خیبرپختونخوا اسمبلی میں عدم اعتماد کی تیاری، 30 ایم پی ایز آزاد ہو چکے، فیصل کریم کنڈی کا دعویٰ
اشاعت کی تاریخ: 11th, July 2025 GMT
data-id="863a0a8" data-element_type="widget" data-widget_type="theme-post-content.default">
پشاور: گورنر خیبرپختونخوا فیصل کریم کنڈی نے انکشاف کیا ہے کہ صوبائی اسمبلی میں تحریک انصاف ( پی ٹی آئی ) کے 30 اراکین اسمبلی اب آزاد حیثیت اختیار کر چکے ہیں اور جب اپوزیشن کے پاس مطلوبہ نمبرز مکمل ہوں گے تو تحریک عدم اعتماد لائی جا سکتی ہے۔
میڈیا سے گفتگو کرتے ہوئے فیصل کریم کنڈی نے کہا ہے کہ سیاست میں ملاقاتیں معمول کا حصہ ہوتی ہیں اور سیاسی اتحاد بنتے بھی ہیں اور ٹوٹتے بھی ہیں، اگر اپوزیشن کے پاس اکثریت ہو تو آئینی و طور پر تحریک عدم اعتماد لانے کا حق حاصل ہے۔
گورنر کا کہنا تھا کہ جب نمبرز مکمل ہوں گے تو ہمیں کوئی نہیں روک سکتا، آئین میں یہی طریقہ کار ہے، سینیٹ انتخابات میں خیبرپختونخوا سے پیپلز پارٹی 5 نشستیں حاصل کرنے کی کوشش کرے گی۔
فیصل کریم کنڈی نے کہا کہ مولانا فضل الرحمن سے دیرینہ تعلقات ہیں، موجودہ سیاسی حالات میں بات چیت اور مفاہمت کی گنجائش ہمیشہ موجود رہتی ہے، خیبرپختونخوا میں “لوٹ مار جاری ہے اور تحریک انصاف اندرونی اختلافات کا شکار ہو چکی ہے۔
علاقائی سیکیورٹی صورتحال پر بات کرتے ہوئے گورنر نے دعویٰ کیا کہ صوبے میں ہونے والی دہشت گردی میں افغان سرزمین استعمال ہو رہی ہے، افغان حکومت اپنی سرزمین دہشت گردوں کے لیے استعمال نہ ہونے دے۔
فیصل کریم کنڈی نے کہا کہ دہشت گردی کے خلاف قومی سطح پر اتحاد وقت کی ضرورت ہے اور تمام سیاسی قوتوں کو اس چیلنج سے نمٹنے کے لیے یکجا ہونا ہوگا۔
.
ذریعہ
ذریعہ: Jasarat News
کلیدی لفظ: فیصل کریم کنڈی نے
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار