سوزوکی سوئفٹ خریدنے کے خواہشمند افراد کیلئے اہم خبر
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
سوزوکی سوئفٹ خریدنے کے خواہشمندوں کے لیے اہم خبر سامنے آئی ہے۔
وفاقی بجٹ 2025 کے بعد سوزوکی کمپنی نے اپنی تمام گاڑیوں کی قیمتوں میں اضافہ کر دیا ہے، جس سے گاڑی خریدنے کا خواب دیکھنے والے افراد پر مالی بوجھ مزید بڑھ گیا ہے۔ خاص طور پر سوزوکی سوئفٹ، جو کبھی ایک مناسب قیمت والی مقبول ہیچ بیک سمجھی جاتی تھی، اب بتدریج متوسط طبقے کی پہنچ سے باہر ہوتی جا رہی ہے۔
کمپنی نے سوئفٹ کے تین اہم ویریئنٹس — GL مینوئل، GL CVT (آٹومیٹک)، اور GLX CVT (ٹاپ ماڈل) — کی قیمتوں میں نمایاں اضافہ کیا ہے۔ ان نئی قیمتوں کے ساتھ، سوزوکی نے پانچ سال (60 ماہ) پر مشتمل ایک نیا قسطوں کا منصوبہ بھی متعارف کرایا ہے، جس میں ابتدائی ادائیگی اور ماہانہ اقساط کی رقم میں نمایاں اضافہ دیکھنے کو مل رہا ہے۔
سوئفٹ GL مینوئل کی نئی قیمت 44 لاکھ 60 ہزار 160 روپے ہے۔ 30 فیصد سیکیورٹی ڈپازٹ 13 لاکھ 38 ہزار 48 روپے بنتا ہے، ابتدائی ادائیگی 13 لاکھ 41 ہزار 148 روپے اور ماہانہ قسط 76 ہزار 537 روپے مقرر کی گئی ہے۔
سوئفٹ GL CVT کی نئی قیمت 46 لاکھ 5 ہزار 600 روپے ہے۔ اس پر 30 فیصد سیکیورٹی ڈپازٹ 13 لاکھ 81 ہزار 680 روپے، 35 فیصد ریزیڈیول ویلیو 16 لاکھ 11 ہزار 960 روپے، ابتدائی ادائیگی 13 لاکھ 84 ہزار 780 روپے، اور ماہانہ قسط 76 ہزار 351 روپے ہوگی۔
سوئفٹ GLX CVT (ٹاپ ویریئنٹ) کی قیمت اب 47 لاکھ 66 ہزار 190 روپے ہو گئی ہے۔ اس پر 14 لاکھ 29 ہزار 857 روپے کا سیکیورٹی ڈپازٹ، اتنی ہی ریزیڈیول ویلیو، ابتدائی ادائیگی 14 لاکھ 32 ہزار 957 روپے، اور ماہانہ قسط 81 ہزار 286 روپے ہوگی۔
یہ قیمتیں بجٹ 2025 میں حکومت کی جانب سے متعارف کردہ “نیو انہانسڈ ویلیو (NEV) لیوی” کے بعد بڑھائی گئی ہیں، جس سے مینوفیکچرنگ لاگت میں اضافہ ہوا۔ سوزوکی نے بھی دیگر آٹو کمپنیوں کی طرح یہ اضافی لاگت صارفین پر منتقل کر دی ہے۔
مزید برآں، سوئفٹ GL MT کی قیمت میں 44 ہزار 160 روپے، GL CVT میں 45 ہزار 600 روپے اور GLX CVT میں 47 ہزار 190 روپے کا اضافہ ہوا ہے۔
.ذریعہ: Jasarat News
کلیدی لفظ: ابتدائی ادائیگی اور ماہانہ سوئفٹ GL کی قیمت
پڑھیں:
راولپنڈی میں موسم کی تبدیلی کے باوجود ڈینگی کے کیسز میں اضافہ
راولپنڈی میں بدلتے موسم کے باوجود ڈینگی حملوں کا سلسلہ جاری ہے۔ تفصیلات کے مطابق گزشتہ 24 گھنٹوں میں ڈینگی کے 19 نئے مریض رپورٹ ہوئے ہیں۔ ڈسٹرکٹ ہیلتھ اتھارٹی راولپنڈی کے مطابق ابتک راولپنڈی کے مختلف ہسپتالوں میں ڈینگی کے 28 مریض زیرِ علاج ہیں۔ تاہم راولپنڈی میں ڈینگی مچھر کے کاٹنے سے کوئی ہلاکت رپورٹ نہیں ہوئی۔ سال 2025 میں اب تک 20 ہزار 798 افراد کا ڈینگی ٹیسٹ کیا گیا ہے جس میں مجموعی طور پر ڈینگی کے 1561 کیسز کی تصدیق ہوئی۔ جنوری سے اب تک 61 لاکھ 96 ہزار 497 گھروں کی چیکنگ کی گئی جس میں دو لاکھ 936 گھروں میں لاروا کی موجودگی پائی گئی۔ 17 لاکھ 81 ہزار 469 مقامات کو چیک جس میں 27 ہزار 858 مقامات پر لاروا برآمد ہوا۔ رواں سیزن 2 لاکھ 28 ہزار 794 لاروا تلف کیا گیا، ڈینگی ایس او پیز کی خلاف ورزی پر 4736 ایف آئی آرز درج، 1909 مقامات سیل اور 3664 چالان جاری کیے گئے۔ ڈینگی ایس او پیز کے خلاف ورزیوں پر 1 کروڑ 13 لاکھ 44 ہزار 7 روپے جرمانہ بھی کیا گیا۔
عالمی بینک نے پاکستان ڈیولپمنٹ اپ ڈیٹ رپورٹ 2025 جاری کردی