دورہ آئرلینڈ کیلئے پاکستان ویمن کرکٹ ٹیم کی بھرپور ٹریننگ جاری
اشاعت کی تاریخ: 11th, July 2025 GMT
کراچی:
دورہ آئرلینڈ کے لیے پاکستان ویمن کرکٹ ٹیم کی تیاریوں کے سلسلے میں اسکلز اینڈ فٹنس کیمپ جاری ہے۔
نیشنل اسٹیڈیم کے حنیف محمد ریجنل کرکٹ اکیڈمی گراؤنڈ پر کیمپ کے چوتھے دن جمعہ کو صبح کے سیشن میں ویمن کرکٹرز نے 5 گھنٹے تک بیٹنگ، بولنگ اور فیلڈنگ کی مشقیں کیں۔
کوچز نے مہارتوں میں بہتری لانے کے لیے کھلاڑیوں کو رموز سے آگاہی فراہم کی، کیمپ کمانڈنٹ کی ذمہ داری ادا کرنے والے پاکستان ویمن کرکٹ ٹیم کے ہیڈ کوچ محمد وسیم کی نگرانی میں فٹنس بڑھانے پر بھی خصوصی توجہ دی گئی۔
ٹرینر محمد رمضان سلاچی نے فٹنس کے بارے میں تربیت دی، جنید خان نے فاسٹ بولرز اور طاہر خان نے اسپنرز کی رہنمائی کی۔
دریں اثنا بوجوہ شام کا پریکٹس سیشن ملتوی کردیا گیا، کیمپ کے دوران 15 رکنی قومی اسکواڈ کا انتخاب عمل میں لایا جائے گا، بعدازاں 28 جولائی سے شروع ہوکر 2 اگست تک جاری رہنے والے حتمی تربیتی کیمپ میں ویمن کرکٹرزکو جدید تقاضوں سے ہم اہنگ ٹریننگ دی جائے گی۔
شیڈول کے تحت پاکستان ویمن کرکٹ ٹیم 3 اگست کو آئرلینڈ کے دورے پرروانہ ہو گی، پاکستان اور آئرلینڈ کے درمیان 3 ٹی ٹوئنٹی میچز کی سیریز کے میچز کلون ٹرف میں کھیلے جائیں گے۔
کیمپ میں طلب کی جانے والی 24 ویمن کرکٹرز میں مبینہ علی، سدرا امین، صدف شمس، عالیہ ریاض، ایمان فاطمہ، گل فیروزہ، شوال ذوالفقار، نتالیہ پرویز، سدرہ نواز، عمیمہ سہیل، رامین شمیم، فاطمہ ثنا خان، سیدہ عروب شاہ، طوبیٰ حسن، سدرہ اقبال، نشرح سندھو، ڈائنا بیگ، وحیدہ اختر، نہیا شرمین، سائرہ جبیں، ام ہانی، ہما بلال اور زیب النساء شامل ہیں۔
.ذریعہ: Express News
کلیدی لفظ: پاکستان ویمن کرکٹ ٹیم
پڑھیں:
نیوکراچی ٹاؤن میں برساتی نالوں کی صفائی، محمد یوسف ہنگامی دورہ
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)نیو کراچی ٹاؤن کے گنجان آباد علاقے سیکٹر 5-B/3 میں سیوریج مسائل نے سنگین صورتحال اختیار کرلی، علاقے کی گلیاں اور سڑکیں بدبو دار پانی سے بھر گئیں، جس کے باعث مکین شدید اذیت اور پریشانی کا شکار ہیں۔ اہل علاقہ کی جانب سے شکایات موضول ہونے کے بعد چیئرمین نیو کراچی ٹاؤن محمد یوسف کا وائس چیئرمین شعیب بن ظہیر کے ہمراہ متاثرہ علاقے کے ہنگامی دورے کے دوران برساتی نالے اور مین ہولز کی ابتر حالت کا جائزہ لیا اور فوری صفائی اور نکاسی آب کے احکامات جاری کیے۔ اس موقع پر چیئرمین محمد یوسف نے کہا کہ درحقیقت یہ ذمہ داری کراچی واٹر اینڈ سیوریج بورڈ کی ہے، مگر اس محکمہ کی مجرمانہ غفلت، نااہلی اور کرپشن کے باعث شہری اذیت میں مبتلا ہیں۔ انہوں نے کہا کہ عوامی مسائل کے پیشِ نظر اور شہریوں کو ریلیف فراہم کرنے کے لیے ٹاؤن انتظامیہ نے اپنے محدود وسائل اور فنڈز سے صفائی مہم اور خستہ حال سیوریج لائنوں کی تبدیلی کا عمل شروع کیا ہے تاکہ نیو کراچی ٹاؤن کے مکین سکھ کا سانس لے سکیں۔چیئرمین کا کہنا تھا کہ واٹر اینڈ سیوریج بورڈ کی نااہلی کے باعث کراچی کے بیشتر علاقوں میں سیوریج مسائل سنگین ہوچکے ہیں، مگر جماعت اسلامی کے منتخب نمائندے اور ٹاؤن انتظامیہ عوام کواس نا اہل ادارے اور مسائل کے رحم و کرم پر نہیں چھوڑ سکتی، اس لیے جہاں جہاں ضرورت پیش آتی ہے منتخب نمائندے ٹاؤن کے فنڈز سے فوری ان مسائل کو حل کررہے ہیں تاکہ عوام کو جلد از جلد مسائل سے نجات مل سکے۔انہوں نے کہا کہ صفائی کا عمل شروع ہوتے ہی علاقے میں گندے پانی کی نکاسی کا کام تیزی سے جاری ہے اور نالوں کی صفائی کے بعد پانی کی روانی بحال کرنے کی کوششیں کی جا رہی ہیں۔ مکینوں نے چیئرمین محمد یوسف اور ان کی ٹیم کے فوری ردعمل اور عوامی خدمت کے جذبے کو سراہا۔اس موقع پرچیئرمین محمد یوسف نے تمام ٹاؤن افسران کو ہدایت دی گئی ہے کہ عوامی شکایات پر فوری ردعمل دیا جائے اور جہاں کہیں بھی سیوریج مسائل ہوں، ان کا فوری ازالہ کیا جائے، چاہے وہ متعلقہ ادارے کی ذمہ داری ہو یا نہیں کیونکہ عوام کو ریلیف دیناہماری اولین ترجیح ہے۔
بھارتی عدالت نے سیف علی خان کو 15 ہزار کروڑ کی وراثتی جائیداد سے کیوں محروم کیا؟ جانیے