بھارت دہشت گردی کا عالمی اسپانسر، پاکستان ہر فورم پر معاملہ اٹھا رہا ہے، ترجمان دفتر خارجہ
اشاعت کی تاریخ: 11th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد : ترجمان دفتر خارجہ شفقت علی خان کاکہنا ہے کہ پاکستان میں ہونے والی دہشت گردی میں بھارت کا کردار نہایت واضح ہے، بھارت نے دنیا بھر میں دہشت گردی اور قتل عام کا نیٹ ورک قائم کر رکھا ہے،پاکستان بھارتی مداخلت اور دہشت گردی کا معاملہ ہر عالمی فورم پر بھرپور انداز میں اٹھا رہا ہے۔
ہفتہ وار پریس بریفنگ میں ترجمان نے کہا کہ بلوچستان میں بھارتی پراکسیز سرگرم ہیں اور براہ راست دہشت گردی میں ملوث پائی گئی ہیں، پاکستان دہشت گردی کے معاملے پر بالکل واضح مؤقف رکھتا ہے اور اپنے دفاع کے لیے تمام تر سفارتی ذرائع استعمال کر رہا ہے۔
انہوں نےمزید کہا کہ دہشت گردوں کی محفوظ پناہ گاہیں ایک بڑا چیلنج ہیں، پاکستان اس حوالے سے افغان حکومت سے مسلسل رابطے میں ہے اور امید ہے کہ دونوں ممالک مل کر اس خطرے پر قابو پانے میں کامیاب ہوں گے۔
شفقت علی خان نے کہا کہ ہمیں ماضی کی قید سے نکل کر مستقبل کی طرف دیکھنا ہو گا، 1980 کی دہائی میں کیے گئے فیصلوں پر اُس وقت کی قیادت ہی روشنی ڈال سکتی ہے، موجودہ وقت میں ہماری توجہ آگے بڑھنے اور دیرپا امن و استحکام پر مرکوز ہونی چاہیے۔
ترجمان نے مزید کہا کہ وہاں دہائیوں سے انسانی حقوق کی سنگین خلاف ورزیاں ہو رہی ہیں، بدقسمتی سے اب تک کشمیریوں کی مشکلات میں کوئی کمی نہیں آئی۔ حال ہی میں ایک کشمیری نوجوان کی توہین کے واقعے پر پاکستان کا مؤقف دوٹوک اور واضح ہے۔
ترجمان نے کہا کہ وزیر خزانہ اسحاق ڈار کا شنگھائی تعاون تنظیم (SCO) کے اجلاس کے موقع پر کسی بھارتی رہنما سے ملاقات کا کوئی ارادہ نہیں ہے، دیگر ممالک کے نمائندوں سے ان کی ملاقاتیں شیڈیول کی جا رہی ہیں۔
انہوں نے پاکستان کے چین سے تعلقات پر بات کرتے ہوئے کہا کہ چین پاکستان کا قریبی دوست ہے، اور تائیوان پر پاکستان کی پالیسی میں کوئی تبدیلی نہیں آئی، پاکستان برکس (BRICS) تنظیم میں شمولیت کا خواہاں ضرور ہے لیکن چونکہ ابھی رکن نہیں ہے، اس لیے برکس سے متعلق خبروں پر تبصرہ نہیں کیا جا سکتا۔
ترجمان نے کہا کہ پاکستان دنیا کے ان ممالک میں شامل ہے جو موسمیاتی تبدیلیوں سے شدید متاثر ہیں حالانکہ ہمارا ماحولیاتی آلودگی میں حصہ دیگر ممالک کے مقابلے میں انتہائی کم ہے۔
انہوں نے مزید کہا کہ پاکستان اسٹیل ملز سوویت یونین کا دیا ہوا قیمتی تحفہ تھی، حکومت اس کی بحالی کے لیے سنجیدہ کوششیں کر رہی ہے جبکہ امریکا سے تجارتی معاہدے کے لیے اعلیٰ سطحی رابطے جاری ہیں۔
.ذریعہ: Jasarat News
کلیدی لفظ: نے کہا کہ
پڑھیں:
نائب وزیر اعظم اسحاق ڈار کوالالمپور میں منعقدہ آسیان اجلاس میں پاکستان کی نمائندگی کریں گے، دفتر خارجہ
نائب وزیرِ اعظم اور وزیرِ خارجہ سینیٹر محمد اسحاق ڈار 11 جولائی 2025 کو کوالالمپور ملائیشیا میں ہونے والے آسیان ریجنل فورم (ARF) کے 32ویں وزارتی اجلاس میں پاکستان کے وفد کی قیادت کریں گے۔
اس اہم اجلاس میں آسیان کے سیکریٹری جنرل سمیت فورم کے 27 رکن ممالک کے وزرائے خارجہ اور نمائندگان شرکت کریں گے۔ اجلاس میں ایشیا پیسفک خطے کو درپیش سیاسی و سلامتی کے امور پر بات چیت ہوگی جس کا مقصد امن، استحکام اور باہمی تعاون کو فروغ دینا ہے۔
یہ بھی پڑھیے: پاکستان آسیان کے وژن کی حمایت میں ثابت قدم ہے، نائب وزیراعظم اسحاق ڈار
نائب وزیرِ اعظم اور وزیرِ خارجہ اپنے دورہ کوالالمپور کے دوران ملائیشیا کے وزیرِ خارجہ سمیت دیگر شریک ممالک کے وزرائے خارجہ اور نمائندوں سے بھی ملاقاتیں کریں گے۔ اس کے علاوہ وہ کوالالمپور میں پاکستانی کمیونٹی سے بھی خطاب کریں گے۔
واضح رہے کہ آسیان ریجنل فورم 1994 میں قائم کیا گیا تھا اور یہ خطے میں امن و سلامتی کے معاملات پر کثیرالملکی بات چیت کا ایک مؤثر پلیٹ فارم ہے۔ پاکستان 2004 میں اس فورم کا رکن بنا اور تب سے اب تک اس کے اقدامات میں تعمیری کردار ادا کرتا آ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Asean آسیان اجلاس اسحاق ڈار
کراچی: منہدم ہونے والی عمارت کے ملبے سے ایک اور لاش نکال لی گئی، جاں بحق افراد کی تعداد 27 ہوگئی