برہان وانی کو خراج عقیدت پیش کرنے کیلئے آزاد کشمیر میں ریلیاں
اشاعت کی تاریخ: 9th, July 2025 GMT
سب ڈویژن سماہنی میں تحصیل انتظامیہ کے زیراہتمام ایک احتجاجی مظاہرہ کیا گیا جس میں سول سوسائٹی کے ارکان، میڈیا نمائندگان اور وکلاء سمیت زندگی کے مختلف شعبوں سے تعلق رکھنے والے لوگوں کی بڑی تعداد نے شرکت کی۔ اسلام ٹائمز۔ ممتاز کشمیری رہنما برہان مظفر وانی کو ان کے یوم شہادت پر خراج عقیدت پیش کرنے کے لئے میرپور آزاد کشمیر میں جموں و کشمیر لبریشن سیل، سول سوسائٹی اور ضلعی انتظامیہ کے اشتراک سے ڈپٹی کمشنر کے دفتر میں ایک دعائیہ تقریب کا انعقاد کیا گیا۔ ذرائع کے مطابق تقریب میں تمام شعبہ ہائے زندگی سے تعلق رکھنے والے افراد نے شرکت کی۔تقریب کے اختتام پر برہان مظفر وانی شہید اور شہدائے تحریک آزادی کشمیر کے لیے خصوصی دعا کی گئی۔ شہید رہنما کو خراج عقیدت پیش کرنے کے لئے راولاکوٹ میں بھی جموں و کشمیر لبریشن سیل اور ضلعی انتظامیہ کے زیراہتمام ایک ریلی نکالی گئی۔ شرکاء نے آزادی کشمیر کے حق میں اور مقبوضہ جموں و کشمیر میں جاری بھارتی مظالم کے خلاف شدید نعرہ بازی کی۔ انہوں نے عالمی برادری سے مطالبہ کیا کہ وہ اقوام متحدہ کی قراردادوں کے مطابق تنازعہ کشمیرکو حل کرانے میں اپنا کردار ادا کرے۔
دریں اثناء سب ڈویژن سماہنی میں تحصیل انتظامیہ کے زیراہتمام ایک احتجاجی مظاہرہ کیا گیا جس میں سول سوسائٹی کے ارکان، میڈیا نمائندگان اور وکلاء سمیت زندگی کے مختلف شعبوں سے تعلق رکھنے والے لوگوں کی بڑی تعداد نے شرکت کی۔ شرکاء نے برہان مظفر وانی شہید کو شاندار خراج عقیدت پیش کیا اور آزادی کے حق میں اور بھارت کے خلاف نعرے بلند کئے۔ احتجاجی مظاہرے سے دیگر لوگوں کے علاوہ اسسٹنٹ کمشنر حسام ساجد اور مقامی بار ایسوسی ایشن کے صدر چوہدری منیر اللہ ایڈووکیٹ نے بھی خطاب کیا۔ مقررین نے کہا کہ شہید برہان مظفر وانی کی قربانی تحریک آزادی کا تسلسل ہے جسے بھارت کبھی ختم نہیں کر سکتا۔ انہوں نے کہا کہ کشمیری عوام اقوام متحدہ کی قرارداد کے مطابق رائے شماری چاہتے ہیں۔ انہوں نے کہا کہ بھارت طاقت کے بل پر تحریک آزادی کشمیر کو دبا نہیں سکتا اور نہ پاکستان کے ساتھ کشمیریوں کا رشتہ کمزور کر سکتا ہے۔
ادھر گلپور کوٹلی میں جموں کشمیر پیر پنجال فریڈم موومنٹ کے زیراہتمام ایک عظیم الشان ریلی کا انعقاد کیا گیا جس میں شہید برہان وانی اور دیگر شہداء کو زبردست خراج عقیدت پیش کیا گیا۔ ریلی میں دیگر لوگوں کے علاوہ جموں کشمیر پیر پنجال فریڈم موومنٹ کے وائس چیئرمین قاضی عمران، سردار حاجی عارف، خواجہ ایاز، راجہ سرفراز، سردار آفتاب عارف، شبیر چیچی، چوہدری ریاض، سردار الیاس، سردار بشارت حسین، ظہیر جرال، سردار مبین، سردار فرید، سردار فیضان محمود، ملک محمد ریاست، چوہدری لیاقت، امتیاز علی آرزو، چوہدری عبد الرئوف، امتیاز بٹ، ماسٹر محمد ضمیر اور سردار منیر حسین نے بھی شرکت کی۔
ذریعہ: Islam Times
کلیدی لفظ: کے زیراہتمام ایک برہان مظفر وانی خراج عقیدت پیش انتظامیہ کے شرکت کی کیا گیا
پڑھیں:
مقبوضہ جموں و کشمیر بھارت کا حصہ نہیں ہے، کبھی تھا نہ کبھی ہوگا، پاکستانی مندوب
پاکستان نے اقوام متحدہ کی جنرل اسمبلی میں بھارتی سفارت کاروں کو لاجواب کر دیا، من گھڑت بھارتی دعوؤں کا جواب دیتے ہوئے پاکستان نے واضح کیا کہ مقبوضہ جموں و کشمیر بھارت کا حصہ نہیں ہے، نہ کبھی تھا اور نہ ہی کبھی ہوگا، یہ ایک متنازع علاقہ ہے، جس کا حتمی فیصلہ اقوامِ متحدہ کی نگرانی میں رائے شماری کے ذریعے وہاں کے عوام کو خود کرنا ہے۔
جنرل اسمبلی میں انسانی حقوق کی رپورٹ پیش کیے جانے پر بھارتی نمائندے کے ریمارکس کے جواب میں پاکستان کے فرسٹ سیکریٹری سرفراز احمد گوہر نےجواب دیتے ہوئے کہا کہ میں بھارت کے بلاجواز دعوؤں کا جواب دینے کے اپنے حقِ جواب (رائٹ آف رپلائی) کا استعمال کر رہا ہوں۔
Right of Reply by First Secretary Sarfaraz Ahmed Gohar
In Response to Remarks of the Indian Delegate
During the General Debate on Presentation of the Report of Human Rights Council
(31 October 2025)
*****
Mr. President,
I am using this right of reply to respond to the India’s… pic.twitter.com/XPO0ZJ6w6q
— Permanent Mission of Pakistan to the UN (@PakistanUN_NY) October 31, 2025
انہوں نے کہا کہ میں بھارتی نمائندے کی جانب سے ایک بار پھر دہرائے گئے بے بنیاد اور من گھڑت الزامات پر زیادہ بات نہیں کرنا چاہتا، بلکہ اس کونسل کے سامنے صرف چند حقائق پیش کرنا چاہوں گا۔
سرفراز احمد گوہر نے کہا کہ مقبوضہ جموں و کشمیر بھارت کا حصہ نہیں ہے، نہ کبھی تھا اور نہ ہی کبھی ہوگا، یہ ایک متنازع علاقہ ہے، جس کا حتمی فیصلہ اقوامِ متحدہ کی نگرانی میں رائے شماری کے ذریعے بھارت کے غیر قانونی طور پر مقبوضہ جموں و کشمیر کے عوام کو کرنا ہے، جیسا کہ سلامتی کونسل کی متعدد قراردادوں میں مطالبہ کیا گیا ہے۔
انہوں نے مزید کہا کہ کشمیر کی یہ متنازع حیثیت اقوامِ متحدہ اور بین الاقوامی برادری دونوں تسلیم کرتے ہیں، اقوامِ متحدہ کے تمام سرکاری نقشوں میں بھارت کے غیر قانونی طور پر مقبوضہ جموں و کشمیر کو متنازع علاقہ دکھایا گیا ہے۔
سرفراز گوہر نے کہا کہ بھارت پر اقوامِ متحدہ کے چارٹر کے آرٹیکل 25 کے تحت قانونی ذمہ داری عائد ہوتی ہے کہ وہ سلامتی کونسل کی قراردادوں پر عمل درآمد کرے اور کشمیری عوام کو ان کا حقِ خودارادیت استعمال کرنے کی اجازت دے۔
انہوں نے کہا کہ بارہا، اقوامِ متحدہ کے انسانی حقوق کے ہائی کمشنرز، خصوصی نمائندے، سول سوسائٹی تنظیمیں، اور آزاد میڈیا نے بھارت کے غیر قانونی طور پر مقبوضہ جموں و کشمیر میں انسانی حقوق کی سنگین خلاف ورزیوں پر گہری تشویش کا اظہار کیا ہے۔
پاکستان کے فرسٹ سیکریٹری نے کہا کہ آج کے انتہا پسند اور ناقابلِ برداشت بھارت میں، سیکولرازم کو ہندوتوا نظریے کے بت کے سامنے قربان کر دیا گیا ہے، وہ ہندو بنیاد پرست عناصر جو حکومت میں عہدوں، سرپرستی اور تحفظ سے لطف اندوز ہو رہے ہیں، اس کے مرکزی کردار ہیں، انتہا پسند ہندو تنظیموں نے کھلے عام مسلمانوں کی نسل کشی کے مطالبات کیے ہیں۔
ان کا کہنا تھا کہ جینو سائیڈ واچ نے خبردار کیا ہے کہ بھارت اور مقبوضہ جموں و کشمیر میں مسلمانوں کی نسل کشی کا حقیقی خطرہ موجود ہے۔
انہوں نے جنرل اسمبلی کے صدر کو مخاطب کرتےہوئے کہا کہ ہم ایک بار پھر زور دیتے ہیں کہ بھارتی حکومت کو چاہیے کہ وہ بھارت کے غیر قانونی طور پر مقبوضہ جموں و کشمیر کے عوام کے حوالے سے اپنی بین الاقوامی انسانی حقوق کی ذمہ داریاں پوری کرے، اور بھارتی نمائندے کو مشورہ دیں کہ وہ توجہ ہٹانے کے حربے ترک کرے۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں