم لیگ کے ضلعی جنرل سیکرٹری شاہد رسول چیمہ نے کہا کہ 47 فارم پر حکمرانی کرنے والوں نے سندھ کا سودا کرکے سندھ کو فروخت کرنے کی کوشش کی پیپلزپارٹی اقتدار کی بھوکی ہے فنکشنل مسلم لیگ کو 30 سال اپوزیشن میں رہنا پڑا تو بسمہ اللہ مگر سندھ کی عوام سے بیوفائی کا سوچ بھی نہیں سکتے فنکشنل مسلم لیگ عوامی امنگوں کے مطابق عوام کی خدمت پر یقین رکھتی ہے اور آج ہم ان شہیدوں کی برسی منارہے ہیں جہنیوں نے جہیوریت کی بقاء وسلامتی کے لئے جام شہادت نوش فرمائی مگر سندھ میں پاکستان پیپلزپارٹی 17 سال اقتدار میں قابض ہونے کے باوجود قاتلوں کو گرفتار کرنے میں ناکام رہی ہے ہم نے ہمیشہ شرافت کی سیاست کی ہے نہ کہ تصادم کی سیاست کی ہے فنکشنل مسلم ایک پرامن جماعت ہے ہم نے صبر کا دامن تھما ہے ہوا کا رخ تبدیل ہوگا تو پھر حساب کا عمل شروع ہوگا گمبٹ میں اجن ، کلیری تنازعہ سمیت سندھ میں قبیلی جھگڑوں نے سندھ کا امن تباہ کردیا ہے امن وامان کی صورتحال خراب ہوچکی ہے تعلیم وصحت کا نظام ناکارہ ہوچکا ہے سندھ میں تنظیم سازی کا عمل شروع کیا ہے جو یوسی سطح اور وارڈز سطح تک تنظیم سازی کی جائیگی تقریب سے صوبائی رہنما سید غلام مرتضی شاہ راشدی ، پیارو خان پھلپوٹو ، بشار الدین فاروقی ، صابر مہیسر، کامریڈ نثار ابڑو ،صوفی باقر علی ستاری ودیگر نے خطاب کیا۔
صدر ٹرمپ کا دورہ جاپان، سرمایہ کاری کے بجائے صحت موضوعِ بحث بن گئی