وزیراعظم کا گزشتہ مالی سال میں تاریخ کی بلند ترین ترسیلات زر ریکارڈ ہونے پر اظہار تشکر
اشاعت کی تاریخ: 9th, July 2025 GMT
اسلام آباد(ڈیلی پاکستان آن لائن)مالی سال 25-2024 میں ترسیلات زر کی مد میں 38.3 ارب ڈالر بھیجے گئے، وزیراعظم نے ترسیلات زر میں 26.6 فیصد کا اضافہ انتہائی خوش آئند قرار دیا ہے۔
ڈان نیوز کے مطابق وزیراعظم شہباز شریف نے گزشتہ مالی سال تاریخ کی بلند ترین ترسیلات زر پر اظہار تشکر کیا، شہباز شریف نے کہا ترسیلات زر میں چھبیس اعشاریہ چھ فیصد کا اضافہ انتہائی خوش آئند ہے۔
وزیراعظم نے کہاکہ ترسیلات زر میں ریکارڈ اضافہ بیرون ملک پاکستانیوں کی قابل قدر خدمات اور ان کے پاکستانی معیشت میں اعتماد کا مظہر ہے، حالیہ مثبت معاشی اعشاریے حکومتی پالیسیوں کی سمت درست ہونے کی عکاسی ہیں۔
وزیراعظم شہباز شریف نے واضح کیا کہ حکومت ملک میں معاشی استحکام کے بعد معاشی ترقی کے لیے پر عزم ہے۔
یمن کے حوثیوں نے بحیرہ احمر میں دوسرا بحری جہاز بھی ڈبو دیا، عملے کے 4 ارکان ہلاک
مزید :.ذریعہ: Daily Pakistan
کلیدی لفظ: ترسیلات زر
پڑھیں:
ریکارڈ ترسیلات زر، مالی سال 2025 میں 38.3 ارب ڈالر پاکستان منتقل
بیرون ملک مقیم پاکستانیوں نے ملکی معیشت پر اعتماد اور اپنوں سے جڑے رہنے کی مثال قائم کرتے ہوئے مالی سال 25-2024 کے دوران 38.3 ارب ڈالر کی ریکارڈ ترسیلات پاکستان بھجوائیں، جو ملکی تاریخ میں ایک سال کے دوران بھیجی جانے والی بلند ترین رقم ہے۔
اس سے گزشتہ مالی سال 24-2023 کے دوران ترسیلات زر کا حجم 30.3 ارب ڈالر رہا تھا، اس لحاظ سے سال بہ سال بنیاد پر ترسیلات میں 8 ارب ڈالر یعنی 26.6 فیصد کا نمایاں اضافہ ریکارڈ کیا گیا ہے۔
اس تاریخی کارکردگی میں سب سے زیادہ ترسیلات سعودی عرب سے بھجوائی گئیں جو کہ 9.3 ارب ڈالر رہیں۔
متحدہ عرب امارات سے 7.8 ارب ڈالر، برطانیہ سے 5.9 ارب ڈالر، یورپی ممالک سے 4.5 ارب ڈالر اور امریکا سے 3.7 ارب ڈالر کی ترسیلات موصول ہوئیں۔
قانونی ذرائع سے ترسیلات کا فروغ
رپورٹ کے مطابق اسٹیٹ بینک آف پاکستان کی جانب سے پاکستان ریمی ٹینس انیشیٹوو (PRI) جیسے اقدامات نے قانونی ذرائع سے ترسیلات بھجوانے کے عمل کو نہ صرف محفوظ بلکہ آسان اور تیز تر بنایا ہے۔
PRI کے تحت ترسیلات پر فیس کی چھوٹ، بینکنگ نظام کی ڈیجیٹل اپ گریڈیشن، اور بیرون ملک مقیم پاکستانیوں کے لیے آگاہی مہمات نے غیر رسمی ذرائع کو کم کیا اور ترسیلات کو بینکاری ذرائع سے بھیجنے میں سہولت دی۔
اعدادوشمار کے مطابق صرف جون 2025 کے مہینے میں پاکستانی کارکنوں نے 3.4 ارب ڈالر کی ترسیلات وطن بھجوائیں، جو گزشتہ سال کے جون کی نسبت 7.9 فیصد زائد ہیں۔
ماہِ جون کے دوران سب سے زیادہ ترسیلات سعودی عرب سے 823.2 ملین ڈالر،
متحدہ عرب امارات سے 717.2 ملین ڈالر، برطانیہ سے 537.6 ملین ڈالر اور امریکہ سے 281.2 ملین ڈالر موصول ہوئیں۔
معاشی ماہرین کا کہنا ہے کہ ترسیلات زر میں اس نمایاں اضافے کا سبب پاکستان ریمی ٹینس انیشیٹوو جیسے اصلاحاتی اقدامات، قانونی ذرائع کی سہولت، اور زرمبادلہ پالیسیوں میں بہتری ہے، جس نے ملک کو معاشی استحکام کی راہ پر گامزن کرنے میں کلیدی کردار ادا کیا ہے۔
غیر مساوی سلوک اور مسلسل نظر انداز کرنے پر آئل مارکیٹینگ ایسوسی ایشن کا وزیراعظم سے بڑا مطالبہ