قال اللہ تعالیٰ و قال رسول اللہ ﷺ
اشاعت کی تاریخ: 13th, July 2025 GMT
data-id="863a0a8" data-element_type="widget" data-widget_type="theme-post-content.default">
وہی اللہ (جس نے تمہارے لیے یہ کچھ کیا ہے) تمہارا رب ہے ہر چیز کا خالق اس کے سوا کوئی معبود نہیں پھر تم کدھر سے بہکائے جا رہے ہو؟۔ اِسی طرح وہ سب لوگ بہکائے جاتے رہے ہیں جو اللہ کی آیات کا انکار کرتے تھے۔ وہ اللہ ہی تو ہے جس نے تمہارے لیے زمین کو جائے قرار بنایا اور اوپر آسمان کا گنبد بنا دیا جس نے تمہاری صورت بنائی اور بڑی ہی عمدہ بنائی جس نے تمہیں پاکیزہ چیزوں کا رزق دیا وہی اللہ (جس کے یہ کام ہیں) تمہارا رب ہے بے حساب برکتوں والا ہے وہ کائنات کا رب۔ (سورۃ غافر:62تا64)
سیدنا ابو سعید خدریؓ سے روایت ہے، رسول اللہ صلی اللہ علیہ وآلہ وسلم نے فرمایا: جب اہل ِ ایمان قیامت کے دن جہنم سے نجات پاکر آ جائیں گے تو ان کو جنت اور جہنم کے درمیان ایک پل پر روک لیا جائے گا، تاکہ دنیا میں ان کے آپس میں ہو جانے والے مظالم کا ایک دوسرے کو بدلہ دلوایا جا سکے، جب ان کو اچھی طرح سنوار دیا جائے گا اور وہ پاک صاف کر دیے جائیں گے، تو انہیں جنت میں جانے کی اجازت دے دی جائے گی، اس ذات کی قسم جس کے ہاتھ میں میری جان ہے! جس طرح دنیا میں ان کو اپنے گھروں کا راستہ معلوم تھا، وہ جنت میں اپنے مقام پر اس سے بھی زیادہ آسانی سے پہنچ جائیں گے۔ (مسند احمد)
.ذریعہ: Jasarat News
پڑھیں:
گلبرگ ٹاؤن میں ڈینگی سے بچاؤ کے لیے اسپرے مہم کا آغاز
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) سندھ حکومت کی ہدایت پر گلبرگ ٹاؤن میں ڈینگی سے بچاؤ کے لیے اسپرے مہم کا سلسلہ روزانہ کی بنیاد پر جاری ہے۔ آج گلبرگ ٹاؤن کی جانب سے یو سی 3 میں اسپرے کیا جائے گا۔ مہم کا افتتاح چیئرمین گلبرگ ٹاؤن نصرت اللہ کی سربراہی میں کیا گیا۔ اس موقع پر میونسپل کمشنر عبدالحمید سہاگ، ڈائریکٹر ایڈمن محمد علی اور ڈائریکٹر سینی ٹیشن وقار احمد بھی موجود تھے۔ چیئرمین گلبرگ ٹاؤن نصرت اللہ نے کہا کہ اسپرے مہم کا مقصد عوام کو ڈینگی اور ملیریا جیسے موذی امراض سے محفوظ رکھنا ہے۔ یہ کراچی کے عوام کا حق ہے کہ ان کو بنیادی سہولتیں ان کے گھر کی دہلیز تک میسر کی جائیں۔ انہوں نے محکمہ سینی ٹیشن کے عملے کو ہدایت کی کہ اسپرے کے عمل کو مکمل تسلسل اور ذمے داری کے ساتھ انجام دیا جائے تاکہ کسی علاقے کو نظرانداز نہ کیا جائے۔ میونسپل کمشنر عبدالحمید سہاگ نے کہا کہ گلبرگ ٹاؤن انتظامیہ عوام کی صحت کے تحفظ کے لیے تمام دستیاب وسائل بروئے کار لا رہی ہے۔ ہماری پوری کوشش ہے کہ ٹاؤن کے لوگوں کو بہتر سے بہتر سہولیات میسر کی جائیں۔ انہوں نے مزید کہا کہ صفائی ستھرائی اور اسپرے مہم کو مربوط انداز میں جاری رکھا جائے گا تاکہ بیماریوں کے پھیلاؤ کو مؤثر طور پر روکا جا سکے۔ بالخصوص چیئرمین گلبرگ ٹاؤن نصرت اللہ کی ہدایت پر روزانہ کی بنیاد پر ہر یو سی میں دو گاڑیاں روانہ کی جا رہی ہیں تاکہ عوام کو بہتر بلدیاتی سہولیات میسر کی جا سکیں اور عوام کے جان و مال محفوظ رہے آخر میں عوام سے اپیل کی گئی کہ وہ اپنے گھروں اور آس پاس کے علاقوں میں پانی جمع نہ ہونے دیں اور بلدیہ کے عملے کے ساتھ مکمل تعاون کریں۔
جنگ بندی معاہدے کی خلاف ورزی، اسرائیل کے غزہ پر حملے، 8 فلسطینی شہید