پاکستان کو فتنۃ الہندوستان اور اسکے سہولت کاروں سے ہرصورت پاک کریں گے، صدر مملکت
اشاعت کی تاریخ: 11th, July 2025 GMT
اسلام آباد:
صدر مملکت آصف علی زرداری نے کہا ہے کہ پاکستان کو فتنۃ الہندوستان اور اس کے سہولت کاروں سے ہر صورت پاک کرکے دم لیں گے۔
بلوچستان میں مسافروں کے سفاکانہ قتل کی شدید مذمت کرتے ہوئے اپنے بیان میں صدر مملکت آصف علی زرداری نے کہا کہ دہشتگردوں نے بس سے اتار کر معصوم شہریوں کو بے دردی سے قتل کیا ۔ یہ بربریت فتنۃ الہندوستان کی پاکستان میں خونریزی کی گھناؤنی سازش ہے۔
انہوں نے کہا کہ فتنۃ الہندوستان پاکستان میں انتشار اور بد امنی پھیلانا چاہتا ہے ۔ ہم اپنی سرزمین کو فتنۃ الہندوستان اور اس کے سہولت کاروں سے ہر صورت پاک کریں گے۔
آصف زرداری کا کہنا تھا کہ دہشتگردی کے مکمل خاتمے تک ہماری جدوجہد جاری رہے گی۔ بلوچستان واقعے میں قتل کیے گئے افراد کے لواحقین کے غم میں برابر کے شریک ہیں اوران سے دلی ہمدردی و تعزیت کا اظہار کرتے ہیں۔
.ذریعہ: Express News
کلیدی لفظ: فتنۃ الہندوستان
پڑھیں:
بلوچستان میں قتل عام پر وزیر اعظم اور صدر مملکت کی فتنۂ ہندوستان پر کڑی تنقید
بلوچستان کے علاقے سر ڈھاکہ میں معصوم مسافروں کے اغوا اور قتل کے دلخراش واقعے پر حکومتی سربراہان نے شدید ردِعمل دیا ہے، وزیر اعظم شہباز شریف اور صدر مملکت آصف علی زرداری نے دہشتگردی کے اس سفاکانہ واقعے کی بھرپور مذمت کرتے ہوئے اسے فتنۂ ہندوستان کی پاکستان میں عدم استحکام پھیلانے کی سازش قرار دیا ہے۔
وزیر اعظم شہباز شریف نے واقعے کو نہتے شہریوں کا بزدلانہ قتل قرار دیتے ہوئے کہا کہ ہم دہشتگردوں سے پوری قوت سے نمٹیں گے، بے گناہ افراد کے خون کا بدلہ ضرور لیا جائے گا، انہوں نے مزید کہا کہ یہ کھلی دہشتگردی ہے اور ہم عزم، اتحاد اور طاقت سے اس ناسور کو جڑ سے اکھاڑ کر دم لیں گے۔
یہ بھی پڑھیں: بلوچستان: شناخت کی بنیاد پر بسوں سے اتار کر پنجاب سے تعلق رکھنے والے 9 افراد قتل
دوسری جانب صدر مملکت آصف علی زرداری نے بھی سانحے پر سخت الفاظ میں مذمت کرتے ہوئے کہا ہے کہ دہشتگردوں نے بس سے اتار کر معصوم شہریوں کو بے دردی سے قتل کیا، یہ بربریت دراصل فتنۂ ہندوستان کی پاکستان میں خونریزی کی گھناؤنی سازش ہے۔
صدر زرداری نے اس بات کا اعادہ کیا کہ ہم اپنی سرزمین کو فتنۂ ہندوستان اور اس کے سہولت کاروں سے ہر صورت پاک کریں گے دہشتگردی کے مکمل خاتمے تک ہماری جدوجہد جاری رہے گی، انہوں نے متاثرہ خاندانوں سے دلی ہمدردی اور تعزیت کا اظہار کرتے ہوئے کہا کہ ہم لواحقین کے غم میں برابر کے شریک ہیں۔
مزید پڑھیں:
یہ واقعہ نہ صرف ملکی سلامتی کے خلاف سنگین چیلنج ہے بلکہ پوری قوم کے ضمیر کو جھنجھوڑ دینے والا لمحہ بھی ہے، ریاستی قیادت کے بیانات اس بات کی غمازی کرتے ہیں کہ اب پاکستان دہشتگردی اور اس کے بیرونی سرپرستوں کے خلاف کسی بھی حد تک جانے کو تیار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصف زرداری بلوچستان سرڈھاکہ شہباز شریف صدر مملکت ملکی سلامتی وزیر اعظم
سوشل میڈیا پر قابل اعتراض مواد کی تشہیر کرنے والوں کیخلاف کریک ڈاؤن