تھائی لینڈ: ماں کی غفلت، آٹھ سالہ بچہ کتوں کے ساتھ بھونکتا ہوا بڑا ہوا
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
اپڈیٹ: تھائی لینڈ کی حکومت نے شدید نظر انداز کیے گئے ایک آٹھ سالہ بچے کو ایک خستہ حال گھر سے بازیاب کرلیا جو مبینہ طور پر صرف بھونکنے کے ذریعے بات چیت کرتا تھا۔
بین الاقوامی میڈیا رپورٹس کےمطابق تھائی لینڈ کے شمالی صوبے اُتراڈٹ (Uttaradit) کے ضلع لاپ لائے (Lap Lae) میں فلاحی اداروں اور پولیس نے ایک کارروائی کے دوران ایسے بچے کو بازیاب کرایا جو ایک منشیات کے اڈے نما مکان میں چھ کتوں کے ساتھ رہتا تھا اور انسانی زبان کی بجائے صرف بھونکنے جیسی آوازیں نکالتا تھا۔
بچے کے ساتھ اس کی 46 سالہ ماں اور 23 سالہ بھائی بھی موجود تھے، دونوں کا منشیات کا ٹیسٹ مثبت آیا، یہ مکان منشیات کی سرگرمیوں کے لیے بدنام تھا۔
پولیس اور فلاحی ادارے کے نمائندوں کے ساتھ کارروائی میں شریک مقامی فلاحی تنظیم کی صدر پاوینا ہونگسکل (Paveena Hongsakul) نے بتایا کہ “یہ انتہائی افسوسناک منظر تھا، بچہ بات نہیں کرتا، صرف بھونکتا ہے۔
انہوں نے مزید کہا کہ بچے کی ماں حکومت کی جانب سے ملنے والے پیسے سے منشیات لے کر نشہ کرتے تھے، بچے کو کتوں سمیت کھانا دے کر چھوڑ دیتے تھے، جس کی وجہ سے بچہ عام انسانوں کی طرح چل بھی نہیں سکتا اور بات بھی بھونک کرکرتا ہے، کتے ایک کمرے میں رہتے تھے، جہاں انکوں وقت پر کھانا دے دیا جاتا تھا۔
انہوں نے مزید انکشاف کیا کہ بچے کی ماں کو حکومت کی جانب سے بچے کی تعلیم کے لیے سبسڈی دی گئی تھی لیکن اس نے پیسے لینے کے بعد بچے کو اسکول بھیجنا بند کر دیا اور اسے گھر میں محصور کر دیا۔
مقامی میڈیا کے مطابق بچہ اسکول صرف ایک بار گیا جبکہ اس کی ماں کو ہر ماہ 400 بات (تقریباً 9 پاؤنڈ) تعلیم کے لیے دیے جاتے رہے، محلے داروں نے بھی اس خاندان سے دوری اختیار کی ہوئی تھی، جس کے باعث بچے کو نہ ہم عمر ساتھی ملے اور نہ ہی کوئی سماجی رابطہ، سوائے ان چھ کتوں کے جن کے ساتھ وہ رہتا تھا۔
ایک مقامی استاد کے مطابق یہ علاقہ منشیات کے حوالے سے ریڈ زون میں آتا ہے، بچے کے پاس نہ کوئی دوست تھا اور نہ ہی کوئی سرپرستی، بس کتے ہی اس کا سہارا تھے۔
بچے کی بازیابی میں اہم کردار مقامی اسکول کے ہیڈ ٹیچر، سوفون سِدا-امپائی (Sophon Sida-ampai) نے ادا کیا، جنہوں نے متعلقہ فلاحی اداروں اور پولیس کو اطلاع دی۔
واقعے کے بعد بچے کی ماں پر منشیات کے استعمال کا مقدمہ درج کر لیا گیا ہے جبکہ بچے کو ریاستی تحفظ میں لے لیا گیا ہے۔
.
ذریعہ
ذریعہ: Jasarat News
کلیدی لفظ: کے ساتھ بچے کو بچے کی کی ماں
پڑھیں:
لاہور میں گینگ ریپ کی شکار 18 سالہ گھریلو ملازمہ اسقاطِ حمل کے دوران جاں بحق
لاہور ( اُردو پوائنٹ اخبارتازہ ترین۔ 02 جون2026ء ) لاہور کے علاقے ماڈل ٹاؤن میں مبینہ زیادتی کا شکار ہونے والی 18 سالہ گھریلو ملازمہ اسقاطِ حمل کے دوران جان کی بازی ہار گئی۔ میڈیا رپورٹس کے مطابق لاہور کے علاقہ ماڈل ٹاؤن کے ایک گھر میں ملازمہ کے طور پر کام کرنے والی 18 سالہ لڑکی مبینہ طور پر گینگ ریپ اور بعد ازاں غیر قانونی طبی طریقہ کار کے باعث زندگی کی بازی ہار گئی ہے، متوفیہ نے ہسپتال میں دم توڑنے سے قبل اپنے بیانات ریکارڈ کرادیئے۔ پولیس حکام کا کہنا ہے کہ لڑکی کا حمل ضائع کرنے کے لیے اسے پہلے رائے ونڈ کے ایک نجی کلینک لے جایا گیا، جہاں حالت بگڑنے پر اسے سروسز ہسپتال منتقل کیا گیا، وہ دو روز تک سروسز ہسپتال میں زیرِ علاج رہنے کے بعد دم توڑ گئی، متاثرہ لڑکی نے اپنے تحریری اور ویڈیو بیانات میں مکان مالک کے بیٹے اور ڈرائیور پر اجتماعی زیادتی کا سنگین الزام عائد کیا تھا، بعد میں مبینہ دباؤ کے تحت لڑکی نے اپنے بیان میں تبدیلی کی اور اپنے آخری بیان میں صرف ڈرائیور کو ہی نامزد کیا۔(جاری ہے)
پولیس نے بتایا کہ لڑکی کے ابتدائی بیانات کی روشنی میں گینگ ریپ کا مقدمہ درج کیا گیا تھا، تاہم اس کی موت کے بعد مقدمے میں باقاعدہ طور پر قتل کی دفعات بھی شامل کر دی گئی ہیں، ایک نامزد ملزم ڈرائیور کو گرفتار کرکے جوڈیشل ریمانڈ پر جیل بھیج دیا گیا ہے، قتل کی دفعات شامل ہونے کے بعد کیس کی تفتیش جینڈر سیل سے تبدیل کرکے انویسٹی گیشن ونگ کے سپرد کر دی گئی ہے، پولیس نے گھر کے مالکان سمیت ان تمام افراد کو دوبارہ شاملِ تفتیش کرنے کے لیے نوٹسز جاری کر دیئے ہیں جنہیں پہلے کلیئر کر دیا گیا تھا۔ پولیس کا کہنا ہے کہ ضابطہ فوجداری کی دفعہ 164 کے تحت ریکارڈ کیے گئے بیانات کا دوبارہ باریک بینی سے جائزہ لیا جائے گا، متوفیہ کا پوسٹ مارٹم مکمل کر لیا گیا ہے اور موت کی اصل وجہ رپورٹ آنے کے بعد واضح ہوگی، اگر رائے ونڈ کے نجی کلینک کی جانب سے غفلت یا غیر قانونی طریقہ کار کے شواہد ملے تو اس کے خلاف بھی سخت قانونی کارروائی کی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ