کراچی کلفٹن سے نوجوان مرد اور خاتون کی لاشیں برآمد
اشاعت کی تاریخ: 28th, July 2025 GMT
کراچی کلفٹن میں چائنہ پورٹ کے قریب سنسان علاقے سے ایک نوجوان مرد اور خاتون کی لاشیں برآمد ہوئی ہیں، جنہیں فائرنگ کر کے قتل کیا گیا۔
ایس ایس پی ساؤتھ محظور علی نے کلفٹن میں چائنہ پورٹ سے ایک نوجوان لڑکی اور لڑکے کہ لاش ویرانے سے برآمد ہوئی ہے، جنہیں گولیاں مار کر قتل کیا گا، مقتولین کی شناخت ساجد مسیح اور ثنا آصف کے ناموں سے ہوئی ہے، دونوں کا تعلق پنجاب کے شہر گوجرانوالہ کے ایک ہی گاؤں سے تھا۔
یہ بھی پڑھیں: لوئر کرم، 4 افراد کی ہاتھ پاؤں بندھی لاشیں برآمد
پولیس کا کہنا ہے کہ لاشوں کے قریب سے 9 ایم ایم پستول کے 2 خول ملے ہیں، جس سے شبہ ہے کہ دونوں کو موقع پر ہی قتل کیا گیا۔ لاشوں کی حالت سے اندازہ لگایا جا رہا ہے کہ یہ واردات چھ سے سات گھنٹے قبل پیش آئی۔
پولیس کا کہنا ہے کہ قتل کا مقام سڑک سے تقریباً ایک کلومیٹر اندر واقع ہے جہاں کار کے ذریعے پہنچنا ممکن نہیں۔ ابتدائی تحقیقات میں یہ بھی امکان ظاہر کیا جارہا ہے کہ مقتولین کو موٹر سائیکل یا پیدل وہاں لایا گیا، یا ممکنہ طور پر تعاقب کر کے ان کو نشانہ بنایا گیا۔
یہ بھی پڑھیں: فلیٹ سے 4 خواتین کی تشدد زدہ اور گلا کٹی لاشیں برآمد
ایس ایس پی ساؤتھ کے مطابق واقعے کی تمام پہلوؤں سے تحقیقات کی جارہی ہیں، بشمول ذاتی دشمنی، رشتے اور دیگر محرکات، مقتولین کے اہلخانہ سے بھی رابطہ کیا جارہا ہے تاکہ واقعے کے محرکات کو واضح کیا جاسکے۔
پولیس نے جائے وقوعہ سے شواہد اکھٹے کر لیے ہیں جبکہ لاشوں کو پوسٹ مارٹم کے لیے اسپتال منتقل کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان سندھ کراچی کلفٹن لاش برآمد لڑکا لڑکی نوجوان.
ذریعہ
ذریعہ: WE News
کلیدی لفظ: پاکستان کراچی کلفٹن لاش برا مد لڑکا لڑکی نوجوان
پڑھیں:
تیزگام ایکسپریس کی پاور وین میں آگ لگ گئی
ویب ڈیسک:کراچی سے راولپنڈی جانے والی تیزگام ایکسپریس کی پاور وین میں آگ لگ گئی، ریسکیو نے موقع پر پہنچ کر آگ پر قابو پایا۔
چیئرمین ریلوے نے واقعے کی تحقیقات کے لیے کمیٹی تشکیل دے دی جو 7 روز میں رپورٹ پیش کرے گی۔
ترجمان ریلوے کے مطابق کراچی سے راولپنڈی جانے والی تیزگام ایکسپریس کی پاور وین میں خانیوال کے قریب اچانک آگ لگ گئی جس پر پاور وین کو ٹرین سے الگ کردیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آگ نے دیکھتے دیکھتے پوری پاور وین کو لپیٹ میں لے لیا، اطلاع ملنے پر ریسکیو اہلکاروں نے موقع پر پہنچ کر آگ پر قابو پایا جس کے بعد ٹرین کو راولپنڈی روانہ کردیا گیا۔
چیئرمین ریلویز نے پاور وین میں آگ لگنے کی تحقیقات کے لیے تین رکنی کمیٹی تشکیل دے دی ہے جو سات روز میں رپورٹ پیش کرے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ