سڈنی سوینی جیمز بانڈ سیریز میں جلوہ گر ہونے کو تیار
اشاعت کی تاریخ: 13th, July 2025 GMT
ہولی ووڈ کی ابھرتی ہوئی اداکارہ سڈنی سوینی، جو سیریز ’یوفوریا‘ میں اپنے کردار کی وجہ سے شہرت حاصل کر چکی ہیں، ممکنہ طور پر دنیا کی سب سے مشہور فلم فرنچائزز میں سے ایک، ’جیمز بانڈ‘ میں جلوہ گر ہو سکتی ہیں۔
یہ بھی پڑھیں:وہ بالی ووڈ اداکار جو اربوں روپوں کے ذاتی جیٹ کے مالک ہیں
27 سالہ سوینی کو جیمز بانڈ سیریز کی اگلی فلم کے لیے کردار کے لیے زیر غور لایا جا رہا ہے۔
اطلاعات کے مطابق نئے ڈائریکٹر ڈینس ویلینیو انہیں فلم میں شامل کرنے کے خواہاں ہیں، اور اس حوالے سے پس پردہ بڑی شخصیات کی حمایت بھی حاصل ہے۔
انٹرنیشنل میڈیا کے مطابق ایمیزون، جس نے حال ہی میں بانڈ فلموں پر تخلیقی کنٹرول حاصل کیا ہے، سوینی کی شمولیت کو بھرپور انداز میں سپورٹ کر رہا ہے۔
ایمیزون نے یہ کنٹرول فلموں کے دیرینہ پروڈیوسرز باربرا بروکولی اور مائیکل جی ولسن سے حاصل کیا ہے، اور امکان ظاہر کیا جا رہا ہے کہ فرنچائز میں بڑی تبدیلیاں متوقع ہیں۔
یہ بھی پڑھیں:ہالی ووڈ فلمیں بھی امریکا چین ٹیرف جنگ کی زد میں آگئیں
برطانوی اخبار ’سن آن سنڈے‘ سے بات کرتے ہوئے ایک اندرونی ذریعے نے انکشاف کیا کہ سوینی اس وقت بانڈ فلم کے کاسٹنگ لسٹ میں سرفہرست ہیں۔ ڈائریکٹر ڈینس ان کی صلاحیتوں اور نوجوان نسل میں ان کی کشش کے معترف ہیں، جو کہ فرنچائز کو جدید بنانے کے لیے ضروری ہے۔ وہ دونوں کئی بار مل چکے ہیں اور ڈائریکٹر ان کے کیریئر میں تیزی سے ترقی سے متاثر ہیں۔
سڈنی نہ صرف جسمانی طور پر متحرک مناظر ادا کرنے کی صلاحیت رکھتی ہیں بلکہ نسوانی دلکشی کے ساتھ ساتھ روایتی بانڈ گرلز کے معیار پر بھی پورا اترتی ہیں۔
یاد رہے، ’ڈینس ویلینیو‘ کو گزشتہ ماہ نئی جیمز بانڈ فلم کے ڈائریکٹر کے طور پر منتخب کیا گیا تھا۔ وہ اس سیریز کی کلاسیکی روح کو برقرار رکھتے ہوئے اسے نئے انداز میں پیش کرنے کا ارادہ رکھتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جیمز بانڈ ڈینس ویلینیو سڈنی سوینی.
ذریعہ
ذریعہ: WE News
کلیدی لفظ: سڈنی سوینی کے لیے
پڑھیں:
بجلی صارفین کے لیے ایک اور جھٹکا، فی یونٹ نرخ بڑھنے کا امکان
اسلام آباد: بجلی کی قیمت میں اضافہ ایک بار پھر زیر غور آ گیا ہے، کیونکہ اپریل 2026 کی ماہانہ فیول ایڈجسٹمنٹ کی مد میں بجلی ایک روپے 73 پیسے فی یونٹ مہنگی کرنے کی درخواست نیپرا میں جمع کرا دی گئی ہے۔
نیشنل الیکٹرک پاور ریگولیٹری اتھارٹی (نیپرا) میں ہونے والی سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے دوران خطے میں جاری کشیدگی اور جنگی صورتحال کے باعث توانائی کے شعبے کو متعدد چیلنجز کا سامنا رہا، جس کے اثرات بجلی کی پیداوار پر بھی مرتب ہوئے۔
سی پی پی اے کے مطابق اپریل میں درآمدی ایل این جی کی دستیابی نہ ہونے کے برابر تھی، تاہم مئی کے آغاز میں ایل این جی کے معاہدہ شدہ اور اسپاٹ کارگوز موصول ہونے کے بعد ایل این جی سے چلنے والے بجلی گھروں کو دوبارہ فعال کیا گیا، جس سے نظام میں بہتری آئی۔
حکام نے نیپرا کو آگاہ کیا کہ صنعتی شعبے کے علاوہ تقریباً تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ آئندہ دو ماہ کے لیے ایل این جی کی یومیہ بنیادوں پر منصوبہ بندی مکمل کر لی گئی ہے تاکہ ایندھن کی فراہمی اور بجلی کی پیداوار میں کسی قسم کی رکاوٹ پیدا نہ ہو۔
سی پی پی اے حکام کا کہنا ہے کہ اگرچہ بجلی کی قیمت میں اضافہ تجویز کیا گیا ہے، تاہم مئی، جون اور جولائی کی فیول ایڈجسٹمنٹ میں صارفین کو بڑے اضافی بوجھ کا سامنا نہیں کرنا پڑے گا کیونکہ ضروری انتظامات اور ایندھن کی دستیابی کو یقینی بنایا جا چکا ہے۔
اب نیپرا درخواست پر تمام فریقین کا مؤقف سننے کے بعد حتمی فیصلہ جاری کرے گا، جس کے بعد یہ طے ہوگا کہ صارفین کو بجلی کے بلوں میں کتنا اضافی بوجھ برداشت کرنا پڑے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ