پروڈکشن ہاؤسز سے ہربار پیسے مانگنے پڑتے ہیں جیسے ہم بھکاری ہوں، مہرین جبار کا کڑوا سچ
اشاعت کی تاریخ: 9th, July 2025 GMT
پاکستانی ڈرامہ انڈسٹری کی مایہ ناز ہدایتکارہ اور پروڈیوسر مہرین جبار نے پاکستانی ٹی وی انڈسٹری میں ادائیگیوں میں تاخیر، غیر پیشہ ورانہ رویوں اور عملے کے استحصال پر شدید تنقید کرتے ہوئے کہا ہے کہ اداکاروں سے لے کر اسپاٹ بوائے تک سب کو اپنی محنت کی کمائی کے لیے بھکاریوں کی طرح پیچھے بھاگنا پڑتا ہے۔
ویب چینل ڈرامہ پاکستانی کو دیے گئے انٹرویو میں مہرین جبار نے اعتراف کیا کہ پاکستان میں ڈرامہ انڈسٹری کو بڑی کامیابی اور وسیع ناظرین حاصل ہیں، لیکن پس پردہ حالات نہایت افسوسناک ہیں۔ یہاں سب کچھ سمجھوتے پر چلتا ہے اور پروفیشنلزم کا فقدان ہے۔
انہوں نے کہا کہ امریکا جیسے ممالک میں بھی مسائل ہوتے ہیں لیکن کم از کم وہاں ادائیگی کا نظام باقاعدہ ہوتا ہے۔ پاکستان میں ہر چینل اور پروڈکشن ہاؤس میں کچھ نہ کچھ بہتر ہو سکتا ہے، لیکن عمومی روایت یہی ہے کہ ہمیں ہر بار پیسے مانگنے پڑتے ہیں جیسے ہم بھکاری ہوں۔
مزید پڑھیں: ’اتنا غرور کس چیز کا ہے‘، کترینہ کی زرین خان کو نظر انداز کرنے کی ویڈیو وائرل
مہرین نے واضح کیا کہ یہ مسئلہ صرف اداکاروں تک محدود نہیں بلکہ پوری ٹیم متاثر ہوتی ہے، اسپٹ بوائے، لائٹ مین، ڈائریکٹر، سبھی ایک ہی کشتی میں ہیں۔ یہاں کوئی نظام نہیں، کوئی یونین نہیں جو حق کے لیے آواز بلند کرے۔ مہرین جبار نے افسوس کا اظہار کرتے ہوئے کہا کہ ان کے تجربے میں سب سے زیادہ نقصان لائٹ مین اور ٹیکنیکل عملے کو ہوتا ہے جنہیں کم اجرت میں زیادہ کام کرنا پڑتا ہے۔ یہی لوگ سب سے زیادہ محنت کرتے ہیں اور سب سے زیادہ نظرانداز ہوتے ہیں۔
مہرین جبار، جو متعدد پاکستانی اور بین الاقوامی منصوبوں پر کام کر چکی ہیں، کہتی ہیں کہ پاکستان میں کام کرنا اکثر مایوسی کا باعث بنتا ہے۔ اگر کوئی برانڈ شامل نہ ہو یا سیریز مختصر نہ ہو تو کام کا تجربہ پیچیدہ اور تکلیف دہ ہو جاتا ہے۔
مزید پڑھیں: عامر خان کی فلم ’تارے زمین پر‘ واہیات فلم تھی، والد یوراج سنگھ
انہوں نے افسوس سے کہا کہ میں 30 سال سے اس انڈسٹری میں کام کر رہی ہوں، اور آج بھی وہی مسائل موجود ہیں جو آغاز میں تھے بلکہ اب حالات اور بھی بدتر ہو چکے ہیں۔
مہرین جبار کا کہنا تھا کہ پاکستان کی ڈرامہ انڈسٹری چونکہ فلم اور موسیقی کے زوال کے بعد سب سے نمایاں شعبہ ہے، اس لیے اسے خود کو سنجیدگی سے لینا ہوگا اور پس پردہ کام کرنے والے محنت کشوں کو تحفظ دینا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی ڈرامہ انڈسٹری پروڈیوسر مہرین جبار ڈرامہ پاکستانی.
ذریعہ
ذریعہ: WE News
کلیدی لفظ: پاکستانی ڈرامہ انڈسٹری پروڈیوسر مہرین جبار ڈرامہ پاکستانی
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار