پیپلز پارٹی نے طلحہ محمود کو ٹکٹ دے کر لاوارث چھوڑ دیا؟
اشاعت کی تاریخ: 13th, July 2025 GMT
اسلام آباد(نیوز ڈیسک) معروف تجزیہ کار طارق عزیز نے سینیٹ انتخابات کے تناظر میں پیپلز پارٹی کی سیاسی حکمت عملی پر سوالات اٹھا دیے ہیں۔ اپنے ٹوئٹ میں انہوں نے دعویٰ کیا ہے کہ پیپلز پارٹی نے خیبرپختونخوا سے سابق وفاقی وزیر سینیٹر طلحہ محمود کو سینیٹ کا ٹکٹ تو دے دیا، لیکن انہیں بعد ازاں “لاوارث” چھوڑ دیا گیا۔
طارق عزیز نے کہا کہ یہ صورتحال کئی سوالات کو جنم دیتی ہے: کیا “ایک زرداری سب پہ بھاری” اس بار مولانا فضل الرحمان کے دباؤ میں آ گئے؟ یا اس فیصلے کے پیچھے کوئی اور سیاسی مصلحت کارفرما ہے؟
انہوں نے مزید کہا کہ دوست و تجزیہ کار اس معاملے میں رہنمائی فرمائیں کہ پیپلز پارٹی کی خاموشی اور طلحہ محمود کی مبینہ تنہائی کا پس منظر کیا ہو سکتا ہے۔
سیاسی حلقوں میں طارق عزیز کے اس تبصرے پر بحث چھڑ گئی ہے، اور سینیٹ انتخابات میں پیپلز پارٹی کی حکمت عملی پر کئی سوالات اٹھائے جا رہے ہیں۔ ابھی تک پیپلز پارٹی یا طلحہ محمود کی جانب سے اس معاملے پر کوئی باضابطہ بیان سامنے نہیں آیا۔
Ask ChatGPT
Post Views: 4.
ذریعہ
ذریعہ: Daily Mumtaz
کلیدی لفظ: پیپلز پارٹی
پڑھیں:
چیئرمین سینیٹ سے اٹالین سفیر کی غیر رسمی ملاقات ،دونوںملکوں کے تعلقات مضبوط بنانے کے عزم کا اعادہ
اسلام آباد (اُردو پوائنٹ اخبارتازہ ترین - اے پی پی۔ 03 جون2026ء) چیئرمین سینیٹ سید یوسف رضا گیلانی نے اٹلی کے ساتھ پاکستان کے دیرینہ اور دوستانہ تعلقات کو مزید مستحکم بنانے کے عزم کا اعادہ کرتے ہوئے کہا ہے کہ دونوں ممالک کے درمیان تعلقات باہمی احترام، مشترکہ مفادات اور علاقائی و عالمی امور میں تعاون پر استوار ہیں۔یہ بات انہوں نے اٹلی کے 80ویں یومِ جمہوریہ کے موقع پر منعقدہ استقبالیہ تقریب کے دوران پاکستان میں اٹلی کی سفیر مس ماریلینا آرمیلن سے غیر رسمی ملاقات کے دوران کہی۔ سید یوسف رضا گیلانی نے سینیٹ اور پاکستانی عوام کی جانب سے اٹلی کی حکومت اور عوام کو قومی دن کی مبارکباد پیش کرتے ہوئے اٹلی کو پاکستان کا قابلِ اعتماد دوست قرار دیا۔ انہوں نے کہا کہ پاکستان اور اٹلی کے درمیان دوطرفہ تعلقات وقت کے ساتھ مزید مضبوط ہوئے ہیں اور مختلف شعبوں میں تعاون کے نئے مواقع پیدا ہو رہے ہیں۔(جاری ہے)
سید یوسف رضا گیلانی نے پارلیمانی سفارتکاری، تجارت اور سرمایہ کاری کے فروغ کی اہمیت پر زور دیتے ہوئے پاکستان کے جی ایس پی پلس سٹیٹس کے حوالے سے اٹلی کی حمایت کو سراہا۔
انہوں نے صحت، تعلیم اور صفائی کے شعبوں میں اٹلی کے ترقیاتی تعاون کو بھی قابلِ قدر قرار دیا۔چیئرمین سینیٹ نے اٹلی کی سفیر ماریلینا آرمیلن کی پاکستان اور اٹلی کے درمیان تعلقات کے فروغ کے لیے خدمات کو سراہتے ہوئے اس امید کا اظہار کیا کہ دونوں ممالک کے درمیان دوستی اور تعاون آئندہ برسوں میں مزید وسعت اختیار کرے گا۔تقریب میں چیئرمین سینیٹ نے یادگاری کیک بھی کاٹا اور اٹلی کی حکومت اور عوام کے لیے نیک تمناؤں کا اظہار کیا۔\932
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ