صوبائی وزیر سردار کھیتران کا ترجمان شاہد رند کیخلاف کارروائی کا مطالبہ
اشاعت کی تاریخ: 8th, July 2025 GMT
کوئٹہ میں پریس کانفرنس کرتے ہوئے سردار عبدالرحمان کھیتران نے کہا کہ ترجمان شاہد رند نے بغیر تحقیق کے پریس ریلیز جاری کی اور ہمارے محکمے کو نشانہ بنایا۔ اسلام ٹائمز۔ بلوچستان کے صوبائی وزیر سردار عبدالرحمٰن کھیتران نے ترجمان بلوچستان حکومت شاہد رند کی پریس ریلیز پر سوالات اٹھاتے ہوئے شاہد رند کے خلاف کارروائی کا مطالبہ کر دیا۔ سردار کھیتران کا کہنا ہے کہ ترجمان نے بغیر تحقیقات کے ہمارے خلاف اسکینڈل کھڑا کیا۔ کوئٹہ میں پریس کانفرنس کرتے ہوئے صوبائی وزیر سردار عبدالرحمان کھیتران نے کہا کہ ترجمان نے پریس ریلیز جاری کرتے ہوئے مانگی ڈیم منصوبے میں استعمال ہونے والی گاڑی کو سرکاری گاڑی کہہ کر متعلقہ پروجیکٹ کے اہلکاروں کو برطرف کر دیا، جبکہ پروجیکٹ میں استعمال گاڑیوں کی خریداری 2017 میں کی گئی تھی۔ جی بی بی 938 گاڑی 2023 کی ہے، جس پر اسکینڈل بنایا گیا وہ گاڑی یہاں موجود ہے۔ گاڑی کا ٹریکر ریکارڈ موجود، مذکورہ گاڑی کوئٹہ میں ہی پائی گئی۔ سردار کھیتران نے کہا کہ معاملے کو اس حد تک اسکینڈلائز کیا گیا جیسے پاکستان اور بھارت میں جنگ ہو۔ پروجیکٹ سے جڑے اہلکاروں کو اسکینڈل کی بنیاد پر برطرف کر دیا گیا۔ سردار کھیتران نے سوال اٹھاتے ہوئے کہا کہ جو سیکرٹریز یہاں خدمات انجام دے کر گئے، کیا ان کے پاس بھی سرکاری گاڑیاں نہیں ہیں؟
انہوں نے کہا کہ بغیر تحقیق و تفتیش ہمارے محکمے کو نشانہ بنانا سمجھ سے بالاتر ہے۔ پریس کانفرنس کا مقصد حقائق پیش کرنا اور غلط بیانی کی تردید کرنا ہے۔ انہوں نے کہا کہ جعلی نمبر پلیٹس کی موجودگی ایک عام جرم ہے، ہمارے محکمے کو نشانہ نہ بنایا جائے۔ صوبائی وزیر نے ترجمان پر سوال اٹھاتے ہوئے کہا کہ کیا ترجمان نے وزیراعلیٰ کی اجازت سے پریس کانفرنس کی؟ اگر نہیں تو ترجمان کے خلاف کارروائی ہونی چاہئے۔ عجلت میں فیصلے نہیں، گراؤنڈ پر تحقیقات ہونی چاہئے۔ اگر میرے خلاف انکوائری نکلی تو سزا بھگتنے کو تیار ہوں۔ اگر ایسا ہے تو ایس ایس پی ٹریفک کو اصول طے کرنے کا کہا جائے کہ فیملی کا دوسرا فرد سرکاری گاڑی نہ چلائے۔ انہوں نے مطالبہ کیا کہ ترجمان اور ایکشن لینے والے اے سی ایس کے خلاف کارروائی کی جائے۔ حکومتیں اصولوں سے چلتی ہیں، یکطرفہ فیصلوں سے نہیں چلتیں۔
ذریعہ: Islam Times
کلیدی لفظ: خلاف کارروائی سردار کھیتران پریس کانفرنس کھیتران نے کہ ترجمان نے کہا کہ شاہد رند
پڑھیں:
قرآن حکیم سرچشمۂ ہدایت ہے، جس پر عمل سے کامیابی ممکن ہے، سردار محمد یوسف
وفاقی وزیر برائے مذہبی امور سردار محمد یوسف نے کہا ہے کہ قرآن حکیم وہ سرچشمۂ ہدایت ہے جو انسان کو کامیابی کی منزل تک پہنچا سکتا ہے۔ قرآن و سنت سے رہنمائی لے کر ہی ہم اپنے معاشرے کو حقیقی اسلامی اصولوں کے مطابق ڈھال سکتے ہیں۔
وہ جمعرات کے روز یہاں وزارتِ مذہبی امور کے زیر اہتمام چالیسویں سالانہ مقابلہ برائے حفظ و قرأتِ قرآن حکیم کی تقسیمِ اسناد کی تقریب سے خطاب کر رہے تھے۔
وزیر مذہبی امور کا کہنا تھا کہ وہ والدین خوش نصیب ہیں جن کے بچوں کو اللہ تعالیٰ نے قرآن حفظ کرنے اور اس کی تلاوت کی سعادت عطا کی، اور وہ اساتذہ بھی اللہ کے نزدیک بے حد مقبول ہیں جو قرآن کی تعلیم دیتے ہیں۔
یہ بھی پڑھیں: ’پاکستان فلسطین کی حمایت جاری رکھےگا‘، وفاقی وزیر سردار یوسف کی فلسطینی وفد سے گفتگو
سردار محمد یوسف نے کہا کہ قرآن حکیم وہ کتابِ ہدایت ہے جس پر عمل پیرا ہو کر ہم دنیا و آخرت کی کامیابی حاصل کر سکتے ہیں۔
انہوں نے مزید کہا کہ یہ بچے خوش نصیب ہیں جنہوں نے اپنے دلوں کو قرآن کی روشنی سے منور کیا۔ ان بچوں نے ضلعی، ڈویژنل اور صوبائی سطح پر کامیابی کے بعد قومی مقابلے میں شرکت کی۔
وزیر مذہبی امور نے کہا کہ قرآن کی تلاوت روح کی پاکیزگی اور دل کی حلاوت کا ذریعہ ہے اور قرآن کو ٹھہر ٹھہر کر پڑھنے کا حکم دیا گیا ہے۔
مزید پڑھیں: عمرہ ایکٹ پر سختی سے عملدرآمد یقینی بنایا جائے گا، سردار محمد یوسف
انہوں نے کہا کہ ایسے مقابلوں کا انعقاد وزارت کے لیے باعثِ فخر ہے کیونکہ ان سے نہ صرف اخلاقی تربیت بلکہ قومی وحدت بھی مضبوط ہوتی ہے۔
ان کا کہنا تھا کہ یہ بچے امتِ مسلمہ کا حقیقی سرمایہ ہیں اور امید ہے کہ وہ بین الاقوامی مقابلوں میں بھی پاکستان کا نام روشن کریں گے۔
انہوں نے زور دیتے ہوئے کہا کہ ہمیں اپنے معاشرے کو اسلامی اصولوں کے مطابق ڈھالنے کے لیے قرآن و سنت سے رہنمائی لینی ہوگی۔
مزید پڑھیں: پاکستان میں مذہبی اقلیتوں کو مکمل حقوق حاصل ہیں، وفاقی وزیر سردار یوسف
سردار محمد یوسف نے کہا کہ قرآن حکیم سے متعلق تقریبات کا انعقاد اسکولوں، کالجوں اور جامعات کی سطح پر ہونا چاہیے تاکہ نئی نسل کو اس سے زیادہ سے زیادہ جوڑا جا سکے۔
انہوں نے بتایا کہ وزارتِ مذہبی امور کے زیر اہتمام ہونے والے آئندہ بین الاقوامی مقابلے میں دنیا کے 57 ممالک کے بچے شرکت کریں گے۔
وزیر مذہبی امور نے کہا کہ اسلام نیکی کو پھیلانے اور برائی کو روکنے کا حکم دیتا ہے، اس لیے بغیر تحقیق کے کوئی بات آگے نہیں بڑھانی چاہیے۔
مزید پڑھیں:
انہوں نے علما سے اپیل کی کہ وہ محراب و منبر کے ذریعے معاشرتی اصلاح کے لیے اپنا مؤثر کردار ادا کریں۔
تقریب کے اختتام پر وزیر مذہبی امور نے مختلف کیٹیگریز میں نمایاں پوزیشن حاصل کرنے والے طلبہ و طالبات میں نقد انعامات اور اسناد تقسیم کیں۔
مزید پڑھیں:
حفظ کیٹیگری میں 10 سے 35 سال کی عمر کے بچوں اور نوجوانوں میں خیبر پختونخوا کے ضیاء الدین ولد محمد رحیم نے پہلی، بلوچستان کے محمد امین ولد عصمت اللہ نے دوسری اور آرمڈ فورسز کے حافظ محمد علی ولد خواجہ شیخ محمد نے تیسری پوزیشن حاصل کی۔
خواتین کیٹیگری میں اسلام آباد کی حسنہ دختر زاہد نے پہلی، سندھ کی صوبیہ دختر راشد نے دوسری جبکہ پنجاب کی جیشہ منصور دختر منصور میر نے تیسری پوزیشن حاصل کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حفظ سردار یوسف قرآن وزارت مذہبی امور وزیر مذہبی امور
پرامن لوگوں کو تنگ کرکے نفرت بڑھا رہے ہیں، لاپتا افراد کیس میں پشاور ہائیکورٹ کے ریمارکس