لاہور سے تحریک کا آغاز، علی امین گنڈاپور کا بڑا اعلان
اشاعت کی تاریخ: 13th, July 2025 GMT
لاہور(ویب ڈیسک) پاکستان تحریک انصاف (پی ٹی آئی) نے ایک بار پھر ملک گیر سیاسی سرگرمیوں کا آغاز کرنے کا اعلان کر دیا ہے۔
وزیراعلیٰ خیبرپختونخوا سردار علی امین گنڈاپور نے لاہور میں پارٹی اجلاس سے خطاب کرتے ہوئے کہا کہ آج سے پاکستان تحریک انصاف (پی ٹی آئی) اپنی نئی تحریک کا آغاز کر رہی ہے جو ورے ملک کو فتح کرے گی۔
رائیونڈ روڈ پر واقع ایک فارم ہاؤس میں منعقدہ اجلاس میں پاکستان تحریک انصاف (پی ٹی آئی) کی پارلیمانی قیادت، ٹکٹ ہولڈرز اور دیگر اہم رہنماؤں نے شرکت کی۔ اجلاس کی صدارت سردار علی امین گنڈاپور اور چئیرمین پاکستان تحریک انصاف بیرسٹر علی ظفر نے مشترکہ طور پر کی۔
علی امین گنڈاپور نے اپنے خطاب میں کہا کہ پاکستان پر کئی دہائیوں سے چند مخصوص جماعتیں مسلط ہیں جنہوں نے ملک کو ناقابل تلافی نقصان پہنچایا، ان کو اس پر شرمندگی بھی نہیں ہے بلکہ وہ اب بھی اقتدار کی خواہش رکھتی ہیں۔
وزیر اعلیٰ کے پی نے کہا کہ تحریک کیلئے لاہور کا انتخاب اس لیے کیا گیا ہے کیونکہ یہ پاکستان کا سیاسی کعبہ ہے اور یہاں سے اٹھنے والی ہر تحریک نے ملک بھر میں اثر دکھایا ہے۔
انہوں نے مزید کہا کہ بانی چئیرمین پاکستان تحریک انصاف (پی ٹی آئی) نے وزیر اعظم منتخب ہوکر کہا تھا میں سیاست کرنے نہیں آیا بلکہ اس ملک کو ٹھیک کرنے آیاہوں۔ مَیں سب کو بتا دینا چاہتا ہوں،بھارت کو جواب دینے اور اسرائیل کوتسلیم نہ کرنے کی سزا عمران خان کو دی جا رہی ہے۔
پارٹی ذرائع کے مطابق اجلاس کا بنیادی ایجنڈا بانی پی ٹی آئی عمران خان اور دیگر قائدین کی رہائی کیلئے سیاسی تحریک شروع کرنا ہے، پارٹی رہنماؤں کے درمیان اس بات پر مشاورت ہو ئی کہ عوام کو اس مقصد کیلئے کس طرح متحرک اور منظم کیا جائے۔
Post Views: 5.
ذریعہ
ذریعہ: Daily Mumtaz
کلیدی لفظ: پاکستان تحریک انصاف علی امین گنڈاپور پی ٹی آئی کہا کہ
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار