والدین ہوشیار رہیں، سفر سے قبل 18 سال سے کم عمر بچوں کی ویزا شرائط ضرور جان لیں
اشاعت کی تاریخ: 23rd, July 2025 GMT
کیا آپ جانتے ہیں کہ ویزا کی درخواست دیتے وقت 18 سال سے کم عمر کے بچوں پر لاگو ہونے والی اضافی شرائط کیا ہیں؟ اس حوالے سے پاکستان شوبز انڈسٹری کی سینئر اداکارہ شگفتہ اعجاز کی ایک ویڈیو سوشل میڈیا پر وائرل ہو رہی ہے جس میں انہوں نے اپنے ساتھ پیش آنے والے واقعے کے بعد والدین کو خبردار کیا ہے۔
اداکارہ نے 18 سال سے کم عمر بچوں کے والدین کو مشورہ دیا ہے کہ وہ بیرونِ ملک سفر سے قبل ویزا کی شرائط اور قانونی تقاضوں کو مکمل طور پر سمجھ لیں، کیونکہ معمولی سی غفلت بھی سفر کے دوران سنگین مسائل اور غیر ضروری پریشانی کا سبب بن سکتی ہے۔
یہ بھی پڑھیں: کویت کا الیکٹرونک ویزا کیا ہے اور کون اپلائی کرسکتا ہے؟
اداکارہ نے بتایا کہ ان کی بیٹی 18 سال سے کم عمر ہونے کی وجہ سے والدین کے بغیر سفر نہیں کر سکتی کیونکہ اس کے ویزا پر لکھا ہوا تھا اور میرا اور یحییٰ کا پاسپورٹ نمبر اس پر درج تھا، جس کا ہمیں علم نہیں تھا۔ اداکارہ کے مطابق ٹریول ایجنٹ کے پاس دستاویزات کی کاپی موجود تھی لیکن اُس نے بھی یہ بات نوٹ نہیں کی، چیک اِن اور امیگریشن والوں نے بھی اس پر توجہ نہیں دی۔ جب یو کے پہنچے تو وہاں بتایا گیا کہ اب یہ ایک مسئلہ بن سکتا ہے۔
View this post on Instagram
A post shared by VeryFilmi (@veryfilmi)
صارفین شگفتہ اعجاز کی ویڈیو پر مختصر تبصرے کرتے نظر آئے۔ ایک صارف نے لکھا کہ اکثر اوقات لوگ دستاویزات میں موجود تفصیلات پر دھیان نہیں دیتے اس لیے یہ اچھی بات ہے کہ اداکارہ نے اس کی نشاندہی کی ہے۔
یہ بھی پڑھیں: ای ویزا: برطانیہ کا ویزا نظام ڈیجیٹل ہوگیا، پاکستانی طلبا اور ہنرمندوں کو کیا فائدہ ہوگا؟
کرن نامی صارف نے لکھا کہ بالکل ایسا ہی واقعہ ان کے بھانجے کے استھ بھی پیش آ چکا ہے۔ ایک صارف نے کہا کہ اٹھارہ سال سے کم عمر بچے اگر بیرون ملک سفر کریں تو انہیں اتھارٹی لیٹر چاہیے ہوتا ہے۔
کئی صارفین نے اداکارہ کو تنقید کا نشانہ بناتے ہوئے کہا کہ یہ تو ہر جگہ کا قانون ہے آپ نے کیسے ویزا ڈاکیومنٹس کو غور سے نہیں پڑھا جبکہ چند صارفین یہ کہتے نظر آئے کہ اتنی چھوٹی بچی کو اکیلے بھیجا ہی کیوں۔ ایک صارف کا کہنا تھا کہ آپ اتنا سفر کرتی ہیں اور اس بات سے لاعلم نکلیں یہ بہت حیران کن بات ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
18 سال سے کم عمر بچے برطانیہ شگفتہ اعجاز یو کے.ذریعہ: WE News
کلیدی لفظ: 18 سال سے کم عمر بچے برطانیہ شگفتہ اعجاز یو کے سال سے کم عمر
پڑھیں:
اداکارہ تارا محمود کا والد کے سیاسی پس منظر اور دھمکیاں ملنے کا انکشاف
معروف اداکارہ و گلوکارہ تارا محمود نے حال ہی میں ایک پوڈکاسٹ میں گفتگو کے دوران اپنے والد کے سیاسی پس منظر کے حوالے سے اہم انکشافات کیے ہیں۔
اداکارہ نے بتایا کہ جب انہوں نے ڈرامہ انڈسٹری میں قدم رکھا اور کراچی منتقل ہوئیں تو والد نے انہیں مشورہ دیا کہ بہتر ہوگا وہ کسی کو اپنی خاندانی حیثیت کے بارے میں نہ بتائیں، کیونکہ یہ سیکیورٹی کے لیے زیادہ محفوظ تھا۔
تارا محمود کا کہنا تھا کہ انہوں نے کبھی والد کے اثر و رسوخ یا طاقت کو استعمال کرنے کی کوشش نہیں کی۔ قریبی دوست ان کے خاندانی پس منظر سے واقف تھے، لیکن انڈسٹری کے لوگوں کو اس کا علم نہیں تھا۔ انہوں نے بتایا کہ جب والد کے ساتھ ان کی تصاویر انٹرنیٹ پر وائرل ہوئیں تو وہ خوفزدہ ہوگئیں کیونکہ وہ غیر ضروری توجہ نہیں چاہتیں اور ایک پرائیویٹ زندگی گزارنا پسند کرتی ہیں۔
اداکارہ نے اپنے والد کے وزیر تعلیم ہونے کے دور کا بھی ذکر کیا۔ ان کے مطابق کووڈ-19 کے دوران جب اسکولز، کالجز اور یونیورسٹیز بند کیے گئے تو والد شفقت محمود انٹرنیٹ پر وائرل ہوگئے اور لوگوں نے انہیں ہیرو قرار دیا۔ تاہم، جب اگلے سال تعلیمی ادارے کھولنے کا فیصلہ ہوا تو انہیں اور والد دونوں کو تنقید اور دھمکیوں کا سامنا بھی کرنا پڑا۔
تارا محمود نے مزید بتایا کہ طلبا اکثر انہیں امتحانات یا تعلیمی مسائل کے حوالے سے پیغامات بھیجتے تھے، لیکن وہ ان معاملات میں کچھ نہیں کرسکتی تھیں کیونکہ سرکاری فیصلوں کا اختیار ان کے پاس نہیں تھا بلکہ یہ ان کے والد کی ذمے داری تھی۔
یاد رہے کہ اداکارہ تارا محمود کے والد شفقت محمود پاکستان تحریک انصاف کے رہنما اور وفاقی وزیر تعلیم رہ چکے ہیں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام