بھارت میں الیکشن مہم کے دوران سیاسی رہنما کی صحافی کو رشوت، ویڈیو وائرل
اشاعت کی تاریخ: 28th, July 2025 GMT
سوشل میڈیا پر بھارت کی ایک ویڈیو وائرل ہو رہی ہے جس میں بہار الیکشن مہم کے دوران ایک سیاسی رہنما راجیش رنجن عرف پپو یادو نے دوران انٹرویو ہی صحافی کو پیسے پکڑائے جس پر صحافی نے کہا کہ یہ تو ان کا پیار ہے اور اس دوران کیمرہ بھی آن رہا۔
پیسے لینے کے بعد صحافی نے کہا کہ پپو یادو غریبوں کے مسیحا ہیں، ساتھ ہی انہوں نے کمیرہ مین پر غصہ کرتے ہوئے کہا کہ ان پر فوکس کرو۔
ویڈیو وائرل ہوئی تو صارفین اس پر مختلف تبصرے کرتے نظر آئے۔ خرم اقبال نے ویڈیو شیئر کرتے ہوئے کہا کہ بھارتی صحافی کا کانفیڈنس لیول چیک کریں، بہار الیکشن مہم کے دوران ایک سیاسی رہنما نے دوران انٹرویو مٹھی پیسوں سے گرم کر دی، کیمرہ بھی آن رہا، انٹرویو بھی چالو رہا، کمال کر دیا۔
بھارتی صحافی کا کانفیڈنس لیول چیک کریں، بہار الیکشن مہم کے دوران ایک سیاسی رہنما نے دوران انٹرویو مٹھی پیسوں سے گرم کر دی، کیمرہ بھی آن رہا، انٹرویو بھی چالو رہا، کمال کر دیا۔۔!!pic.
— Khurram Iqbal (@khurram143) July 28, 2025
ایک صارف نے لکھا کہ یہ ضمیر بیچنے کا وہ لمحہ تھا جب کیمرہ تو آن تھا، مگر کردار آف ہو گیا تھا۔
یہ ضمیر بیچنے کا وہ لمحہ تھا جب کیمرہ تو آن تھا، مگر کردار آف ہو گیا تھا۔ https://t.co/zexUlLm86S
— Chart Sufi (@levelsandlines) July 28, 2025
ایک بھارتی صارف نے تنقید کرتے ہوئے کہا کہ زیادہ تر سیاستدان بدعنوان ہیں اور یہ تو انتہا ہے۔ انہوں نے مزید کہا کہ ان پڑھ لوگ وہ سب کچھ سچ مان لیتے ہیں جو کوئی رپورٹر انہیں بتاتا ہے۔
Amist politicians are corrupt and this is the height. Uneducated people will believe anything any reporter tells them. ???? SAD.
— Ashok kumar Bhandari (@Ashokku41775318) July 28, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی الیکشن بہار پپو یادو رشوت صحافی رشوتذریعہ: WE News
کلیدی لفظ: بھارتی الیکشن بہار رشوت صحافی رشوت الیکشن مہم کے دوران سیاسی رہنما کہا کہ
پڑھیں:
سندھ کے وزیر اور پی پی رہنما کا فاروق ستار کے بیان پرشدید ردعمل، سیاسی لاش اور شعبدہ باز قرار دے دیا
سندھ کے وزیر برائے منصوبہ بندی و ترقیات سید ناصر حسین شاہ نے ایم کیو ایم پاکستان کے رہنما فاروق ستار کے حالیہ بیان پر شدید ردعمل دیتے ہوئے اسے "بکھری ہوئی سوچ اور ایک ناکام سیاسی وجود کی آخری چیخ" قرار دیا ہے۔
ناصر حسین شاہ نے کہا کہ فاروق ستار اس وقت سیاسی تنہائی، قیادت کے فقدان اور عوامی کی طرف سے مسترد کیے جانے کا شکار ہیں، اسی وجہ سے وہ سستی شہرت کے لیے وہ کھلے عام جھوٹ بول رہے ہیں، لیکن عوام اب ان کا اصل چہرہ پہچان چکے ہیں،"
انہوں کہا کہ "جس شخص کے سیاسی ماضی پر لسانی تعصب، بھتہ خوری، ٹارگٹ کلنگ اور کراچی کے امن کی تباہی جیسے داغ ہوں، اسے عوامی خدمت کا نام لینا زیب نہیں دیتا، یہ سراسر ایک تلخ مذاق ہے۔"
ناصر حسین شاہ نے نے فاروق ستار کو "سیاسی لاش" قرار دیتے ہوئے کہا کہ وہ محض جھوٹے بیانات، ڈرامے اور میڈیا پر نمودار ہوکر خود کو زندہ رکھنے کی کوشش کر رہے ہیں اور اپنی سیاسی قبر سے نکل کر وہ سندھ حکومت پر کیچڑ اچھالنے کی ناکام کوشش کر رہے ہیں، لیکن شہر کے عوام سچ اور جھوٹ میں فرق جانتے ہیں۔
ناصر حسین شاہ نے کہا کہ "فاروق ستار نہ کسی سیاسی جماعت کے نمائندہ ہیں، نہ ان کا کوئی نظریہ ہے اور نہ ہی عوام ان پر اعتماد کرتے ہیں۔ وہ صرف ایک بدبودار ماضی کی یادگار بن چکے ہیں۔"
انہوں نے کہا کہ سندھ حکومت پر انگلی اٹھانے سے پہلے فاروق ستار کو آئینہ دیکھنا چاہیے۔ "عوام انہیں سیاسی تاریخ کے کوڑے دان میں پھینک چکے ہیں اور وہاں سے واپسی کا کوئی دروازہ باقی نہیں بچا۔"
ناصر شاہ نے کہا کہ "ہم ایسے مفاد پرستوں کو پہلے بھی بے نقاب کر چکے ہیں اور آئندہ بھی ان کا اصل چہرہ عوام کے سامنے لاتے رہیں گے۔ یہ وہ لوگ ہیں جو صرف اقتدار کی گود میں پلتے ہیں اور اصول اور عوامی خدمت ان کے مزاج کا حصہ نہیں۔"
انہوں نے کہا کہ سندھ حکومت کی مسلسل عوامی خدمت، ترقیاتی منصوبے اور انتھک محنت نے فاروق ستار جیسے زوال پذیر سیاستدانوں کو سخت بے چین کر دیا ہے اور ان کا سیاسی وجود اب صرف چند لمحوں کے میڈیا ڈراموں تک محدود رہ گیا ہے جس کا نہ کوئی وزن، نہ کوئی مقصد۔"
آخر میں ناصر حسین شاہ نے کہا کہ "کراچی کے عوام اب ان جیسے سیاسی شعبدہ بازوں کے جھانسے میں نہیں آئیں گے۔ وقت نے ثابت کر دیا ہے کہ عوام باشعور ہو چکے ہیں اور اصلی خدمت اور دکھاوے میں واضح فرق کرنا جانتے ہیں۔
وزیر قانون و انصاف سینیٹر اعظم نذیر تارڑ کادورہ آذربائیجان، وزیرِ اعظم ، وزیر انصاف اور سپریم کورٹ کے چیف جسٹس سے ملاقاتیں