بنگلہ دیش اور امریکا کے درمیان محصولات سے متعلق جامع مذاکرات کا دوبارہ آغاز
اشاعت کی تاریخ: 10th, July 2025 GMT
بنگلہ دیش اور امریکا کے درمیان ٹیرِف یعنی محصولات سے متعلق مذاکرات کے دوسرے دور کا آغاز واشنگٹن ڈی سی میں ہو گیا، یہ مذاکرات دونوں ممالک کے درمیان تجارت اور کاروبار سے متعلق مختلف امور کا احاطہ کر رہے ہیں۔
بنگلہ دیش کی عبوری حکومت کے چیف ایڈوائزر کے اعلامیے کے مطابق، یہ 3 روزہ مذاکرات دو طرفہ تجارتی تعلقات کو مضبوط بنانے اور اہم معاشی معاملات پر تبادلہ خیال کے لیے منعقد کیے جا رہے ہیں۔
بنگلہ دیشی وفد کی قیادت واشنگٹن میں موجود تجارت کے مشیر شیخ بشیرالدین نے کی، جبکہ قومی سلامتی کے مشیر ڈاکٹر خلیل الرحمن اور چیف ایڈوائزر کے خصوصی معاون برائے آئی سی ٹی و ٹیلی کمیونیکیشنز، فیض احمد طیب، نے ڈھاکہ سے آن لائن شرکت کی۔ وزارتِ تجارت کے سینئر حکام بھی وفد کا حصہ تھے۔
یہ بھی پڑھیں:
دنیا کے دوسرے سب سے بڑے ملبوسات تیار کرنے والے ملک، بنگلہ دیش، کو امید ہے کہ وہ 35 فیصد درآمدی ٹیرف میں کمی حاصل کر سکے گا، یہ وہ شرح ہے جس کا اعلان امریکی صدر ڈونلڈ ٹرمپ نے کیا تھا۔
بنگلہ دیش کی برآمدات میں ٹیکسٹائل اور ملبوسات کی صنعت کا حصہ تقریباً 80 فیصد ہے، یہ صنعت گزشتہ سال طلبا کی قیادت میں عوامی لیگ کی حکومت گرانے والی تحریک کے بعد بحالی کے عمل سے گزر رہی ہے۔
سیکریٹری تجارت محبوب الرحمٰن کے مطابق یو ایس ٹی آر کی جانب سے ایک نیا مسودہ نظرِثانی کے لیے بھیجا گیا ہے، جس کی بنیاد پر محصولات کی شرح میں کمی کی امید پیدا ہوئی ہے۔
مزید پڑھیں:
محبوب الرحمٰن نے مزید بتایا کہ جنوبی ایشیائی ملک کے قومی سلامتی کے مشیر اور تجارتی مشیر امریکا میں اس معاملے پر کام کر رہے ہیں۔
بنگلہ دیش نے 2024 میں امریکا کو 8.
امریکی وفد میں زراعت، توانائی، تجارت اور کاپی رائٹ کے شعبوں سے تعلق رکھنے والے نمائندگان شامل تھے، جو دونوں ممالک کے درمیان تعاون کی وسعت کو ظاہر کرتا ہے۔
یہ مذاکرات جمعرات کی شب بنگلہ دیشی وقت کے مطابق 9 بجے دوبارہ شروع ہوں گے اور جمعے تک جاری رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بنگلہ دیش تجارت ٹیرف ڈاکٹر خلیل الرحمٰن ڈھاکہ قومی سلامتی کاپی رائٹ واشنگٹن
ذریعہ
ذریعہ: WE News
کلیدی لفظ: امریکا بنگلہ دیش ٹیرف ڈاکٹر خلیل الرحم ن ڈھاکہ قومی سلامتی کاپی رائٹ واشنگٹن بنگلہ دیش کے درمیان
پڑھیں:
یکم جون سے فیس لیس چالان سسٹم کا آغاز،پہلے دن کتنے چالان جاری ہوئے؟ تفصیلات سامنے آگئی
اسامہ ملک : یکم جون سے لین کی خلاف ورزی پر فیس لیس چالان کے آغاز کا معاملہ،پہلے دن کتنے شہری کیمرے کی نظر میں آئے؟ کتنے چالان ہوئے؟ تفصیلات سامنے آگئی۔
کراچی شہر میں لین ڈسپلن کی خلاف ورزی پر فیس لیس چالان سسٹم کے آغاز کے پہلے ہی دن مجموعی طور پر 96 چالان جاری کیے گئے ہیں۔
رپورٹس کے مطابق تمام چالان میٹروپول سے ایئرپورٹ جانے اور آنے والی مرکزی سڑک پر کیمروں کی مدد سے کیے گئے، پہلے دن مجموعی طور پر 11 مختلف کیٹیگریز کی گاڑیوں کو خلاف ورزی پر جرمانہ کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اعداد و شمار کے مطابق بڑی بسوں کے 2، کوسٹر کے 2، ڈبل کیبن کا 1 اور عام گاڑیوں کے 9 چالان کیے گئے، اسی طرح منی بس کے 6، منی ٹرک کے 3 اور سوزوکی پک اپ کے 21 چالان بھی جاری ہوئے۔
رپورٹ میں بتایا گیا کہ موٹرسائیکل کی سب سے زیادہ خلاف ورزیاں سامنے آئیں جن کے 43 چالان کیے گئےجبکہ ٹرک کے 3، وین کے 4 اور واٹر ٹینکر کے 2 چالان بھی شامل ہیں۔
تمام چالان اس بنیاد پر کیے گئے کہ گاڑیاں اپنی مقررہ لین چھوڑ کر دوسری لین میں چل رہی تھیں، مزید یہ بھی سامنے آیا کہ فرسٹ لین میں کم رفتار سے چلنے والی گاڑیوں کو بھی لین ڈسپلن کی خلاف ورزی پر فیس لیس چالان کا سامنا کرنا پڑا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ