سکھر:ٹریفک جام معمول بن گیا،غیر قانونی پارکنگ سے شہری پریشان
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">
سکھر(نمائندہ جسارت) ٹریفک جام معمول بن گیا، غیر قانونی پارکنگ اور انتظامی غفلت نے شہریوں کو اذیت میں مبتلا کر دیا، سکھر شہر میں ٹریفک جام کا مسئلہ بدستور برقرار، شہریوں کو روزانہ کی بنیاد پر شدید مشکلات کا سامنا، انتظامیہ کی بے حسی اور ناقص ٹریفک مینجمنٹ کے باعث شہر کا نظامِ زندگی مفلوج ہوتا جا رہا ہے۔تفصیلات کے مطابق شہر کے مرکزی علاقوں خصوصاً گھنٹہ گھر، مینارہ روڈ، ریس کورس روڈ، اسٹیشن روڈ اور شاہی بازار میں دن کے بیشتر اوقات میں بدترین ٹریفک جام معمول بن چکا ہے۔ پیدل چلنے والے افراد کے لیے فٹ پاتھ بھی غیرقانونی پارکنگ اور خوانچوں کی وجہ سے بند ہو چکے ہیں، جس کے باعث انہیں بھی سڑک پر چلنا پڑتا ہے، یوں وہ دہری اذیت کا شکار ہیں۔شہر کی اہم شاہراہوں اور تجارتی مراکز کے اطراف گاڑیوں اور رکشوں کی بے ہنگم پارکنگ کے باعث نہ صرف ٹریفک کی روانی شدید متاثر ہو رہی ہے بلکہ ایمبولینس اور ریسکیو گاڑیوں کو بھی آمد و رفت میں دشواری پیش آتی ہے۔ شہریوں کا کہنا ہے کہ متعلقہ ادارے محض زبانی اعلانات تک محدود ہیں، عملی اقدامات کا فقدان ہے۔مقامی دکانداروں اور ٹرانسپورٹرز کی ملی بھگت سے سڑکوں پر غیرقانونی پارکنگ مافیا سرگرم ہے، جو فٹ پاتھ، چوراہوں اور حتیٰ کہ اسپتالوں کے اطراف بھی جگہ گھیرے ہوئے ہیں۔ سادہ کپڑوں میں پارکنگ فیس وصول کرنے والے افراد سے متعلق بھی کئی بار شکایات سامنے آ چکی ہیں، لیکن تاحال ان کے خلاف کوئی مؤثر کارروائی عمل میں نہیں لائی گئی۔شہری حلقوں، سماجی تنظیموں اور تاجر برادری نے سکھر انتظامیہ، ٹریفک پولیس اور میونسپل کارپوریشن سے پرزور مطالبہ کیا ہے کہ شہر میں ٹریفک کا نظام بہتر بنانے کے لیے ہنگامی بنیادوں پر اقدامات کیے جائیں، غیرقانونی پارکنگ کے خلاف آپریشن شروع کیا جائے اور فٹ پاتھوں کو اصل حالت میں بحال کیا جائے تاکہ شہری سکھ کا سانس لے سکیں۔
.
ذریعہ
ذریعہ: Jasarat News
کلیدی لفظ: ٹریفک جام
پڑھیں:
گھوٹکی اور گردونواح میں بجلی کا بریک ڈاؤن، شہری مشکلات کا شکار
سٹی 42:سندھ کے ضلع گھوٹکی، تحصیل اوباڑو اور گردونواح میں تیز آندھی اور بارش کے باعث بجلی کا نظام شدید متاثر ہو گیا، جس کے نتیجے میں متعدد علاقوں میں گزشتہ روز سے بجلی کی فراہمی معطل ہے اور شہری شدید مشکلات کا سامنا کر رہے ہیں۔
حکام کے مطابق تیز آندھی کے باعث ہائی ٹرانسمیشن لائنوں کو نقصان پہنچا، جس سے 132 کے وی گڈو گرڈ بند ہو گیا اور گھوٹکی، ڈہرکی، میرپور ماتھیلو، اوباڑو سمیت کئی شہروں میں بجلی کا بریک ڈاؤن پیدا ہوگیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
بجلی کی طویل بندش کے باعث شہری اذیت میں مبتلا ہیں جبکہ کاروباری سرگرمیاں بھی متاثر ہوئی ہیں۔ گرمی اور حبس کے موسم میں بجلی کی عدم فراہمی نے عوام کی مشکلات میں مزید اضافہ کر دیا ہے۔
حکام کا کہنا ہے کہ سکھر الیکٹرک پاور کمپنی (سیپکو) کا عملہ متاثرہ ٹرانسمیشن لائنوں اور بجلی کے نظام کی بحالی کے لیے ہنگامی بنیادوں پر کام کر رہا ہے۔
متعلقہ حکام کے مطابق تمام متاثرہ علاقوں میں جلد از جلد بجلی بحال کرنے کی کوششیں جاری ہیں اور فنی خرابیوں کو دور کرنے کے لیے ٹیمیں فیلڈ میں موجود ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ