بھارتی سرپرستی میں دہشتگردی پاکستان کی سلامتی کیلیے خطرہ ہے، ڈی جی آئی ایس پی آر
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
ترجمان پاک فوج نے کہا ہے کہ بھارتی سرپرستی میں دہشت گردی پاکستان کی سلامتی کے لیے خطرہ ہے۔
ڈی جی آئی ایس پی آر لیفٹیننٹ جنرل احمد شریف چوہدری نے ایک اہم بین الاقوامی انٹرویو میں بھارت کی جانب سے پاکستان میں ریاستی سطح پر دہشتگردی کی سرپرستی پر شدید تشویش کا اظہار کرتے ہوئے اسے ایک واضح دشمنانہ پالیسی قرار دیا ہے۔
انہوں نے اس بات پر زور دیا کہ نئی دہلی کی یہ حکمت عملی محض وقتی کارروائیوں تک محدود نہیں بلکہ ایک منظم منصوبہ بندی کے تحت پاکستان کو عدم استحکام سے دوچار کرنے کی کوشش ہے، خاص طور پر بلوچستان جیسے حساس خطے میں۔
یہ بیان انہوں نے عالمی نشریاتی ادارے الجزیرہ کو دیے گئے انٹرویو میں دیا ۔ قبل ازیں گزشتہ ماہ وزیرستان میں ہونے والے خونریز حملے کے بعد پاکستان نے شدید ردِعمل ظاہر کیا تھا۔ اس حملے میں 16 فوجی جوان شہید جبکہ 20 سے زائد افراد زخمی ہوئے تھے۔ میڈیا رپورٹس کے بعد بعد فتنۃ الخوارج نے اس حملے کی ذمہ داری قبول کی تھی، جب کہ پاکستانی اداروں کے مطابق اس دہشتگرد گروہ کو براہ راست بھارتی حمایت حاصل ہے، جس میں مالی معاونت، تربیت اور منصوبہ بندی شامل ہے۔
لیفٹیننٹ جنرل احمد شریف چوہدری نے انٹرویو میں واضح کیا کہ خوارج کی اصطلاح ان عناصر کے لیے استعمال کی جا رہی ہے جو ریاستِ پاکستان کے آئینی ڈھانچے، افواج اور شہریوں پر حملہ آور ہوتے ہیں۔ انہوں نے کہا کہ اسلام میں جنگ یا جہاد کا اختیار صرف ریاست کو حاصل ہے، کسی انفرادی گروہ یا تنظیم کو یہ حق نہیں دیا جا سکتا۔
انہوں نے فتنۃ الخوارج کو اسلام، انسانیت اور پاکستانی معاشرتی اقدار کا کھلا دشمن قرار دیتے ہوئے کہا کہ یہ گمراہ نظریہ مسلمانوں کو ہی نشانہ بنا کر ایک مکروہ ایجنڈے کی تکمیل کر رہا ہے۔
انہوں نے مزید کہا کہ دہشتگردی کی ایک اور شکل فتنۃ الہندوستان بھی ہے، جو ایسے گروہ یا نیٹ ورک پر مشتمل ہے جنہیں بھارت کی پشت پناہی حاصل ہے۔ ان گروہوں کا ہدف خاص طور پر بلوچستان میں تخریبی کارروائیوں کے ذریعے پاکستان کو داخلی طور پر کمزور کرنا ہے۔
انہوں نے کہا کہ بھارت کی سیاسی اور خفیہ قیادت نے متعدد مواقع پر پاکستان میں عدم استحکام پھیلانے کی خواہش کا اظہار کیا ہے اور اس نیٹ ورک کے پیچھے ایک منظم دماغ یعنی اجیت دوول جیسا ماسٹر مائنڈ کارفرما ہے۔
ڈی جی آئی ایس پی آر نے اس بات پر بھی زور دیا کہ کئی مغربی ممالک بشمول امریکا اور کینیڈا، بھارت کے دہشتگرد گروہوں سے روابط اور ان کی سرپرستی کے شواہد تسلیم کر چکے ہیں۔ ان بیانات کو پاکستان کے عالمی سطح پر مؤثر سفارتی بیانیے کے طور پر دیکھا جا رہا ہے، جس میں بھارت کی منافقانہ دوغلی پالیسیوں کو بے نقاب کیا جا رہا ہے۔
عالمی اور علاقائی سلامتی سے متعلق گفتگو میں جنرل احمد شریف چوہدری نے ایران پر اسرائیلی حملوں کی بھی مذمت کی اور پاکستان کی جانب سے تہران کو مکمل سیاسی و سفارتی حمایت کی یقین دہانی کروائی۔
ان کا کہنا تھا کہ دنیا کو اس وقت انصاف اور عالمی قانون کی روشنی میں فیصلے کرنے کی ضرورت ہے، ورنہ ریاستی دہشتگردی کے بڑھتے رجحانات دنیا کو ایک خطرناک سمت میں لے جا سکتے ہیں۔
ایٹمی معاملات پر بات کرتے ہوئے ڈی جی آئی ایس پی آر نے کہا کہ پاکستان کا نیوکلیئر پروگرام مکمل محفوظ اور عالمی معیارات کے مطابق ہے۔ پاکستان ایک ذمہ دار ایٹمی قوت ہے اور اس کی دفاعی صلاحیت ناقابلِ تسخیر ہے۔ کسی ملک کی جرات نہیں کہ وہ پاکستان کے جوہری اثاثوں پر میلی نگاہ ڈال سکے۔
انہوں نے کہا کہ ہمارا ایٹمی پروگرام صرف دفاعی مقاصد کے لیے ہے، لیکن اس کی موجودگی پاکستان کے علاقائی تحفظ اور توازن کے لیے کلیدی حیثیت رکھتی ہے۔
.ذریعہ: Jasarat News
کلیدی لفظ: پاکستان کے نے کہا کہ بھارت کی انہوں نے کے لیے ایس پی
پڑھیں:
گریٹر اسرائیل عالمی امن کیلئے خطرہ ہے؛ تمام حدیں پار کردیں، امیر قطر
گریٹر اسرائیل عالمی امن کیلئے خطرہ ہے؛ تمام حدیں پار کردیں، امیر قطر WhatsAppFacebookTwitter 0 15 September, 2025 سب نیوز
دوحہ (سب نیوز)امیرِ قطر شیخ تمیم بن حمد الثانی نے دوحہ میں ہونے والے عرب اسلامی سربراہی کے ہنگامی اجلاس سے خطاب میں اسلامی ممالک کے رہنماوں کو خوش آمدید کہا اور شکریہ بھی ادا کیا۔
عرب میڈیا کے مطابق امیرِ قطر شیخ تمیم بن حمد الثانی نے افتتاحی خطاب میں دوحہ میں حماس کے مذاکرات کاروں پر اسرائیل کے حملے کی مذمت کرتے ہوئے کہا کہ اسرائیل نے انسانیت کے خلاف جرائم میں تمام حدیں پار کرلیں۔امیر قطر شیخ تمیم بن حمد الثانی نے اسرائیل کی عالمی قوانین کی سنگین پامالی لمحہ فکریہ قرار دیتے ہوئے متنبہ کیا کہ اسرائیل کے توسیع پسندانہ عزائم کو بند اور مشرق مسئلہ فلسطین کے فوری حل پر زور دیا۔انھوں نے اسرائیلی حملے کو خودمختاری اورعلاقائی سالمیت کی خلاف ورزی قرار دیتے ہوئے کہا کہ ہم نے ہمیشہ ثالث کے طور پر خطے میں امن کے لیے اپنا بے لوث کردار ادا کیا ہے۔
امیرِ قطر اسرائیلی حملے کو مذاکراتی عمل کو سبوتاژکرنے کی کوشش قرار دیتے ہوئے کہا کہ اس سے امن اور جنگ بندی کی کاوشوں کو شدید نقصان پہنچے گا۔انھوں نے گریٹر اسرائیل کے ایجنڈے کی بھی مذمت کرتے ہوئے اسے عالمی امن کے لیے خطرہ قرار دیا اور یرغمالیوں کی پرامن رہائی کے تمام اسرائیلی دعووں کو جھوٹا قرار دیا۔اسرائیل کی غزہ میں فلسطینیوں کی نسل کشی کی مذمت کرتے ہوئے امیرِ قطر نے کہا کہ اسرائیل نے انسانیت کے خلاف جرائم میں تمام حدیں پار کردی ہیں۔آخر میں امیر قطر نے عالمی برادری سے اپیل کی کہ غزہ میں سنگین جنگی جرائم پر اسرائیل سے بازپرس کی جانی چاہیے اور سخت ایکشن لیا جائے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعظم کی لینڈ مافیا کیخلاف فیصلہ کن کارروائی، اوورسیز کی شکایات کے ازالے کیلئے 7رکنی جوائنٹ ایکشن کمیٹی تشکیل ، نوٹیفکشن سب نیوز پر وزیراعظم کی لینڈ مافیا کیخلاف فیصلہ کن کارروائی، اوورسیز کی شکایات کے ازالے کیلئے 7رکنی جوائنٹ ایکشن کمیٹی تشکیل ، نوٹیفکشن سب نیوز پر نواز شریف کی بیٹی ہوں کسی کے آگے ہاتھ نہیں پھیلائوں گی، مریم نواز چیف جسٹس اسلام آباد ہائیکورٹ کی منظوری کے بعد ہراسمنٹ کمیٹی کا سربراہ تبدیل خیبرپختونخوا کی تاریخ میں پہلی بار خاتون ایس ایس پی تعینات خیبر پختونخوا، 1351انتہائی مطلوب دہشت گردوں کے سروں کی قیمت مقرر عرب اسلامی سربراہی اجلاس،قطر پر اسرائیلی حملے کا جواب واضح اور فیصلہ کن ہونا چاہیے، مسلم ممالک کی تجویزCopyright © 2025, All Rights Reserved
رابطہ کریں ہماری ٹیم
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار