قاسم اور سلیمان کو خوش آمدید، قانون ہاتھ میں لیا تو گرفتاری ہوگی،گورنر کے پی کے
اشاعت کی تاریخ: 12th, July 2025 GMT
پشاور:گورنر خیبرپختونخوا فیصل کریم کنڈی نے کہا ہے کہ احتجاج آئین و قانون کے دائرے میں ہونا چاہیے، پُرامن احتجاج اور تحریک سب کا جمہوری حق ہے، مگر کسی کو قانون ہاتھ میں لینے کی اجازت نہیں دی جاسکتی، قاسم اور سلیمان کو خوش آمدید کہتے ہیں مگر قانون شکنی کی تو گرفتاری ہوگی۔
پشاور میں صحافیوں سے گفتگو کرتے ہوئے گورنر خیبرپختونخوا فیصل کریم کنڈی نے کہا ہے کہ پُرامن احتجاج ہر شہری کا آئینی و جمہوری حق ہے، مگر کسی کو بھی قانون ہاتھ میں لینے کی اجازت نہیں دی جا سکتی۔
گورنر نے کہا کہ ہم قاسم اور سلیمان کو خوش آمدید کہتے ہیں، مگر اگر آئین و قانون کو پامال کیا گیا تو گرفتاریاں بھی ہوں گی۔
انہوں نے واضح کیا کہ جو بھی آئینی دائرے میں رہتے ہوئے تحریک چلائے، وہ قابلِ قبول ہے، لیکن قانون شکنی کی اجازت نہیں دی جا سکتی۔
فیصل کریم کنڈی کا کہنا تھا کہ سینیٹ الیکشن ہمارے لیے ایک امتحان ہے، اور اپوزیشن کی کوشش ہو گی کہ وہ پانچ نشستیں حاصل کرے۔
انہوں نے عندیہ دیا کہ سینیٹ الیکشن کے بعد سیاسی صورتحال میں ممکنہ طور پر عدم اعتماد کی تحریک پر غور کیا جا سکتا ہے۔
بات چیت کے دوران گورنر خیبرپختونخوا نے طنزیہ انداز میں کہا، ”ایسا نہ ہو کہ وزیر اعلیٰ علی امین گنڈاپور تحریک چلائیں اور پیچھے سے سیلاب آ جائے۔“
انہوں نے مزید کہا کہ صرف وہی تحریک کامیاب ہو گی جو پاکستان کے آئین کو فالو کرے۔
فاٹا مرجر کے حوالے سے سوال پر فیصل کریم کنڈی نے کہا کہ ”مرجر ریورسل“ کی کوئی بات نہیں ہو رہی، البتہ اس سلسلے میں ایک جرگہ تشکیل دیا جا رہا ہے تاکہ تمام فریقین کو اعتماد میں لیا جا سکے۔
ذریعہ: Daily Mumtaz
کلیدی لفظ: فیصل کریم کنڈی نے کہا
پڑھیں:
بلوچستان: قلعہ عبداللہ میں 27 اقسام پر مشتمل انگور کا سب سے بڑا باغ
بلوچستان کے ضلع قلعہ عبداللہ کی تحصیل گلستان میں واقع صوبے کا سب سے بڑا باغ قاسم باغ 100 ایکڑ رقبے پر محیط ہے۔
اس باغ کی سالانہ پیداوار میں انگور کی 27 اقسام شامل ہیں جن میں امریکن ریڈ گلوف، لال، اسابی، سیمسن، سندرخانی، کلمکہ، ائتہ اور دیگر اقسام نمایاں ہیں۔
باغ سے ہر سال قریباً ایک لاکھ پیٹیاں انگور حاصل کی جاتی ہیں۔ سیزن کے دوران اس باغ میں قریباً 300 مزدور روزگار پاتے ہیں، جبکہ یہاں پیدا ہونے والے انگور بیرون ملک بھی برآمد کیے جاتے ہیں۔ مزید جانیے حضرت علی کی اس رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انگور بلوچستان قاسم باغ قلعہ عبداللہ گلستان وی نیوز
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام