ارشد ندیم اور نیرج چوپڑا ایک سال بعد پھر آمنے سامنے، 2 بڑے مقابلے شیڈول
اشاعت کی تاریخ: 12th, July 2025 GMT
اولمپک گولڈ میڈلسٹ اور جیولن تھرو کے مایہ ناز پاکستانی ایتھلیٹ ارشد ندیم اور بھارتی اسٹار نیرج چوپڑا ایک سال بعد اگلے ماہ دوبارہ میدان میں ایک دوسرے کے مقابل ہوں گے۔
یہ بھی پڑھیں: ارشد ندیم نے ایشین چیمپیئن شپ میں گولڈ میڈل جیتنے کے بعد میاں چنوں پہنچ کر کیا پیغام دیا؟
دونوں کھلاڑی 16 اگست کو پولینڈ میں ہونے والی ڈائمنڈ لیگ میں شرکت کریں گے، جو پیرس اولمپکس کے بعد ان کے درمیان پہلا باقاعدہ مقابلہ ہوگا۔
پولینڈ کے ایونٹ کے بعد ارشد ندیم اسی ماہ کے اختتام پر سوئٹزرلینڈ کے شہر زیورخ میں ہونے والی ڈائمنڈ لیگ میں بھی ایکشن میں نظر آئیں گے، جہاں 27 اگست کو نیرج چوپڑا کے ساتھ ایک اور ممکنہ ٹکراؤ متوقع ہے۔
یاد رہے کہ گزشتہ برس منعقدہ پیرس اولمپکس میں ارشد ندیم نے شاندار کارکردگی دکھاتے ہوئے نیرج چوپڑا کو پیچھے چھوڑ کر گولڈ میڈل اپنے نام کیا تھا۔
یہ بھی پڑھیں: ارشد ندیم نے ایک اور گولڈ میڈل اپنے نام کرلیا، پرانے اعلان کردہ انعامات سے تاحال محروم
پاک بھارت حالیہ کشیدگی کے بعد ارشد ندیم نے نیرج چوپڑا سے متعلق سوال پر بات کرنے سے گریز کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ارشد ندیم بھارتی اسٹار پاکستانی ایتھلیٹ پھر آمنے سامنے پیرس اولمپکس جیولن تھرو نیرج چوپڑا وی نیوز.
ذریعہ
ذریعہ: WE News
کلیدی لفظ: بھارتی اسٹار پاکستانی ایتھلیٹ پھر ا منے سامنے پیرس اولمپکس جیولن تھرو نیرج چوپڑا وی نیوز نیرج چوپڑا کے بعد
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم